Balap motor Grand Prix

Ti Wikipédia Sunda, énsiklopédi bébas
Balap motor Grand Prix
Logo resmi MotoGP
KategoriBalap motor
WewengkonInternasional
Usum munggaran1949
Ramatlokawww.motogp.com
Kajuaraan Dunya MotoGP
KonstruktorAprilia, Ducati, Honda, KTM, Suzuki, Yamaha
GilindingMichelin
Juara2016 Spanyol Marc Márquez
Jawara konstruktorHonda
Usum ayeuna
Kajuaraan Dunya Moto2
KonstruktorKalex, Suter, Speed Up, Tech 3, KTM
GilindingDunlop
Juara2016 Prancis Johann Zarco
Jawara konstruktorKalex
Usum ayeuna
Kajuaraan Dunya Moto3
KonstruktorKTM, Mahindra, Honda, Peugeot
GilindingDunlop
Juara2016 Afrika Kidul Brad Binder
Jawara konstruktorKTM
Usum ayeuna
Balap motor Grand Prix

Kajuaraan dunya balap motor Grand Prix mimiti diayakeun ku Fédération Internationale de Motocyclisme (FIM) taun 1949.[1] Harita sacara tradisional geus dilaksanakeun sababaraha balapan di masing-masing acara pikeun sagala rupa kelas motor, dumasar kapasitas mesin, sarta kelas pikeun sidecars (motor gandéngan nu ditapelkeun digigir).[1] Kelas-kelas nu aya harita nyaéta 50 cc, 125 cc, 250 cc, 350 cc, sarta 500 cc pikeun motor nu ditumpakan ku sorangan, sarta 350 cc jeung 500 cc pikeun motor sidecars.[1] Taun 1950-an sarta sapanjang taun 1960-an, motor mesin 4 Tak pinunjul di sakuliah kelas.[1] Dina panungtungan taun 1960-an, motor mesin 2 mimiti pinunjul di kelas-kelas leutik.[1] Dina taun 1970-an motor mesin 2 Tak bener-bener nyingkahkeun mesin-mesin 4 Tak.[1] Dina taun 1979, Honda ngusahakeun mesin 4 Tak di kelas utama kalayan nurunkeun motor NR500, tapi proyék ieu gagal, sarta dina taun 1983 Honda ngahontal kameunangan kalayan motor 500 cc 2 Tak.[1] Dina taun 1983, kelas 350 cc pamustunganna dieureunkeun.[1] Kelas 50 cc diganti ku kelas 80 cc dina taun 1984, antukna kelas nu mindeng didominasi ku purah balap ti Spanyol jeung Italia dieureunkeun taun 1990.[1] Kelas sidecars ogé dieureunkeun tina kajuaraan dunya taun 1990-an, nu aya tinggal kelas 125 cc, 250 cc, sarta kelas 500 cc.[1]

Pedaran[édit | édit sumber]

Motor Grand Prix nyaéta mesin balap nu dijieun husus sarta teu dijual pikeun dibeuli ku masyarakat umum sarta teu meunang dipaké di jalan umum.[2] Ieu béda kalayan sababaraha kategori balap dumasar produksi, saperti Superbike sarta Isle of Man TT Races nu ngaluarkeun motor vérsi modifikasi nu dijual atawa sadia pikeun umum.[2]

Kiwari kajuaraan dibagi kana tilu kelas : MotoGP, Moto2 sarta Moto3.[2] Sakabéh kelas ngagunakeun mesin 4 Tak.[2] Taun 2010 kelas 250cc diganti ku kelas Moto2 600 cc mesin 4 tak.[2] taun 2012 kelas 125cc diganti ku kelas Moto3 250cc mesin 4 tak kalayan wates beurat 65 kg kalayan béngsin, sarta kapasitas mesin pikeun MotoGP dironjatkeun tina 800 cc ka 1.000 cc.[2]

Kajuaraan dunya balap motor Grand Prix FIM mimiti diorganisir ku Fédération Internationale de Motocyclisme taun 1949.[2] Hak komérsial kiwari dipibanda ku Dorna Sports, kalayan FIM minangka badan sanksi olahraga.[2] Tim-tim diwakilan ku International Road Racing Teams Association (IRTA) sarta produsén ku Motorcycle Sport Manufacturers Association (MSMA).[2] Aturan sarta parobahan tetekon diputuskeun antara opat éntitas, kalayan Dorna ngalakukeun ngumpulkeun sora sacara tie-breaking.[2] Dina kasus modifikasi téknis, MSMA wenang sacara sapihak ngalakukeun atawa ngavéto parobahan kalayan sora buleud di antara para anggotanna.[3] Kaopat éntitas ieu ngawangun Komisi Grand Prix.[2]

Motor Yamaha YZR-M1 MotoGP (2006)

Balap motor Grand Prix kelas utama geus robah sacara dramatis dina sababraha taun panungtung.[2] Ti tengah-tengan taun 1970 nepi ka taun 2001, kelas utama balap motor Grand Prix ngarobah mesin 500 cc kalayan maksimal opat séher, teu paduli naha mesin éta 2-Tak atawa 4- Tak.[2]

Dina taun 2002, parobahan tetekon diwanohkeun.[2] Aturan kasebut ngidinan produsén milih antara mesin 2-Tak 500 cc atawa mesin 4-Tak ti 990 cc.[2] Pabrikan ogé diidinan pikeun ngagunakeun pilihan konfigurasi mesin maranéhna.[2] Sanajan waragad ngaronjat badag dina ngawangun mesin 4-Tak, lantaran kaleuwihan kapasitas 490cc.[2] Mesin 4-Tak bisa gancang pinunjul ti saingan 2-Tak.[2] Akibatna, taun 2003 euweuh mesin 2-Tak dina balapan MotoGP.[2] Kelas 125 cc jeung 250 cc masih maké mesin 2-Tak.[2]

Dina taun 2007, kelas MotoGP kapasitas mesin maksimum dikurangan jadi 800 cc salila minimal lima taun.[2] Pikeun usum 2012 kapasitasna geus ngaronjat deu jadi 1.000 cc.[4]

Usum MotoGP nu has

Kalender balap taun 2008 ngawengku 18 rintakan di 15 nagara nu béda (Qatar, Spanyol nu ngayakeun tilu rintakan, Portugal, China, Prancis, Itali, Britania Raya, Walanda, Jérman, Amérika dua rintakan, Républik Céko, San Marino, Jepang, Australia sarta Malaysia).[2] Eksklusif pikeun kelas MotoGP, aya ogé rintakan Amérika di Mazda Raceway Laguna Seca di Monterey, California, pikeun kelas 800 cc wungkul; ku sabab paddock teu cukup gedé pikeun dua kelas lianna.[2] Dina taun 2008, MotoGP diayakeun di Indianapolis Motor Speedway nu munggaran dina jalur nu anyar disiapkeun.[2] Katilu kelas kasebut dijadwalkeun balap tapi angin tarik sarta hujan antukna kelas 250 cc teu jadi balap.[2] Balapan MotoGP di Indianapolis ngalawan arah jarum jam, kalayan "snake pit" kompléks ngaliwatan garis start-finish saancan ka péngkolan hiji jalur pondok sarta asup bagéan tengah sirkuit.[2]

Grid ngawengku tilu kolom (Opat pikeun kelas 125 cc sarta kelas 250 cc) sarta bisa asup sakitar 20 urang purah balap.[2] Posisi grid diputuskeun dina urutan kualifikasi kacepatan, kalayan nu panggancangna di posisi pole atwa posisi kahiji.[2] Balapan lumangsung kira-kira 45 menit, setiap balapan mangrupa pagancang-gancang ti awal nepi ka ahir tanpa ngadu bahan beuleum atawa gilinding.[2]

Taun 2005, tetekon bandéra pikeun MotoGP diwanohkeun.[2] Saméméhna, lamun mimiti balapan garing terus turun hujan, patugas ngébérkeun bandéra beurem (balapan eureun) sarta diteruskeun atawa dibalikan deui maké gilinding husus baseuh.[2] Ayeuna, nalika hujan turun, bandera bodas dikébérkeun, nandakeun yén purah balap bisa asup pit pikeun ngaganti motor nu béda gilindingna [5] Sagédkngeun béda gilinding, motor cuaca baseuh mibanda rém rotor waja sarta brake pads nu béda tibatan rém karbon sarta pedal nu digunakeun dina motor 'garing'.[2] ku sabab rém karbon kudu kaayan panas supaya pungsina hadé, sedengkeun cai ngalantarankeun tiis.[2] Suspénsi ogé 'ngahipuan' rada naék ku sabab cuaca baseuh.[2]

