Beus
- Pikeun kagunaan séjén, tempo Beus (disambiguasi).
Beus nyaéta kandaraan gedé nu rodaan, dipaké keur mawa panumpang nu jumlahna loba. Istilah beus ieu asalna tina basa Latén, omnibus, nu hartina keur sakabéh jalma.
Jenis beus
[édit | édit sumber]
Sababaraha rupa beus dijieun dumasar kana jauh deukeutna jarak nu dijugjug. Sababaraha beus husus dijieun ogé keur kagunaan husus. Rupa-rupa beus éta di antarana:
- Beus komuter (contona beus transit lokal atawa beus kota), biasana boga dua panto, di hareup jeung di tukang.
- Beus sakola, keur barudak sakola
- Beus listrik:
- Trolleybus, siga komuter tapi digerakkeunnana ku listrik
- Tram di tempat parkir, beus nu wangunna husus, biasana aya di tempt parkir saperti Disneyland
- Coach atawa motorcoach, biasana mangrupa kandaraan nu dirancang pikeun indit-inditan jarak jauh, rada séjén tinimbang beus biasa. Beus ieu dilengkepan ku korsi nu leuwih ngareunah, rohangan keur bahasi, tur mesin ogé gedé deuih. Kandaraan ieu biasana leuwih jangkung tinimbang beus biasa, tur seseringna mah aya a.c.-an, toilet, jeung sistim audio/video. Coach / motorcoach mangrupa alat pangangkutan nu fleksibel, bisa dipaké keur pariwisata, liburan atawa perjalanan antar-kota.
- Beus wisata jarak deukeut, basajan, miboga sistim PA sarta kadang-kadang aya sistim vidéoan. Double-decker atawa kandaraan husus nu geus liwat mangsa pakena sering dipaké keur bisnis beus wisata lokal siga kieu.
- Minibeus, kandaraan nu rada leuwih gedé tinimbang vans panumpang, panumpangna henteu leuwih ti 25.
- Midibus, atawa beus ukuran sedeng, leuwih gedé batan minibus, tapi leuwih leutik ti batan motorcoach, tempat diukna 26 nepi ka 47
- Mikrobeus, atawa di urang mah disebutna mikro, atawa ogé élep (élf), bisa dipaké keur jarak deukeut, atawa jarak nu sedeng, saperti Tasikmalaya-Bandung
- Beus tilu parapat, leuwih gedé ti batan mikrobeus. Bisa dipaké keur beus jero kota, atawa ogé kadang keur jarak nu sedeng.
- Beus tingkat, dirancang dua lantéy sangkan muat loba. Baréto mah loba di Jakarta, Semarang jeung Solo, sarta dipikawanoh ogé di sababaraha kota gedé séjén sperti London, Bombay, Hong Kong, Singapura, Dublin, Berlin, Davis, California, jeung Victoria, British Columbia.
- Articulated buses, beus gandeng (atawa artic, bendy bus atawa beus panjang disababaraha wewengkon mah), beus nu diranang pikeun nambahan jumlah panumpang. Beus ieu kacida panjangna, susah lamun keur macet
- Beus nu dasarna handap, diwangun ahir abad ka-20, nu ngagampangkeun panumpang nu maké korsi roda atawa alat séjénna. Di U.K sakabéh beus geus kudu biga dasar handap nepi ka taun 2016, keur nyumponan Aturan Disability Discrimination Act (DDA). Transport for London (TfL) nangtukeun yén sakabéh beus layanan kudu boga dasar handap.
- Guided bus, dikamudikeun keur bagéan-bagéan nu jalurna maké track atawa rél.
- Shuttle bus, keur rute tinangtu nu pondok, bulak-balik. Biasana ngalayanan dua atawa leuwih terminal angkutan, saperti stasion kareta api, bandara atawa palabuan
- Bus diajar, beus husus nu dipaké ku pausahaan beus pikeun ngalatih kaparigelan supirna atawa singsaha baé nu hayang bisa nyupiran beus]
Tumbu luar
[édit | édit sumber] |
Wikimedia Commons mibanda média séjénna nu patali jeung bus. |
|
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |