Intelsat

Ti Wikipédia Sunda, énsiklopédi bébas
Intelsat, S.A.
RupaSociété Anonyme
Simbol sahamNYSEI
IndustriSatelit komunikasi
NgadegAugust 20, 1964
MarkasLuxembourg City, Luxembourg/Tysons Corner, Virginia, USA
Jalmi pentingDavid McGlade (Executive Chairman)
Stephen Spengler (CEO since April 1, 2015)[1]
Pamasukan $542.0 million USD (2016)
Pagawé+1110 (2011)
Ramatlokawww.intelsat.com

Intelsat, S.A. nyaéta pausahaan panyadia layanan satelit komunikasi.[2] Beuheulana mah minangka International Telecommunication Satellite Organisation (ITSO) ti taun 1973 nepi nepi ka 2001, saméméhna nyaéta taun 1964 nepi ka taun 1973 disebut ogé International Telecommunications Satellite Consortium.[3]  Intelsat mibanda leuwih ti 50 satelit komunikasi sarta stasiun bumi paragi ngadalikeun satelit-satelitna.[3] Kantor puseurna aya di Luksemburg.[3]

Sajarah[édit | édit sumber]

INTELSAT I Early Bird
Satelit Intelsat IVA

Intelsat diadegkeun minangka konsorsium swasta-publik dina tahun 1964 ku badan-badan télékomunikasi ti 18 nagara, kaasup Amérika Serikat, nu ngusulkeun organisasi kasebut.[3] Pakakas pemancar jeung panarima di masing-masing nagara dipibanda ku anggota Intelsat, badan télékomunikasi ti nagara kasebut.[3] Dina mangssa 10 taun kaanggotaan Intelsat geus tumuwuh ngawengku agénsi ti 86 nagara, sarta dina taun 2001 anggotanna sakitar 150 nagara.[3]

Konsorsium kasebut dikontrak ku National Aeronautics and Space Administration (NASA) Amérika Serikat pikeun ngapungkeun satelitna.[3] Nu mimiti nyaéta Early Bird, nu sateruna dingaranan Intelsat I, nu diteunden di orbit stasionér di luhureun Samudera Atlantik dina Hatulistiwa taun 1965.[3] Early Bird nyéta satelit komérsial mimiti nu nyadiakeun layanan télékomunikasi sarta siaran régulér antara Amérika Kalér jeung Éropa.[3] Early Bird dituturkeun ku Intelsat II F-2 jeung II F-3, diapungkeung dina taun 1967 nu ngawengku wilayah Samudera Pasifik, sarta Intelsat III F-3 diapungkeun taun 1969 nu ngawengku wilayah Samudra Hindia.[3] Satelit Intelsat di orbit géostasionér ampir ngawengku sacara global.[3] Dina tanggal 20 Juli 1969, 19 poé sanggeus Intelsat III F-3 diteundeun di luhureun Samudra Hindia, manusia munggaran di Bulan disiarkeun sacara langsung ngaliwatan raramat global satelit Intelsat kalayan leuwih ti 600 juta pamirsa télévisi.[3]

Satelit Intelsat nyaéta bagéan penting ti raramat komunikasi global satengah mangsa kadua abad ka-20. Loba acara nu dilalajoan di sakuliah dunya, saperti Olimpiade atawa Piala Dunya, ngagunakeun sistim Intelsat.[3] Direct Communication Link, atawa "Hot Line", antara Gedong Bodas di Washington, D.C., jeung Kremlin di Moskow dikonversi dina taun 1978 tina kabel téréstrial ka layanan nu dikirimkeun ngaliwatan satelit Intelsat.[3] Dina tahun 2000, 70 negara ngagunakeun Intelsat pikeun sakabéh télékomunikasi internasional.[3]

Dina mangsa panungtung taun 1990an, Intelsat nyanghareupan saingan ti pausahaan télékomunikasi swasta, sarta struktur pamaréntahanna geus mekar kalayan susah ku sabab mibanda anggota loba teuing.[3] Ku sabab éta, Intelsat jadi parusahaan swasta taun 2001, kalayan layanan publik di handapeun panalingaan Organisasi Satelit Telekomunikasi Internasional (ITSO) nu puseurna di Washington D.C.[3] Dina taun 2005 Intelsat dibeuli ku Zeus Holdings Limited, nyaéta pausahaan nu diadegkeun ku pausahaan investasi Apax Patners, Apollo Management, Madison Dearborn Partners, sarta Permira.[3] Saterusna Intelsat dibeuli tahun 2008 ku Serafina Holding Limited, hiji pausahaan nu diwangun ku pausahaan investasi BC Partners jeung Silver Lake.[3]

Urut kantor puseur Intelsat di Washington, D.C.

Kiwari[édit | édit sumber]

Intelsat ngaropéa kantor puseur pausahaanna di Luksemburg, kalayan panglobana staf sarta pungsi satelit,kantor puseur administratifna aya di kantor Intelsat Corporation di Tysons Corner, Virginia.[4] Usaha nu pohara internasional, Intelsat sabagéan badag kauntunganna ti palanggan di luar Amérika Serikat.[4] Teleport Intelsat pangbadagna nyaéta Teleport Fuchsstadt di Jérman.[4]

Pangadali pasawat rohang jomantara dikandalikeun ngaliwatan stasiun bumi di Hagerstown, Maryland (AS), Riverside, California (AS), sarta Fuchsstadt, Jérman.[4]

Satelit-satelit[édit | édit sumber]

Ngarobah ngaran[édit | édit sumber]

Dina bulan Fébruari 2007, Intelsat ngarobah 16 ngaran satelit nu saméméhna dipikawanoh kalayan merek Intelsat Améka jeung PanAmSat jadi Galaxy jeung Intelsat Lolobana satelit ieu geus teu aktip sarta diasupkeun kana orbit nu teu kapaké.[4]

Daptar satelit[édit | édit sumber]

Dicutat tina[édit | édit sumber]

  1. http://www.intelsat.com/about-us/executive-team/
  2. "Intelsat About Us". 
  3. a b c d e f g h i j k l m n o p q r s "Intelsat". Encyclopædia Britannica. 
  4. a b c d e "Intelsat". sky-brokers.com. 

Tumbu kaluar[édit | édit sumber]

Koordinat: 38°56′30″N 77°03′49″W / 38.94167°N 77.06361°W / 38.94167; -77.06361