Nalika purah balap kacilakaan, patugas sirkuit ngébérkeun bandéra konéng, ngalarang ngaliwat ka daérah éta; bandéra konéng dikébérkeun.[2] Mun purah balap nu cilaka teu bisa diévakuasi kalayan salamet ti lintasan, balapan ditandaan kalayan bandéra beureum.[2] Aya dua jenis kacilakaan balap motor : lowside, kalayan purah balap awalna nuturkeun motorna (labuh bareng jeung motor), sarta nu leuwih bahaya highside, kalayan purah balap nu ngacleng tina motor.[2] Ngaronjatkeun ngagunakeun kontrol traksi ngurangan kacilakaan highside.[2]

Hiji motor tingkat pangluhurna pikeun purah balap kira-kira méakeun waragad 3 nepi 3,5 juta dollar pikeun hiji usum balap.[6]

Minangka alatan krisi finansial 2008–2009, MotoGP geus ngalaman parobahan dina usaha ngurangan waragad.[2] Di antarana ngurangan sési latihan poé Juma'ah, ngalarang suspénsi aktif, kontrol sarta rém karamik komposit, manjangkeun umur mesin, sarta ngurangan sési pangujian.[7]

Purah balap[édit | édit sumber]

Purah balap nguriling dunya pikeun balapan dina séri Kajuaraan Dunya FIM taunan.[8]   Kajuaraan ieu loba pamilonna ti Italia jeung Spanyol, loba purah balap nu pinunjul ti nagara ieu di awal abad ka-21.[8] Pikeun usum balapan taun 2011, 25 purah balap ti delapan nagara milu balap di kajuaraan kelas utama.[8]

Juara[édit | édit sumber]

Hadiah Kajuaraan Dunya dibikeun ka purah balap paling suksés dina hiji usum, saperti nu ditangtukeun ku sistim peunteun dumasar hasil Grand Prix.[9] Juara Dunya satiap kategori wajib pikeun milu upacara resmi FIM.[9]

Giacomo Agostini nyaéta juara paling suksés dina sajarah Grand Prix, kalayan 15 gelar (8 di kelas 500 cc sarta 7 di kelas 350 cc).[10] Mick Doohan, nu meunang 12 tina 15 (80%) balapan 500 cc di Usum Balap motor Grand Prix 1997 ogé pantes diajénan.[11] Valentino Rossi mangrupa purah balap kontémporér nu paling suksés, geus meunang salapan gelar kaasup genep gelar Moto GP, di kelas 500 cc, 250 cc jeung 125 cc.[12] Juara purah balap ayeuna (2016) nyaéta Marc Márquez.[13]

Sirkuit MotoGP[édit | édit sumber]

Peta MotoGP. Nagara-nagara nu ditandaan kalayan kelir héjo jadi tuan rumah grand prix panungtung, maranéhna nu beureum geus jadi tuan rumah MotoGP mangsa kaliwat.

Usum balap MotoGP 2017 ngawengku 18 balapan di sirkuit di 15 nagara nu béda (Spanyol opat kali rintakan ngayakeun balapan).[14]

, Scarperia, Mugello Circuit

, Rimini, Misano World Circuit Marco Simoncelli

Spésifikasi[édit | édit sumber]

Kelas MotoGP[édit | édit sumber]

Casey Stoner di MotoGP Brno

Kacepatan pangtarikna pikeun motor MotoGP dina kategori 125 cc nyaéta 249,76 km / jam (155,19 mph) ku Valentino Rossi taun 1996 pikeun Aprilia sarta kacepatan pangtarikna dina sajarah MotoGP nyaéta 361 km/h (224 mph), ku Andréa Dovizioso, nalika pamansan di Grand Prix Qatar 2016.[15]

Tanggal 11 December, 2009, Komisi Grand Prix ngabéwarakeun yén kelas MotoGP baris dironjatkeun jadi mesin 1.000 cc mimiti usum 2012. Maksimum diwates nepi ka 1.000 cc, séher maksimum diwates nepi ka opat, sarta bore maksimum nepi ka 81 mm (3.2 inches).[16] Carmelo Ezpeleta, Céo Dorna Sports, nunjukkeun yén parobahan nu diproyéksikeun ditarima ku tim kalayan hadé.[17]

Ti taun 2012, tim-tim nu teu asup salah sahiji produsén gedé bisa néangan status "claiming rule team" (CRT).[18] CRT dimaksudkeun supaya tim independén bisa saingan kalayan waragad leuwih murah sarta nambah jumlah pamilon di MotoGP.[18] CRT diuntungkeun tina paraturan nu kurang ketat ngunaan jumlah mesin nu bisa digunakeun dina hiji usum, sarta kalayan tunjangan bahan beuleum nu leuwih gedé salila balapan.[18] Kalayan paraturan klaim, CRT satuju pikeun ngidinan nepi ka opat mesin per usum pikeun diklaim, sanggaeus balapan, ku salah sahiji tim produsén utama kalayan waragad masing-masing gedéna €20,000 kaasup persenéleng, atawa masing-masing €15,000 pikeun mesin wungkul.[19] Ti usum taun 2014, kelas CRT diturunkeun demi spésifikasi "Open Class" - ngidinan tim ngagunakeun pakakas kontrol ECU sarta pikeun ngaronjatkeun daya saing maranéhna.[18]

Kelas Moto2[édit | édit sumber]

Moto2 (dipikawanoh ogé kelas 600cc class) nyaéta kelas 600 cc 4-Tak, diluncurkeun taun 2010 pikeun ngagantikeun kelas tradisional 250 cc 2-Tak.[20] Mesin dipasok sacara éksklusif ku Honda,[21] gilinding ku Dunlop sarta éléktronik kawates sarta ngan dipasok ku produsén nu ditunjuk ku FIM kalayan waragad maksimum nu ditetepkeun gedéna 650 EUR. Rém cakram karbon dilarang, ngan cakram rém waja nu diidinan.[20] Sanajan kitu, euweuh watesan pikeun rangka.[20] Ti taun 2010 jeung saterusna, ngan mesin 600 cc 4-T Moto2 nu diidinan.[20]

Kelas Moto3[édit | édit sumber]

Kelas 125 cc diganti taun 2012 ku kelad Moto3.[22] Kelas ieu diwatesan pikeun mesin opat seher kapasitas 250 cc kalayan bore maksimum 81 mm (3.2 inches).[22] Beurat total minimum pikeun motor sarta purah balap nyaéta 152 kg (335 lb).[22] Purah balap kelas Moto3 teu meunang leuwih kolot ti 28 taun, atawa 25 taun pikeun purah balap anyar kontrak nu mimiti ngiluan sarta wild-cards.[22]

Spésifikasi mesin[édit | édit sumber]

Spésifikasi MotoGP Moto2 Moto3
Pabrik Rupa-rupa Honda Rupa-rupa
Konfigurasi 75.5°-90° V4/Sagaris-opat sagaris-opat sa-séher
Kapasitas 1,000 cc (61 cu in) 600 cc (37 cu in) 250 cc (15 cu in)
Kombusi Four-stroke (ti taun 2012)
Kelép DOHC, opat-kelép per séher
Bahan beuleum Tanpa timbal 100 octane (euweuh kontrol) Total tanpa timbal 98 octane (saprak 2016)
Sistim bahan beuleum Bahan beuleum injéksi
Aspirasi Natural aspiration
tanaga 240 bhp (180 kW) > 140 bhp (100 kW) > 55 bhp (41 kW)
Rasio Tanaga-ka-beurat 1.51 bhp/kg ~1 bhp/kg [23] ~0.6 bhp/kg [23]
Palumasan Wet sump
Wates Rev 17,500 - 18,000 rpm 14,000 rpm
Kacepatan 361 km/h (224 mph) 280 km/h (174 mph) 231 km/h (144 mph)
Paniis Kompa cai tunggal
Busi NGK

Beurat[édit | édit sumber]

Beurat minimum - Kelas MotoGP
Jumlah séher 2002 minimum 2007 minimum 2010 minimum
2 135 kg (298 lb) 137 kg (302 lb) 135 kg (298 lb)
3 135 kg (298 lb) 140.5 kg (310 lb) 142.5 kg (314 lb)
4 145 kg (320 lb) 148 kg (326 lb) 150 kg (330 lb)
5 145 kg (320 lb) 155.5 kg (343 lb) 157.5 kg (347 lb)
6 155 kg (342 lb) 163 kg (359 lb) 165 kg (364 lb)
  • Dina taun 2005, kapasitas téngki bahan beuleum dironjatkeun ti 20 léter ka 24 léter.[24]
  • Dina taun 2006, kapasitas tengki bahan beuleum dikurangan saeutik ti 24 léter ka 22 léter.[24]
  • Ti taun 2007 jeung saterusna, sarta pikeun jangka waktu minimal lima taun, FIM geus ngatur kelas MotoGP yén mesin 2-T geus teu diidinan.[24] Kapasitas bahan beuleum maksimal jadi 21 léter.[24]
  • Ti taun 2007 ka taun 2011, mesin 4-Tak diwates nepi ka 800 cc [25]
  • Dina taun 2012 kapasitas mesin dironjatkeun jadi 1000cc[26]
  • Pikeun usum taun 2013 minimum beurat dironjatkeun ka 160 kg (350 lb) [27]
  • Pikeun usum taun 2015 minimum beurat diturunkeun ka 158 kg (348 lb)[28]

Gilinding[édit | édit sumber]

Pikeun taun 2009, 2010 sarta 2011, panyadia gilinding Bridgestone ditunjuk ku FIM (kalayan Michelin teu nyadiaan gilinding pikeun MotoGP).[29] Bridgestone nyadiakeun pikeun sakabéh usum opat spesifikasi nu béda ti gilinding hareup, genep gilinding tukang, sarta hiji spésifikasi gilinding baseuh—kalayan tanpa spésifikasi kualifikasi.[29] Pikeun satiap rintakan Bridgestone disadiakeun ngan dua spésifikasi pikeun hareup jeung tukang.[29] Gilinding sacara acak dibagikeun ka purah balap pikeun ngajamin teu mihak ka salah sahiji purah balap.[29] Jorge Lorenzo ngarojong tetekon mono gilinding.[30]

Dina panungtung usum taun 2015, Bridgestone  ngundurkeun diri minangka panyadia gilinding resmi ka MotoGP.[31] Nurutkeun tender formal, produsen gilinding Perancis Michelin jadi panyadia resmi pikeun usum 2016, sarta pangujian di Aragon dimimitian sanggeus ahir usum 2015.[32]

Sistim peunteun[édit | édit sumber]

Sistim peunteun kiwari [33]
Posisi 1 2 3 4 5 6 7 8 9 10 11 12 13 14 15
Peunteun 25 20 16 13 11 10 9 8 7 6 5 4 3 2 1

Dicutat tina[édit | édit sumber]

  1. a b c d e f g h i j "Sejarah MotoGP". racemotogp.com. http://racemotogp.com/paddock/sejarah-motogp/. Diakses pada 22 Juni 2017  Archived 2017-07-18 di Wayback Machine
  2. a b c d e f g h i j k l m n o p q r s t u v w x y z aa ab ac ad ae af ag ah ai aj ak al am "MotoGP". sportcentral.es. http://sportcentral.es/motogp. Diakses pada 22 Juni 2017  Archived 2016-10-31 di Wayback Machine
  3. Noyes, Dennis (2007-12-21). "MOTOGP: Dorna CEO Advocates Limits on Electronics in MotoGP". SPEEDTV.com. Diarsipkan dari yang asli on 2008-05-06. https://web.archive.org/web/20080506131015/http://moto-racing.speedtv.com/article/motogp_dorna_ceo_advocates_limits_on_electronics_in_motogp/P2/. Diakses pada 2008-03-04  Archived 2008-05-06 di Wayback Machine
  4. "MotoGP increases engine size to 1,000 cc in 2012". BBC Sport. Citakan:ISO date/en. http://news.bbc.co.uk/sport1/hi/motorsport/motorbikes/8409225.stm 
  5. "Barros Dominates Rain-Hit Contest in Portugal". world.honda.com. Citakan:ISO date/en. http://world.honda.com/WGP/2005/02portugal/race/. Diakses pada 23 Juni 2017 
  6. THE IDIOT’S GUIDE TO MOTOGP: How to increase costs and decrease speed (Part II) sportbikes.net Moto GP News 3 January 2006.
  7. "FIM announce changes to 2009 regulations". MotoGP.com. 2009-02-18. http://www.motogp.com/en/news/2009/FIM+announce+changes+to+2009+regulations+0. Diakses pada 23 Juni 2017  Archived 2012-09-08 di Wayback Machine
  8. a b c "MotoGP World Championships Upcoming Events of 2017". vipsuperbiker.com. Diakses tanggal 26 Juni 2017. [tumbu nonaktif]
  9. a b "MotoGP Reglement 2016" (PDF). motorsport-total.com. Diakses tanggal 28 Juni 2017. 
  10. "Giacomo Agostini". motogp.com. Diakses tanggal 28 Juni 2017.  Archived 2015-03-16 di Wayback Machine
  11. "Mick Doohan". motogp.com. Diakses tanggal 28 Juni 2017.  Archived 2012-10-25 di Wayback Machine
  12. MotoGP. "Valentino Rossi". MotoGP Rider Profiles. Dorna Sports S.L. Diakses tanggal 28 Juni 2017.  Archived 2013-05-01 di Wayback Machine
  13. "Marc Marquez". motogp.com. Diakses tanggal 28 Juni 2017.  Archived 2012-05-04 di Wayback Machine
  14. "2015 provisional MotoGP™ calendar announced". motogp.com (Dorna Sports). Citakan:ISO date/en. http://www.motogp.com/en/news/2014/2015+provisional+MotoGP+calendar+announced. Diakses pada 26 September 2014  Archived 8 Oktober 2014 di Wayback Machine
  15. "Race Top Speed & Average" (PDF). MotoGP.com. 2015-03-29. Diakses tanggal 2014-06-02. 
  16. "MotoGP Goes Back to 1,000 cc in 2012". Motorcycle-usa.com. Diakses tanggal 2014-05-27. [tumbu nonaktif]
  17. " MOTOGP: Rossi Quickest As Sepang Test Concludes," Archived 2010-07-31 di Wayback Machine SPEEDtv.com (2010).
  18. a b c d MotoGP Rules Update: 'CRT' Name Dropped, Replaced With 'Open' Motomatters, 17 October 2013 Retrieved 2014-12-17
  19. "Corrado Cecchinelli talks CRT regulations". MotoGP.com. 2011-05-03. Diakses tanggal 30 Juni 2017.  Archived 2013-06-27 di Wayback Machine
  20. a b c d "Moto2 600cc four-stroke rules unveiled". motorcyclenews.com. http://www.motorcyclenews.com/sport/motogp/2008/december/dec1108-moto2-600cc-rules-unveiled/. Diakses pada 30 Juni 2017 
  21. "Honda Moto2 Engines To Produce 125 BHP". motomatters.com. https://motomatters.com/news/2010/02/24/honda_moto2_engines_to_produce_125_bhp.html. Diakses pada 30 Juni 2017 
  22. a b c d "What is MotoGP". srm-sachsenring.de. Diakses tanggal 2014-06-02. 
  23. a b Sports, Dorna. "Inside MotoGP™ · Bikes". www.motogp.com. Diakses tanggal 2016-04-02.  Archived 2016-04-08 di Wayback Machine
  24. a b c d "MotoGP fuel limit set at 22 litres for 2016". bikesportnews.com. http://www.bikesportnews.com/news/news-detail/motogp-fuel-limit-set-at-22-litres-for-2016. Diakses pada 30 Juni 2017 
  25. "MotoGP". sportrider.com. http://www.sportrider.com/tags/motogp. Diakses pada 30 Juni 2017  Archived 2017-07-27 di Wayback Machine
  26. "MotoGP Basics".  Archived 2013-02-02 di Wayback Machine
  27. "How the MotoGP weight increase happened". crash.net. http://www.crash.net/motogp/news/176551/1/why-the-motogp-weight-limit-changed.html. Diakses pada 30 Juni 2017 
  28. "MotoGP™ software development freeze for mid-2015". 
  29. a b c d "Bridgestone: How MotoGP Spec Tyres Will Work". SuperbikePlanet.com. February 4, 2009. Diarsipkan dari versi asli tanggal February 7, 2009. Diakses tanggal 30 Juni 2017.  Archived Pébruari 7, 2009, di Wayback Machine
  30. Jorge Lorenzo satisfied with single tyre rule motorcyclenews
  31. "Bridgestone to withdraw from MotoGP™ after the 2015 season". MotoGP.com. Diakses tanggal 30 Juni 2017. 
  32. "Michelin to become MotoGP™ Official Tyre supplier". MotoGP.com. Diakses tanggal 30 Juni 2017. 
  33. "Michelin to become MotoGP™ Official Tyre supplier". MotoGP.com. Diakses tanggal 30 Juni 2017.  Archived 2017-07-09 di Wayback Machine

Tumbu kaluar[édit | édit sumber]