Areuy

Ti Wikipédia, énsiklopédia bébas
Luncat ka: pituduh, paluruh
Areuy
(Mikania micrantha)
Klasifikasi ilmiah
Karajaan: Plantae
Divisi: Magnoliophyta
Kelas: Magnoliopsida
Order: Asterales
Kulawarga: Asteraceae
Génus: Mikania
Spésiés: M. micrantha

Areuy (Mikania micrantha) nyaéta tutuwuhan hérba ngarambat tina kulawarga Asteraceae (Compositae).[1] Areuy nyaéta tutuwuhan ngarambat nu dipikawanoh pikeun tumuwuhna nu kuat jeung pohara.[2] Tutuwuhan ieu bakal tumuwuh nalika aya tempat nu miboga kasuburan alus, bahan organik, kalembapan taneuh jeung hawa nu gedé.[2] Areuy sok tumuwuh gancang jeung aya dina daftar gulma kadua nu bahaya di Federasi jeung nagara bagian Florida.[3] Areuy kakenal sok maéhan tutuwuhan séjén ku cara motong cahya jeung nyésékkeun tutuwuhan eta.[2] Areuy mangrupa salah sahiji tina tilu gulma entéh pang goréngna di India jeung Indonésia jeung gulma Karet di Sri Langka jeung Malaysia.[2] Tutuwuhan ieu asalna ti daérah kidul tropis jeung Amrerika tengah ngan ayeuna geus sumebar di India, Asia Tanggara, kapuloan Pasifik jeung Cina kidul kaasup Guangdong jeung Hongkong.[1][3] Areuy mimiti datang ka India sanggeus Perang Dunia II salaku kamuflase lapang udara jeung ayeuna jadi gulma utama.[2] Tutuwuhan ieu dikenal ogé salaku gulma nu pang lobana jeung ngadatangkeun masalah di Kawasan Pasifik.[2] Sikina disebarkeun ku angin jeung sok kabawa ogé kana pakéeun atawa buuk.[2]

Referensi[édit | édit sumber]

  1. a b (en)About Mikania (diakses 8 Maret 2016)
  2. a b c d e f g (en)Species and Ecology (diakses 8 Maret 2016)
  3. a b (en)Micania micrantha (diakses 8 Maret 2016)
Nulis.jpg