Jangari

Ti Wikipédia Sunda, énsiklopédi bébas
Loncat ke navigasi Loncat ke pencarian
Gambar:Jangari1.jpg
Salah sahiji bagian situ Jangari

Jangari nyaéta sesebutan pikeun situ di wewengkon Bobojong Kacamatan Mande, kabupatén Cianjur.Situ Jangari bisa kahontal ti Jakarta ngaliwatan jalan tol Jagorawi. Sabada gerbang tol Ciawi tuluy ka arah Puncak diteruskeun ka kota Cianjur[1], jarakna kira-kira 17 km ti kota Cianjur. Ieu situ téh mangrupa situ jieunan manusa anu masih kénéh bagian ti situ Cirata[2].

Puseur Budidaya Lauk Darat[édit | édit sumber]

Gambar:Lauk Emas di situ Jangari Cianjur.jpg
Lauk Emas, salah sahiji lauk budidaya unggulan di situ Jangari

Salah sahiji lauk budidaya nu utama di ieu situ nyaéta lauk emas[1]. salian ti lauk séjénna kayaning nila beureum, nila hideung, nilem, patin, bawal, jrrd. Lauk nu diingu di ieu situ boga kapunjulan ti lauk nu diingu di tempat lianna, iwal ti laukna gancang gedé, dagingna ogé teu bau leutak[1].

Rata-rata produksi lauk di ieu situ bisa ngahontal 1.000 ton unggal bulanna.[3] Hasil lauk ti ieu situ téh tuluy dikirim ka sababaraha kota di Indonesia, ogé pikeun minuhan kabutuhan lauk di Jawa Kulon.[3] Produksi anu bisa sakitu gedéna téh alatan di ieu situ aya teu kurang ti 70.000 unit jaring apung.[3]

Tradisi[édit | édit sumber]

Gambar:Tradisi Ngarak Burayak Cianjur.jpg
prosesi tradisi Ngarak Burayak

Di ieu situ aya hiji tradisi nu maneuh diayakeun unggal taunna anu disebut tradisi Ngalokat Leuwi Jangari jeung Ngarak Burayak[4]. Dina ieu kagiatan téh diayakeun rupa-rupa pagelaran, helaran jeung atraksi kasenian has Cianjur, di antarana tari Pelung Manggung, tari Kuda Kosong, kendang penca, Cianjuran jrrd[4][5].

Fasilitas[édit | édit sumber]

Gambar:Palabuan situ Jangari Cianjur.jpg
parahu keur badarat di palabuan situ Jangari

Referensi[édit | édit sumber]

  1. a b c (id)Keramba Terapung Ikan Mas (diakses tanggal 24 September 2011)
  2. a b (id)Tirta Jangari (diaksés tanggal 24 September 2011)
  3. a b c (id)Terminal Jangari yang Selalu Sibuk (diakses tanggal 24 September 2011)
  4. a b (id)Festival Situ Jangari 2010 (diakses tanggal 24 September 2011)
  5. (id)Festival Jangari II Tingkatkan Kehidupan Ekonomi Lokal (diakses tanggal 5 Oktober 2011)