Bangsing

Ti Wikipédia Sunda, énsiklopédi bébas
Loncat ke navigasi Loncat ke pencarian
Bangsing

Bangsing nyaéta waditra tiup anu hampir aya di Unggal daérah di Tatar Sunda[1]. Ieu waditra sajenis jeung suling, dijieun tina awi tamiang anu miboga tujuh liang[1]. Genep liang keur liang sora, sedengkeun hiji liang dipaké pikeun niup[1]. Liang anu jadi sumber sora ieu téh ayana di Deukeut pongpok (tutup[1]. Di CIrebon, Bangsing sok dipaké minangka panglengkep dina gamelan prawa, nya ta dina pintonan Ibing topéng Cirebon, tapi para senimanna nyebut bangsing téh suling[1]. Di daérah séjén, bangsing dipaké minangka panglengkep orkés Malayu nu ahirna sok disebut musik dangdut[1].

Nu keu maén bangsing

Cara Maén[édit | édit sumber]

Posisi Ramo[édit | édit sumber]

Posisi ramo nalika maén bangsing tangtuna baé béda jeung posisi ramo dina maén suling biasa, sabab bangsing mah dimaénkeun sacara horizontal, Ramo-ramo ieu disimpen kalayan susunan: Ramo curuk, jajangkung, jeung jariji ti leungeun kénca nutup tilu liang sora anu pangdeukeutna ti liang tiup[2]. Sedengkeun ramo curuk, jajangkung, jeung jariji ti leungeun katuhu nutup tilu liang sésana[2]. Lengeun henteu disajajarkeun, leungeun katuhu mah nyekelna ti Arah luhur, ari leungeun kénca mah ti handap[2].

Téhnik niup[édit | édit sumber]

Téhnik niup bangsing, dina prinsipna mah teu pati jauh jeung alat musik séjénna nyaéta niupkeun udara ka liang tiup. Nalika niup bangsing, biwir disimpen kira-kira saparapat ti liang tiup katutup ku biwir handap, sedengkeun biwir luhur ngatur udara anu kaluar saluyu jeung pangabutuh lagu[2]. Téhnik tiupan éta di antarana: (1) Tiupan Kendor pikeun ngaluarkeun sora rendah, (2) Tiupan sedeng pikeun ngahasilkeun sora anu sedeng, (3) Tiupan Kenceng, ieu tiupan ngagunakeun tekenan anu kenceng jadi sora anu kaluarna ogé luhur[2].

Référénsi[édit | édit sumber]

  1. a b c d e f Disbudpar Jabar-Bangsing
  2. a b c d e Pratama, Angga.2010.(skripsi)TEKNIK MEMAINKAN BANGSING PADA KISER DALAM KESENIAN TARLING DI LINGKUNG SENI PUTRA SANGKALA CIREBON.Bandung:Jur. Pend. Seni Musik FPBS UPI


Nulis.jpg