Gunung Dempo

Ti Wikipédia, énsiklopédia bébas
Loncat ke navigasi Loncat ke pencarian
Mount-dempo-tea-plantation.jpg

Gunung Dempo nyaéta gunung panggedéna di Sumatera Kidul (3,195 métér diluhur permukaan sagara).[1] Gunung ieu masih kagolong gunung seuneu nu aktif, masih kénéh ngaluarkeun haseup sarta murakeun leutak kana tanah datar dihandapeunna.[1] Gunung ieu asup dina jajaran Pegunungan Pasir Barisan anu mibanda dua penclut, nyaéta Gunung Dempo sarta Gunung Merapi.[1] Wewengkon Gunung Dempo mangrupa hiji-hijina wewengkon wisata gunung di Propinsi Sumatera Kidul. Di wewengkon leuweung ka penclut gunung aya walungan leutik jeung cai anu hérang sarta bisa di mangpaatkeunn minangka cai paranti nginum.[1] Pikeun ka dinya, pendaki kudu ngaliwatan wewengkon leuweung kalayan asup ka jalan satapak anu dipinuhan kalayan akar-akar tatangkalan badag. Kaayaan leuweung ieu leubeut sarta tiiseun sakali-kali aya sora manuk-manuk. Ti jangkungna nu tangtu bisa kasampak kebon entéh salega 1.500 héktar milik PT. Perkebunan Nusantara PTPN VII.[1] Gunung Dempo perenahna kira-kira 310 kilo palebah dayeuh Palémbang.[2] Pikeun ngahontal objék wisata bisa maké beus lamun rék ka Dayeuh Pager Alam.[2] Wayah tempuhnya kira-kira 7 jam.[2] Ti Terminal Pager Alam ka suku Gunung Dempo saukur 15 kilo.[2] Gunung ieu masih mangrupa aliran pasir barisan anu dikurilingan ku pasir anu ngajulang luhur kawas Pasir Payung (1570MDPL), Pasir Tiis (2026 mdpl), sarta Gunung Merapi. Sajaba loba nu nyicingan désa anu naék ka penclut saukur ngarasakeun alam atawa néangan kai, loba ogé pendaki-pendaki anu nganjang ka Gunung ieu dina ahir minggu, hususna pendaki ti Bengkulu, Palembang, Lampung, sarta sakurilingna.[2]

Rujukan[édit | édit sumber]

  1. a b c d e Lubis, Nisrina.2010. Full Traveling Yuk.!. Yogyyakarta: Diva Press
  2. a b c d e Kadir, Hatib Abdul. 2003. Mari Mendaki Gunung dari Leuseur Sampai Cartenz. Yogyakarta: Penerbit Andi.
Nulis.jpg