Brownies kukus

Ti Wikipédia, énsiklopédia bébas
Loncat ke navigasi Loncat ke pencarian
Brownies kukus
Brownie in Poland.jpg
Brownies
Tipeu Pasagi
Tempat asal United States
Bahan utama Tarigu, butter, endog, coklat, gula
Variasi Blondie
Cookbook:Brownies kukus  Brownies kukus

Brownies kukus nyaéta kadaharan sabangsa bolu nu dijieun ku jalan diseupan.[1] Brownies dijieun tina bahan dasar tarigu, coklat, jeung gula.[2] Aya ogé brownies nu dijieun maké gula kawung (blondie), di nagara asala brownies téh disayagikeun pikeun kadaharan panutup.[2] Brownies mimiti dijieun di Amerika Serikat dina panungtung abad ka 19, tuluy nyebar ka nagara Kanada tur jadi kadaharan nu kamashur dina abad ka-20 nepi ka kiwari.[2][3]

Nyieun brownies kukus mah kawilang gampang, pakakas nu dipaké taya lian dandang atawa paranti nyeupan.[1] Saméméh adonan diseupan, dandangna kudu dina kaayaan panas ilaharna katempo kaluar ngebul tina tutupna.[1] Sangkan kesang/uap nu nyangkrung dina tutup seupannan henteu nyakclakan kana adonan, saméméhna tutup seupannan kudu di bulen heula maké elap.[1] Lamun henteu kitu, tangtuna adonan bakal bagel atawa henteu beukah ku lantaran kacakclakan kebul cai nu ngagolak.[1]

Sajarah[édit | édit sumber]

Baheula cenah brownis téh salah sahiji kamonésan tukang masak (koki) di hiji hotél (Palmer House Hotel) dina taun 1893, mangsa harita kapapancénan nyieun hiji kadaharan panutup pikeun sémah-sémah nu daratang dina acara pintonan/pameran di Kolombia Chicago.[4] Kahayangna kuéh nu bisa dipotong leutik tur diwadahan kana wadah ompréng, cindekna nya dijieun waé hiji kuéh brownie nu dilapis ku siki kanari jeung buah aprikot nu dingaranan Palmer House Brownie.[4]

Sawaréh deui aya nu nyebutkeun cenah brownies téh baheulana kueh burung (teu jadi) lantaran tutung jeung bagel mangsa di oven, sanajan kitu kiwari loba pisan nu mikaresep kana brownies kalawan dijieun dina rupa-rupa rasa.[5] Taya lian ti brownies kukus lantaran teksturna leuwih hipu, brownies nu dikukus (seupan) mah henteu loba kaleungitan kandungan cai.[5] [6]

Tutumbu kaluar[édit | édit sumber]

Dicutata tina[édit | édit sumber]

  1. a b c d e Cake Klasik Favorit Sepanjang Masa Cake Kukus. 2011. p. 54. ISBN 9789792266818. 
  2. a b c Clegg, Jo-Ann (1998-02-22). "Brownie connection just doesn't pan out". The Virginian-Pilot. https://www.highbeam.com/doc/1G1-68465004.html 
  3. Agribisnis Kreatif: Pilar Wirausaha Masa Depan, Kekuatan Dunia Baru Menuju Kemakmuran Hijau. Penebar Swadaya Group. 2012. ISBN 9789790025288. 
  4. a b Gage, Mary E. (February 2010). "History of Brownies (Chocolate)". Diakses tanggal 2010-03-13. 
  5. a b "Nothing beats a brownie". The Age. Citakan:ISO date/en. http://www.theage.com.au/news/epicure/nothing-beats-a-brownie/2005/06/20/1119119760490.html. Diakses pada 7 February 2016 
  6. Variasi brownies kukus & panggang. Jakarta. p. 3. ISBN 9789797571160. 
Nulis.jpg