Kukumbul
Kukumbul (bobber) nyaéta pakakas paranti nguseup anu mibanda kagunaan méré tangara kanu nguseup upama eupana aya nunyanggut, nangtukeun déét jeung jerona neundeun eupan di jero cai.[1] Sangkan kukumbul bisa nangtung di cai, tungtungna kudu dibéré pangbeubeurat ilaharna dijieun tina timah.[2]
Kukumbul dijieun tina rupa-rupa bahan: bulu hayam, cucuk landak, kai, plastik, jeung sajabana.[1][3] Utamana nguseup di laut kukumbul dijieun kacida pisan loba rupa ukuran jeung kelirna.[3] Disaluyukeun kana kaayaan cai laut, angin, eupan anu dipaké, jeung tempat nguseupna.[1] Kukumbul nu dipaké dina cai tarik atawa cai maju, bagéan handapna leuwih kembu tibatan beulah luhurna.[4] Masangna ogé henteu dicapit ku timah tapi cukup diapit karét anu dieuradkeun dina kenur, jadi kukumbulna bisa ngapung.[4] Kukumbul anu tuntuna leuwih lencop, ilaharna sipaké mangsa jeujeur jeung kukumbul henteu pati jauh saperti di susukan atawa balong.[4]
Rupa-rupa kukumbul
[édit | édit sumber]Float Avon: ukuran gedéna kukumbul anu mucunghul di luhureun cai sarua jeung nu teuleum, kukumbul kieu ilaharna dipaké nguseup di susukan anu caina maju rada tarik.[5]
Bubble float: kukumbul anu wujudna buleud, di jerona aya liang paranti ngesikeun cai anu maksudna pikeun nyaluyukeun sabaraha jero kukumbul teuleum, ilaharna dipaké ditempat anu loba rungkun sangkan henteu matak pajeujeut kana kenur.[5]
Float Dink: kukumbul anu dijieun tina busa plastik, bagéna anu mucunghul di luhur cai leuwih leutik kalawan dipulas pikeun nangtukeun teulemna jero cai, kukumbul nu kieu mah henteu ieuh maké stoper.[5]
Popper float: kukumbul sarupa kieu dijieun nyarupakeun kahakanan lauk anu gedé, di tungtungna dipasang kawat jeung jeung kirincing sangkan disada mangsa dibetot maksudna pikeun ngabibita lauk sangkan kataji tur ngundag éta kukumbul.[5]
The quill: kukumbul anu dijieun tina bulu hayam atawa cucuk landak, kukumbul kieu méh sarua jeung kukumbul Float Avon.[5]
Self-cocking: Kukumbul anu bisa nangtung di cai kalawan henteu kudu maké stoper atawa pangbeubeurat.[5]
Stick float: kukumbul anu dijieun tina dua bahan anu béda, bagéan luhurna dijieun tina bahan anu ngambang sedengkeun handapna tina bahan anu ngerelep pikeun nyaimbangkeun kukumbul sangkan nangtung luhureun cai.[6]
-
![Kukumbul paranti nguseup anu maké parabot kontrol]]](//upload.wikimedia.org/wikipedia/commons/thumb/6/60/Fishing_Floats_with_Dirction_Control.JPG/120px-Fishing_Floats_with_Dirction_Control.JPG)
Kukumbul paranti nguseup anu maké parabot kontrol]] -
Rupa-rupa kukumbul jieunan pabrik -
Buku ngunaan kukumbul A Book on Angling by Francis Francis, 1876 -
Cara jeung katngtuan maké kukumbul kontrol
![Kukumbul paranti nguseup anu maké parabot kontrol]]](/wiki/Gambar:Fishing_Floats_with_Dirction_Control.JPG)
Dicutat tina
[édit | édit sumber]- ↑ a b c Vardhana, Dr Rashtra (2006). Floristic Plants of the World. New Delhi: Sarup & Sons. p. 325. ISBN 817625651X.
- ↑ Lane, Billy (1976). Float fishing: tackle and techniques for still and running water. London: Cassell. ISBN 0304294667.
- ↑ a b "Treatyse of fysshynge wyth an Angle". Diakses tanggal 2013-07-13.[tumbu nonaktif]
- ↑ a b c (id)"MANCING : Bukan Sekedar Hobi". AR Timurawan. Diakses tanggal 2017-09-17.
- ↑ a b c d e f "Avon floats" (PDF). Diakses tanggal 2013-07-13.
- ↑ "Stick floats" (PDF). Diakses tanggal 2013-07-13.
|
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |