Curug Orok

Ti Wikipédia Sunda, énsiklopédi bébas
Loncat ke navigasi Loncat ke pencarian
Curug Orok
Curug Orok, Cikajang, Garut, Indonesia.jpg
PerenahnaDésa Cikandang, Kacamatan Cikajang, Kabupatén Garut, Propinsi Jawa Barat, Indonésia
Koordinat7°23′12″S 107°44′10″E / 7.386804°S 107.736176°E / -7.386804; 107.736176 (Curug Orok)Koordinat: 7°23′12″S 107°44′10″E / 7.386804°S 107.736176°E / -7.386804; 107.736176 (Curug Orok)
TipeCurug paralél
Luhurna dpl250 mdpl
Luhurna45 m
Jumlah curug3
Aliran caiWalungan Cikahuripan

Curug Orok nyaéta salah sahiji objék pelesir alam mangrupa curug nu perenahna di désa Cikandang, kacamatan Cikajang, Kabupatén Garut, Provinsi Jawa Barat.[1]

Asal muasal[édit | édit sumber]

Ieu curug dingaranan Curug Orok ku sabab dina taun 1968 aya awéwé anu miceun orok ti puncak éta curug.[1] Ku saba éta katelah curug orok anu ceuk sakaol mah orok éta téh lalaki anu nepi ka ayeuna nyicingan éta curug. Cenah mah lamun bobogohan di dinya bakal pepegatan.[1]

Gambaran[édit | édit sumber]

Kaayaan géografis[édit | édit sumber]

Ditilik tina wangun curugna, di curug orok téh aya 2 curug anu ngalambangkeun indung jeung anak ku sabab aya curug anu pangluhurna jeung aya ogé curug-curug anu leutik anu ngalambangkeun orokna curug.[1] Luhurna Curug Orok téh 45 méter.[1] Sedengkeun luhurna di saluhureun pabeungeutan laut nyaéta 250 mdpl kalayan konfigurasi umum lahanna punclut ku sabab perenahna di handapeun gunung Papandayan.[1] Jenis material taneuhna nyaéta mangrupa taneuh porang jeung batu.[1]

Wates administrasi ODTW ieu nyaéta :

Ngokolakeun[édit | édit sumber]

21 April 1996 ieu curug téh ditetepkeun jadi Objék jeung Daya Tarik Wisata (ODTW). Curug Orok dikokolakeun ku PT.[1] Perkebunan Nusantara jeung dipimilik ku PT. Perkebunan Papandayan.[1] Curug Orok mukana ti jam 09.00-16.30. Jarak ti curug Orok ka kota kacamatan Cikajang nyaéta 5 Km, sedengkeun ti Kabupatén Garut 31 Km.[1] Saméméh ka curug anu jadi pangjugjugan urang bakal ngaliwatan téktékan anu panjangna 100 méter.[2] Pikeun nepi ka curug orok téh bisa naék motor atawa mobil anu lilana kira-kira 1,5 jam.[2]

Catetan[édit | édit sumber]

  1. a b c d e f g h i j Curug Orok (Dicutat tanggal 23 Oktober 2011)
  2. a b Darpan, Suhardiman, Budi.2007.SEPUTAR GARUT.Garut:Komunitas Srimanganti.