Golodog
Golodog nyaéta bagéan tina imah anu perenahna aya di hareupeun panto ka rohangan tepas jeung tengah imah.[1][2] Golodog ilaharna dijieun tina tangkal awi (beunang meulah atawa awi golondongan) bisa ogé tina papan kai.[3] Golodog disebut ogé babancik atawa papanggé.[4][5]
Pedaran
[édit | édit sumber]Golodog wangunna kawas bangku, aya ogé golodog anu maké undakan (panécéan) lobana undakan henteu leuwih ti tilu undak.[3] Utamana imah-imah anu mibanda kolong jangkung.[6] Golodog méh sarupa jeung panécéan imah étnik urang Batawi.[7]Di Batawi mah disebutna balak suji bahana dijieun tina papan kai.[7] Balak hartina cilaka sedengkeun suji hartina pangiuhan jadi balak suji téh bisa di hartikeun tempat ngiuhan jeung nolak bala (cilaka).[7] Dina wangun imah adat Sunda, umpama ditempo ku cara horisontal tina lantéy imah, bagéan imah bisa disebutkeun: tepas, sosoro tuluy pang hareupna golodog.[8]
Kagunaan
[édit | édit sumber]- Kagunaan golodog téh utamana pikeun meresihkeun suku saméméh nincak ka jero imah.[3]
- Golodog téh pikeun panécéan naék ka imah ku lantaran imah baheula mah wanguna panggung anu di handapna disebut kolong atawa paranjé paranti neundeun pakakas jeung ingon-ingon.[3]
- Golodog ogé mangrupa tempat pikeun ngawangkong jeung tatangga mangsa geus rinéh, bisa ogé tempat ulin budak, panundaan hasil tatanén (samentara), malahan dipaké tempat ngadaweung, jeung réa-réa deui.[9]
- Bisa ogé tempat migawé pagawéan anu henteu pati penting (nyiaran kutu, milihan sérah, mereskeun paré, jeung sajabana).[10]
Dicutat tina
[édit | édit sumber]- ↑ Antropologi, Jurusan (1995). Antropologi Indonesia, Volume 18. Jakarta: Jurusan Antropologi, Fakultas Ilmu Social dan Ilmu Politik, Universitas Indonesia. p. 69.
- ↑ Anwar, Hendi (2013). Rumah Etnik Sunda. Universitas Michigan: Griya Kreasi. p. 8. ISBN 9789796612116. Disungsi24 Desémber 2020
- ↑ a b c d Rachmadiena, Nadia Siti (1995). Suku Bangsa Dunia dan Kebudayaannya. Jakarta: Niaga Swadaya. p. 69. ISBN 978-979-788-379-9.
- ↑ Arbi, Yunus (1995). Penyajian koleksi tata pameran tetap Museum Negeri Propinsi Jawa Barat Sri Baduga. Jakarta, the University of Michigan: Bagian Proyek Pembinaan Permuseuman Jawa Barat. p. 13. Diakses tanggal (disungsi – 21 Péb 2021).
- ↑ Jawa Barat (Indonesia)., Jawa Barat (Indonesia). Balai Pengembangan Kemitraan dan Pelatihan Tenaga Kepariwisataan (2008). Sejarah Kampung Naga: suatu kajian antropologi budaya. University of California, Berkeley: Dinas Kebudayaan dan Pariwisata Provinsi Jawa Barat, Balai Pengembangan Kemitraan dan Pelatihan Tenaga Kepariwisataan. p. 44. Diakses tanggal (disungsi – 21 Péb 2021).
- ↑ Suhamihardja, A. Suhandi; Sri Saadah Herutomo, Proyek Inventarisasi dan Pembinaan Nilai-Nilai Budaya (Indonesia) (1991). Pengendalian sosial tradisional di daerah Jawa Barat. Jakarta: Departemen Pendidikan dan Kebudayaan, Direktorat Jenderal Kebudayaan, Direktorat Sejarah dan Nilai Tradisional, Proyek Inventarisasi dan Pembinaan Nilai-Nilai Budaya. p. 42.
- ↑ a b c Swadarma PENGARANG, Doni (2013). Rumah Etnik Betawi. Jakarta: GRIYA KREASI. ISBN 978-979-661-212-3.
- ↑ Permana, Permana (2006). Tata ruang masyarakat Baduy. Jakarta: Wedatama Widya Sastra. p. 68.
- ↑ Padma, Adry (2001). Kampung Naga: permukiman warisan karuhun. Jakarta: Architecture & Communication. p. 22.
- ↑ Padma, Adry (2001). The Naga Village: A Heritage from the Ancestors. Jakarta: Foris by Architecture & Communication. p. 22.
Daftar Pustaka
[édit | édit sumber]- Maria, Siti (January 1995). Sistem Keyakinan Pada Masyarakat Kampung Naga dalam Mengelola Lingkungan. Direktorat Jenderal Kebudayaan.
- Muanas, Dasum (1January 1998). Arsitektur Tradisional Daerah Jawa Barat. Direktorat Jenderal Kebudayaan.
- Perencanaan, Sekolah Arsitektur (2010). Sejarah, teori, dan kritik arsitektur, 2010. ekolah Arsitektur, Perencanaan, dan Pengembangan Kebijakan, Institut Teknologi Bandung.
- Melalatoa, M. Junus (2010). Ensiklopedi Suku Bangsa di Indonesia Jilid L-Z. Ensiklopedi Suku Bangsa di Indonesia Jilid L-Z.
|
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |