Jalabria
Jalabria nyaéta kadaharan atawa opieun anu dijieun tina tipung ketan, rasana amis kareueut.[1] Jalabria sagigireun kadaharan jajanan ogé ilaharna jadi lalawuh anu disuguhkeun ka sémah jeung cai kopi atawa cai entéh, diwadahan kana piring.[2] Jalabria wujudna aya dua rupa, buleud molongo tengahna (kawas donat) jeung demprak kawas rarawuan.[2] Jalabrian dijieun tina bahan-bahan anu loba kapanggih kayaning: tipung béas ketan (hideung atawa bodas), cai hérang pikeun ngadonan, gula (bodas atawa beureum), uyah, minyak kalapa pikeun ngagoréng.[3]
Cara nyieuna ogé kawilang gampang: wadahan tipung ketan kana baskom, tuluy caian sacukupna bari digalokeun, purulukan uyah saperluna, galokeun deui nepika liket.[3] Mangasa geus liket adonan diemplé-emplé sakeupeul-sakeupeul, bisa dijieun kawas donat atawa kawas combro.[3] Adonan ketan tuluy digoreng, upama geus garing tuluy di asupkeun kana godogan cai gula bari digalokeun nepi ka garing.[4].
Dicutat tina
[édit | édit sumber]- ↑ A.A. Waskito (1993). "Jalabria". Di -. Kamus Praktis Bahasa Indonesia. Jakarta: WahyuMedia. p. 236. ISBN 9789797952174.
- ↑ a b Yetti Herayati, Nia Masnia, Titi Haryanti (1993). "Jalabria". Di Nia Masnia,Titi Haryanti. Makanan: Wujud, Variasi dan Fungsinya Serta Cara Penyajiannya Pada Orang Sunda di Jawa Barat. Jakarta: Direktorat Jenderal Kebudayaan. pp. 63–64.
- ↑ a b c "Nyieun jalabrial". cookpad. 2016-08-27. Diakses tanggal 2017-10-20.
- ↑ Dibrata, R.A. Dana (2009). Kamus Basa Sunda. Bandung: PT Kiblat Buku Utama. ISBN 9793631937.
|
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |