Coelenterata

Ti Wikipédia Sunda, énsiklopédi bébas
Loncat ke navigasi Loncat ke pencarian
Coelenterata
Comb jellies (Beroe spp.)
Klasifikasi ilmiah
Karajaan: Animalia
Filum: Coelenterata

Coelenterata atawa sok disebut ogé Cnidaria mangrupa filum anu asup kana kelompok invertebrata atawa sato anu teu boga tulang tonggong.[1]

Ciri-ciri[édit | édit sumber]

Dumasar kana lapisan jaringan émbriona coelenterata asup ka golongan diploblastik.[2] Lapisan luar jaringana kasusun ku sél-sél épidermis jeung lapisan jerona mangrupa gastrodérmis.[2] Lapisan jerona ngalapisan rongga gastrovaskulér.[2] Teu siga poriféra, coelenterata ngan mibanda hiji liang anu fungsina salaku biwir sarta anus.[2] Dina lapisan épidérmis aya sél-sél husus anu bisa ngahasilkeun racun.[2] Racun atawa bisa ieu boga fungsi pikeun nyieun lawan teu boga énérgi pikeun mertahankeun diri sarta ngabéla dirina.[2]

Di antara épidérmis jeung gastrodérmis aya lapisan mesogléa anu sakapeung eusina sél.[2] Lolobana coelenterata hirup di laut, sarta ngan sabagéan anu hirup di cai tawar.[2] Coelenterata ngalaman robahna posisi katurunan/métagénésis antara fase polip jeung médusa.[2] Polip bentukna silindris jeung dina bagéan proksimal napél ka hiji tempat, bagéan distal ayana di biwir anu dikurilingan ku téntakel.[2] Médusa umumna siga payung, sisi handap bagéan tengah aya biwir.[2] Rohang digésti mangrupa saluran-saluran radian ku opat cabang utama anu tungtungna di saluran sirkulér.[2]

Réproduksi[édit | édit sumber]

Coelenterata bisa regenerasi sacara aséksual jeung séksual.[1] Réproduksi sacara aséksual dilakukeun ngaliwatan awak anu siga tunas anu saterusna dileupaskeun tina awak indungna jeung mandiri jadi individu anyar.[1] Réproduksi sacara séksual dilakukeun ku nyieun spérma jeung ovum anu ngahiji jadi zigot, tuluy mekar jadi individu anyar.[1] Sabagéan hérmaprodit (spérma jeung ovum dihasilkeun ku individu anu sarua), tapi aya ogé anu gonochoris (spérma dihasilkeun ku individu séjén).[1]

Klasifikasi[édit | édit sumber]

Hydra atawa Hydrozoa

Coelenterata dibagi ku tilu kelas nyaéta:[1]

  1. Hydrozoa: nyaéta polip, ngan saeutik anu bentukna médusa jeung hirupna ngahiji nyieun kelompok. Habitat Hydrozoa nyaéta di cai tawar, sabagéan deui di cai laut. Biasana hirup napel di ekosistem anu aya di cai. Réproduksi aséksual Hydrozoa nyaéta nyieun tunas, ogé aya anu séksual ogé. Hydrozoa lolobana hérmaprodit, sanajan aya ogé anu gonochoris. Contona:
    • Hydra viridis (hydra héjo): hirup solitér (teu boga kelompok) di cai tawar, misalna kolam atawa cai anu arusna tenang.
    • Hydra fusca (hydra coklat)
    • Hydra attenuate (hydra bening)
    • Obélia sp
  2. Scyphozoa: bentuk awakna saperti mangkok anu tibalik. Fase medusa Scyphozoa leuwih dominan batan polip. Tempat hirupna di laut, lolobana gonochoris. Scyphozoa mibanda kelenjar kelamin (gonade) anu ayana di jero kantong-kantong ruang gastrikum. Contona Aurelia aurita (ubur-ubur). Dina hirupna, Aurelia bisa ngaganti cara réproduksina antara fase polip jeung médusa.
  3. Anthozoa: ngawengku sasatoan karang jeung anémon laut, anu bentukna polip. Anthozoa mangrupa ékosistem anu nyieun batu karang di laut. Sato ieu teu boga tangkai biasana kabungkus ku skeleton éksternal anu disebut karang. Batu karang hirup kalawan hadé di cai tropik suhu haneut (20⁰ C atawa leuwih).

Pungsi Coelenterata pikeun Kahirupan[édit | édit sumber]

Lobana jeung hirupna coelenterata di batu karang bisa nahan abrasi ombak.[1] Iwal ti dinya batu karang mangrupa tempat réproduksi biota laut, ogé salaku pangrojong pikeun ayana taman laut anu boga pungsi pikeun mekarkeun objék wisata bahari.[1] Tapi lamun tumuwuhna di laut leupas bisa ngalantarankeun dangkalna cai laun anu bakal ngaganggu sarta ngabahayakeun kapal laut.[1] Masarakat basisir bisana ngamangpaatkeun karang laut salaku cinderamata, nyieun taman atawa nyokot karang pikeun bahan wangunan.[1] Ogé racun anu dihasilkeun ku Hydrozoa bisa ngaganggu kaamanan aktifitas manusa di laut.[1]

Rujukan[édit | édit sumber]

  1. a b c d e f g h i j k Subardi, Nuryani, dkk. 2009. Biologi untuk Kelas X. Jakarta: CV. Usaha Makmur
  2. a b c d e f g h i j k l Reece., Urry., dkk. 2005. Biology Campbell. US: Pearson Highered