Jalak Bali

Ti Wikipédia Sunda, énsiklopédi bébas
Loncat ke navigasi Loncat ke pencarian
Jalak Bali
Jalak Bali di Kebun Binatang Brookfield
Status konservasi
Klasifikasi ilmiah
Karajaan: Animalia
Filum: Chordata
Kelas: Aves
Order: Passeriformes
Kulawarga: Sturnidae
Génus: Leucopsar
Stresemann, 1912
Spésiés: L. rothschildi
Ngaran binomial
Leucopsar rothschildi
Stresemann, 1912

Jalak Bali (Leucopsar rothschildi) nyaéta manuk nu asalna tina kulawarga sturnidae.[1][2] Buluna bodas, polét hideung dina tungtung jang-jang jeung buntutna, pipina jeung sabudeureun mata kelirna bulao, cekerna hawuk.[1]Jalak bali mimiti diguar kahirupanna ku urang Inggris taya lian Walter Rothschild dina taun 1912, malahan ngaran ilmiah jalak Bali dicokot tina ngaran inohong sasatoan saurang bangsawan Inggris.[2]

Ieu manuk Bali pituin atawa éndemik di Indonesia, malahan ngan kapanggih hirup di leuweung nu ayana di pulo Bali beulah kulon.[3] Ku kaayaan kieu, jalak Bali dileler jadi manuk perlambang prvinsi Bali dina taun 1991.[3] Kalumangsungan hirup manuk jalak Bali ditangtayungan ku undang-undang, pikeun nyingkahan sagala kamungkinan nu ngabalukarkeun tumpurna ieu spesies.[3] Buluna nu éndah kalawan mibanda sorana nu mandiri mangsa bacéo, ieu manuk geus jadi manuk piaraan ku nu mikaresep malahan mibanda niléy ekonomi nu lumayan luhur.[4] Alatan tempat hirup jeung kalumangsungan beuki dieu beuki saeutik, unggal kebon binatang di sakuliah dunya ngayakeun hiji program penangkaran ieu manuk Jalak Bali.[4]

Tutumbu kaluar[édit | édit sumber]

BirdLife Species Factsheet

Dicutat tina[édit | édit sumber]

  1. a b Topan Nixon, M. (2011). Ensiklopedia Binatang Pemecah Rekor. Jakarta: AgroMedia. ISBN 9786028526524. 
  2. a b www.fobi.web.id
  3. a b c Tempo, Volume 33, Issues 44-52, Badan Usaha Jaya Press Jajasan Jaya Raya, 2005 - Indonesia
  4. a b Neil Morris, Neil (2005). Hewan-hewan menakjubkan Seri 100% pintar. Jakarta: Erlangga for Kids. ISBN 9789797418953. 
Nulis.jpg