Gunung Ceremé

Gunung Ceremé
Gunung Ceremé dipoto ti Cigugur, Kuningan.
Luhur	3,078 méter (10,098 ft)^[1]
Perenah	Jawa Kulon, Indonésia
Koordinat	6.892° S 108.40° E
Tipe	Stratovulkano
Panungtungan bitu	1951

Gunung Ceremé atawa Caremé atawa Ciremai mangrupa gunung nu asup kana golongan stratovulkano nu simetris nu aya di Jawa Kulon, Indonésia. Kawah Geger Halang nu legana 4.5 – 5 km aya di punclutna. Ngabeledugna gunung ieu relatif teu tangtu sapanjang sajarahna, tapi aktifitas bitu jeung kaluarna lahar tina punclutna mah geus karekam.^[1] Ieu gunung kawengku ku tilu kabupatén: Kuningan, Cirebon, jeung Majalengka.^[2]

Kaayaan alam

Gunung Ceremé asup kana golongan gunung seuneu soliter, dipisahkeun ku Zona Sesar Cilacap-Kuningan ti rengrengan gunung seuneu Jawa Kulon bagian wétan (nyaéta: G. Galunggung. Guntur, Patuha, Papandayan sarta Tangkubanparahu) anu perenahna dina Zona Bandung. Pulo Jawa nyaéta bagian ti Paparan-Sunda anu kaasup kana lampegan Asia-Eropa. Kerak samudra anu ngadadasaran Samudra Hindia (bagian ti Indian-australiaan Place) dina kaayaan usik nyodok kana hiji Benioff Zone di sapanjang tepi kidul lampegan Asian-eropa. Pangudaran magma anu umumna boga komposisi tengahan sarta tali tumali jeung sodokan, ngakibatkeun timbulna gondewa volkano-plutonik Jawa Tersier-resen.

G. Cereme (3076 m dpl) ngajungkiring di antara dayeuh Cirebon, Kuningan sarta Majalengka, nyieun congcot di sisi palebah kalér sésa Kaldera Gegerhalang (anu ukuranana 4,5 x 5 km). G. Cereme miboga kawah rangkep (kulon jeung wétan). Kawah kulon jumarina 400 m kapotong kawah wétan anu jumarina 600 m sarta jerona 250 m. Luhurna 2900 m di lamping kidul aya urut titik bituna (l.k. 30 m2 ) nyaéta Guha Walét. Pola walungan umumna ngalingkung buleud, di sawatara lokasi aya nu papalingpang alatan pangaruh sesar, béda litologi sarta umur. Jauh ti kawah, karapetan walungan beuki ningkat.

Ringkesan ciciren géomorfologi wewengkon ieu téh kieu:(1) tegalan aluvial, (2) congcot cinder kalawan aliran lava, (3) congcot jeung aliran lava, (4) kawah aktip kalawan sollfatara/fumarola, (5) fluviovolkanik lapang lahar, (6) congcot gunungapi strato, (7) lava dina lamping gunungapi, sarta (8) aliran piroklastik sarta guguran volkanik dina lamping, (kabéhanana hasil prosés gunungapi Holosen), (9) kipas aliran piro

Tempo ogé

Daptar gunung api di Indonésia

Rujukan

↑ ^a ^b "Cereme". Global Volcanism Program. Smithsonian Institute. Diakses tanggal 2006-12-22. Archived 2008-06-23 di Wayback Machine
↑ Jonathan, Rigg (1862). A Dictionary of the Sunda Language of Java. Universitas Harvard: Bataviaasch Genootschap van Kunsten en Wetenschappen.

Tumbu luar

www.westjava-indonesia.com Archived 2007-07-16 di Wayback Machine

Artikel ngeunaan Indonésia ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan.

[gvp-1] "Cereme". Global Volcanism Program. Smithsonian Institute. Diakses tanggal 2006-12-22. Archived 2008-06-23 di Wayback Machine

[”Rig”-2] Jonathan, Rigg (1862). A Dictionary of the Sunda Language of Java. Universitas Harvard: Bataviaasch Genootschap van Kunsten en Wetenschappen.

[1]

[2]