Kebab
Kebab nyaéta kadaharan anu dijieun ti daging sapi, digiling garihal saterusna dikokolakeun kalayan samara-samara husus.[1] Diprosés ngaliwatan tilu tahapan, nyaéta ngagalokeun samara, nyétak, sarta dipasak.[1] Samémeh didahar, daging Kabab anu kandelna kurang leuwih 1 cm dipotong panjang ukuran 3 x 17 cm, saterusna dibeuleum dina kawali anti leget.[1] Didaharna jeung Tortila, roti has Meksiko, dicampur sayuran sarta rupa-rupa saos pilihan, saterusna digulung sarta dibeuleum balik.[1]
Sajarah
[édit | édit sumber]Kadaharan has Wétan Tengah ieu nurutkeun sajarahna asalna ti Turki.[1] Tapi aya ogé anu ngomong ti Arab anu disebut Kabbeh.[1] Kadaharan has ieu mimitian ngalegaan sabot para padagang Turk ngayakeun kontak kalayan masarakat dayeuh Berlin, Jerman kira-kira abad 18.[1] Aslina daging kabab dibeuleum, tuluy ditambah roti pita, paprika, sarta saos.[1] Dina tumuwuhna ngalaman parobahan luyu jeung kabiasaan masarakat Jerman.[1] Di mana Kebab disajikeun ogé jeung rupa-rupa roti sarta salad.[1] Kiwari Kebab geus sumebar ka sakuliah dunya, Éropa Kulon, Éropa Wétan, Amérika, Kanada, Australia, Jepang, Cina, Malaysia, Indonésia.[1]
Kebab Pangmahalna di Dunya
[édit | édit sumber]Saurang koki asal Inggris, Andy Bates, ngawanohkeun kebab pangmahalna di dunya.[2] Saporsi kabab, ngaranna King of Kabab ieu dijual saharga £750 atawa leuwih Rp10 juta.[2] Kaistimewaan kabab éta perenahna dina pilihan bahanna.[2] Manéhna milih daging domba nu pang alusna anu sawaktu hirupna meunang kadaharan pangalusna dibandingkeun domba-domba séjén.[2] Manéhna ogé ngasupkeun daun mint anu geus dikeueum dina anggur minangka pelengkep.[2] Sajaba ti éta, manéhna ogé nambahan yoghurt, sapedes, bonténg ogé daun emas anu bisa didahar, tomat Coeur de Boeuf, sarta kéju feta anu umurna kolot.[2]
Rujukan
[édit | édit sumber]
|
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |