Cingcau

Ti Wikipédia Sunda, énsiklopédi bébas
Loncat ke navigasi Loncat ke pencarian
Tangkal Camcauh
Klasifikasi ilmiah
Karajaan: Plantae
Kelas: Magnoliopsida
Order: Ranunculales
Kulawarga: Menispermaceae
Génus: Cyclea
Spésiés: Cyclea barbata Miers

Cingcau atawa Camcauh mangrupa tutuwuhan nu mangrupa areuy anu daunna lamun dirames dibauran cai saeutik engkéna sok ngagibleg saperti ager éncér.[1] Ilaharna sok diolah jadi inuman nyaéta és cingcau, biasana dina waktu buka puasa lantaraan tiis.[1] Camcauh aya anu dahanna paranjang saperti areuy daunna karandel jeung rada rubak.[1] Camcauh téh aya dua rupa nyaéta Camcauh Hideung jeung Camcauh Héjo.[2] Produksi camcauh lolobana di Indonésia persisna di Sumarorong, Sulawesi Barat.[2]

Sajarah[édit | édit sumber]

Tutuwuhan ieu asalna ti Asia, tuluy sumebar ka India, Birma, Indocina, Philipina, nepi ka Indonésia.[2] Tutuwuhan ieu alusna dipelak di daerah anu miboga kaluhuran taneuhna kira-kira 75 – 2300 m di luhureun permukaan laut.[2] Daérah Sumarorong, Sulawesi Barat mangrupa salah sahiji tempat anu alus pikeun tutuwuhan ieu ku sabab miboga iklim cuaca anu tiis jeung curah hujan anu cukup.[2] Tutuwuhan ieu geus diproduksi jadi cingcau bubuk anu leuwih loba diekspor ka luar negeri.[2]

Etimologi Cingcau[édit | édit sumber]

Kecap "cingcau" aslna tina dialék HokkianSienchau (Hanzi: 仙草, pinyin: xiancao) anu dipaké di kalangan Tionghoa di Asia Tenggara.[3]

Kandungan gizi[édit | édit sumber]

Nutrisi anu aya dina 100 g Cingcau nyaéta : Ènérgi 122 kkal [2]
Protéin 6 g [2]
Lemak 1 g [2]
Karbohidrat 26 g [2]
Kalsium 100 mg [2]
Fosfor 100 mg [2]
Zat besi 3.3 mg [2]
Vitamin A 10.750 SI [2]
Vitamin B1 80 mh [2]
Vitamin C 17 mg [2]
Serat 6.23 g [2]

Mangpaat[édit | édit sumber]

  1. Loba ngandung mineral utamana kalsium jeung fosfor.[3]
  2. Alus pikeun ngaleutikeun awak ku sabab kandungan kalorina saeutik.[3]
  3. Bisa nyagerkeun panas beuteung, sembelit, bungkak beuteung, demam jeung diaré.[3]
  4. Loba kandungan serat, mangpaatna pikeun ngabersihkeun organ pencernaan tina zat Karsinogen nu nyababkeun kanker.[3]
  5. Ngandung senyawa dimetil kurin-1 dimetoidida anu gunana pikeun ngaleuleuskeun otot-otot anu tegang.[3]
  6. Ngandung senyawa Isokandrodendrin anu dipercaya bisa nyingkahan sél tumor ganas.[3]
  7. Ngandung alkaloid bisbenzilsokuinolin jeung S,S-tetandrin anu hasiatna nyingkahan kanker ginjal, antiradang jeung nurunkeun darah tinggi.[3]

Rujukan[édit | édit sumber]

  1. a b c Danadibrata,R.A.(2006).Kamus Basa Sunda.Bandung: Kiblat Buku Utama.
  2. a b c d e f g h i j k l m n o p q CINCAU HITAM, MUDAH DIDAPAT,MURAH, BERKHASIAT DAN, MENGUNTUNGKAN (Dicutat tanggal 20 Oktober 2011)
  3. a b c d e f g h Manfaat Cincau (Dicutat tanggal 21 Oktober 2011)