Kentucky Fried Chicken

Ti Wikipédia Sunda, énsiklopédi bébas
Salah sahiji KFC nu aya di Cina

Kentucky Fried Chicken (KFC) nyaéta bagian ti Yum! méré k, Inc, réstoran panggedéna di dunya dina hal sistem réstoran.[1] Parusahaan ieu aya diperingkat ka 239 dina daftar Fortune 500. KFC Corporation nu aya di Louisville, Kentucky, nyaéta daging hayam paling kasohor di dunya nu ngahususkeun dina Resép Asli, Extra Crispy, Kentucky Chicken panggang, BBQ Madu Sayap, jeung daging hayam nu dijien tina sandwich.[1]

Sajarah[édit | édit sumber]

Harland D. Sanders lahir taun 1890 di Indiana.[2] Bapa na maot nalika Harland umur genep taun. Ku kituna, indungna kudu digawé jadi tukang ngaput sedengkeun manéhna kudu ngajaga adi-adiana nu masih laleutik. Basa harita, indungna ngajaran manéhna masak kadaharan daérah.[2]

Nalika umur Harland D. Sanders 12 taun, manéhna eureun sakola, manéhna leuwih milih digawé ngabantuan indungna. Ti mimiti jadi patani, gawé di kareta api, kondéktur, penjual asuransi, masinis, kapal uap, jeung sajabana.[2] Akhirna, Harland D. Sanders ngabuka hiji terminal layanan nu sukses di mana manéhna nyadiakeun masakan istimewa ka jalma-jalma nu resep hayam goreng. Di taun 1939, bisnisna bangkrut. Tapi manéhna tetep sumanget ku nyieun hiji réstoran jeung motél. Sanajan Harland D. Sanders geus umur 66 taun, manéhna tetep can boga usaha anu hadé. Hirup ditanggung ku dinas sosial, Sanders nyoba néangan segmén pasar baru nu saluyu. Hiji-hijina kaparigelan nu dipiboga nyaéta resep rahasia nu diberé ngaran "hayam goreng kentucky", nu pernah ku indungna diajarkeun.[2]

Di taun 1956, Sanders geus bisa ngayakinkeun sababaraha réstoran sangkan nyieun jeung ngajual hayam goreng Kentucky. Manéhna dibéré US 4 sen ti satiap potong hayam goreng anu bisa kajual. Di taun 1960, kira-kira 400 réstoran di Amérika jeung Kanada geus nyadiakeun hayam goreng Kentucky. Salila 4 taun, jumlah tempat jualan hayam goreng Kentucky geus nambahan 650 réstoran di mana omsét penjualan per taun na kira-kira US$37 juta. Ayeuna geus hampir 10.000 réstoran hayam goreng kentucky disakabéh dunya. Di Indonésia, nu nyekel hak waralaba tunggal KFC nyaéta PT. Fastfood Indonésia, Tbk nu diadegkeun ku kelompok Usaha Gelael di taun 1978, nu kadaftar salaku parusahaan publik ti taun 1994. Réstoran KFC mimiti nu aya di indonésia nyaéta dibuka bulan Oktober 1979 di Jalan Melawai, Jakarta.[2]

Cara Nyieunna[édit | édit sumber]

Menu paket komplit di KFC

Mimitina, daging hayam dicampur maké cai jeruk nipis.[3] Minyak goréng dipanaskeun dina wajan, tuluy tumis samara, ditambah uyah jeung gula, aduk nepi ka samara hayam goreng asak. Daging hayam diasupkeun nepi ka warnana robah. Daging hayam na ditutupan nepi ka garing. Sanggeus kitu, tinggal digoréng maké tipung. Carana campur tipung tarigu, soda kue, katumbar bubuk, tipung maizena, tipung béas, pala bubuk, uyah, merica bubuk, jeung cabé bubuk, diaduk nepi ka rata. Sanggeus nyieun tipungna, ayeuna endog nu bobodasna dikocok nepi ke ngabudah. Daging hayam nu geus dibéré samara diasupkeun kana kocokan endog téa. Berse kitu, daging hayam diteundeun dina kulkas kira-kira 1 jam sangkan tipungna nempél. Lamun geus 1 jam, daging hayam tinggal digoréng.[3]




Rujukan[édit | édit sumber]

  1. a b (en) Chicken (Diakses tanggal 5 Desember 2011)
  2. a b c d e KFC[tumbu nonaktif] (Diakses tanggal 5 Desember 2011)
  3. a b Resep Archived 2011-11-23 di Wayback Machine (Diakses tanggal 5 Desember 2011)