Randamidang

Randamidang
Klasifikasi ilmiah
Karajaan:	Plantae
(unranked):	Angiospermae
(unranked):	Eudicot
(unranked):	Asterid
Ordo:	Asterales
Kulawarga:	Asteraceae
Génus:	Cosmos
Spésiés:	C. caudatus
Ngaran binomial
	Cosmos caudatus; Kunth
Sinonim
	Bidens caudatus

Randamidang (Cosmos caudatus) nyaéta hiji spésiés tutuwuhan tina genus Cosmos. Randa midang asalna ti nagara Amerika anu miboga iklim tropis, tuluy sumebar ka wilayah Asia, nepi ka nagara Indonésia. Ngaran binomalna Cosmos Caudatus. Inohong anu miboga jasa pikeun méré ngaran ka ieu kembang nyaéta Karl Sigmund Kunth di taun 1820. Di Indonesia, éta kembang ahéng ku ngaran Kenikir, sedengkeun ku urang Malayu disebutna Ulam Raja, pon kitu deui urang Sunda méré ngaran Randa Midang pikeun sesebutan Cosmos Caudatus Kunth.^[1]

Ciri mandiri[édit | édit sumber]

Randa midang miboga jangkung 75-100 jeung bau anu has. Batang ngadeg kalayan ajeg, wangunna pasagi. Daun silih silang kawas lambang cakra pahareup-hareup sarta miboga panjang 15–25 cm, warnana héjo. Kembangna réa, wangunna bongkol (gépéng), panjangna ±25 cm, makuta kabagi jadi 8 daun sarta miboga panjang ±1 cm, warnana beureum. Benang sari wangunna kawas tabung, hulu sari warnana coklat adu manis jeung hideung. Putik wangunna kawas miboga buuk, lamun ngora kénéh warnana héjo, sanggeus kolot warnanana jadi coklat. Sikina heuras, miboga rupa kawas jarum anu panjangna ±1 cm, warnana hideung. Akar ngarancabang miboga warna bodas.^[2]

Zat[édit | édit sumber]

Ieu tutuwuhan téh ngandung sawatara zat, di anarana:^[3]

Mangpaat[édit | édit sumber]

Sistem imunitas pikeun awak

Daun Randa Midang miboga Vitamin A jeung vitamin E mangpaatna bisa ngaronjatkeun sistem imunitas pikeun awak. Salian ti eta, Randa Midang ogé miboga Vitamin C mangpaatna pikeun ngaronjatkeun sistem Métabolisme.^[4]

Kasehatan tulang

Mineral Kalsium jeung magnesium anu aya dina Randa Midang miboga mangpaat pikeun nyieun tulang sangkan kuat.^[4]

Bau baham

Koniferil alcohol anu aya dina danun Randa Midang miboga pancén pikeun ngusir kokotor (bakteri jeung kuman) anu kabawa ngaliwatan kadaharan.^[4]

Ngaronjatkeun napsu dahar

Kuarsetin anu aya dina Randa Midang miboga mangpaat pikeun ngaronjatkeun napsu dahar pikeun budak.^[4]

Ubar[édit | édit sumber]

Maag[édit | édit sumber]

Tokoferol polifenol jeung hidrosieugnol moboga pancén pikeun nguatkeun otot Sphingter anu aya dina lambung. Pancénna pikeun narima kadaharan kalayan teu nyieun bahla kana lambung.^[5]

Cara:

Kulub daun Randa Midang
Tuluy pisahkeun cai jeung daun daun Randa midang
Caina inum
Lakukeun sacara rutin dua kali dina sapoé

Lemah jajantung[édit | édit sumber]

Mangpaat antioksidan jeung flavonoid miboga pancén pikeun ngubaran sel-sel anu geus ruksak. Sedengkeun pikeun jantung éta jat miboga mangpaat pikeun ngalancarkeun lajuna getih ku cara nyieun kuat otot jantung jeung pembuluh darah.

Cara:

Kulub daun Randa Midang
Tuluy pisahkeun cai jeung daun daun Randa midang
Caina inum
Lakukeun sacara rutin dua kali dina sapoé

Gondongeun[édit | édit sumber]

Polifenol jeung tokoferol miboga mangpaat pikeun radang nalika gondongeun.

Cara:

Kumbah daun Randa Midang
Tutu daun Randa Midang anu geus dibersihkeun
Tambah cuka kalayan takeran 1:1
Oles kana beuheung anu gondongeun

Bareuh Pinareup[édit | édit sumber]

Terpenoid jeung antiflamasi miboga mangpaat pikeun ngubaran bareuh dina pinareup (hususna ibu-ibu anu miboga fase mere ASI ka budak)

Cara:

Kumbah daun randa midang
Sanggeus dikumbah, duruk daun randa midang sangkan tutung
Sanggeus diduruk, simpen éta daun kana bagéan pinareup anu bareuh
Lakukeun sacara rutin

Ubar Kanker[édit | édit sumber]

Saponin, terpenoid, flavonoid jeung antioksidan mampuh ngalawan kanker.

Cara:

Kulub daun Randa Midang
Tuluy pisahkeun cai jeung daun daun Randa midang
Caina inum
Lakukeun sacara rutin dua kali dina sapoé

Tumbu kaluar[édit | édit sumber]

Wikimedia Commons mibanda média séjénna nu patali jeung Cosmos caudatus .

SDA Plants Profile
Photo: Flower
Photo: Leaves
Aluka Profile^{[tumbu nonaktif]}
Shui G, Leong LP, Wong SP (November 2005). "Rapid screening and characterisation of antioxidants of Cosmos caudatus using liquid chromatography coupled with mass spectrometry". J. Chromatogr. B Analyt. Technol. Biomed. Life Sci. 827 (1): 127–38. doi:10.1016/j.jchromb.2005.07.029. PMID 16087413. http://linkinghub.elsevier.com/retrieve/pii/S1570-0232(05)00492-7.

Rujukan[édit | édit sumber]

↑ Fast, Sea. "Tanaman Kenikir" (PDF). seafat.ipb.ac.id. IPB. Diakses tanggal 12/02/2017. Archived 2017-10-13 di Wayback Machine
↑ Puspita, Dita. "KENIKIR" (PDF). ump.ac.id. UMP. Diakses tanggal 12/02/2017.
↑ Puspita, Dita. "Kenikir" (PDF). ump.ac.id. UMP. Diakses tanggal 12/02/2017.
↑ ^a ^b ^c ^d "20+ Manfaat Daun Kenikir bagi Kesehatan Tubuh Anda - Manfaat.co.id" (dalam bahasa en-US). Manfaat.co.id. 2015-02-03. https://manfaat.co.id/10-manfaat-daun-kenikir-bagi-kesehatan-tubuh-anda. Diakses pada 2018-02-14
↑ Lavanaa, Asgar. "Apa Fungsi atau Khasiat Daun Kenikir Untuk Kanker & Asam urat?". Khasiat Manfaat Daun. Diakses tanggal 2018-02-14. Archived 2018-02-09 di Wayback Machine

[1] Fast, Sea. "Tanaman Kenikir" (PDF). seafat.ipb.ac.id. IPB. Diakses tanggal 12/02/2017. Archived 2017-10-13 di Wayback Machine

[2] Puspita, Dita. "KENIKIR" (PDF). ump.ac.id. UMP. Diakses tanggal 12/02/2017.

[3] Puspita, Dita. "Kenikir" (PDF). ump.ac.id. UMP. Diakses tanggal 12/02/2017.

[:0-4] "20+ Manfaat Daun Kenikir bagi Kesehatan Tubuh Anda - Manfaat.co.id" (dalam bahasa en-US). Manfaat.co.id. 2015-02-03. https://manfaat.co.id/10-manfaat-daun-kenikir-bagi-kesehatan-tubuh-anda. Diakses pada 2018-02-14

[5] Lavanaa, Asgar. "Apa Fungsi atau Khasiat Daun Kenikir Untuk Kanker & Asam urat?". Khasiat Manfaat Daun. Diakses tanggal 2018-02-14. Archived 2018-02-09 di Wayback Machine

[1]

[2]

[3]

[4]

[5]