Kupat tahu

Ti Wikipédia Sunda, énsiklopédi bébas
Loncat ke navigasi Loncat ke pencarian

Kupat tahu nyaéta kadaharan has Indonésia nu sumebar disakuliah indonésia. Biasana ieu kadaharan aya waé di unggal daérah hususna di Pulo Jawa, di antarana Bandung, Singaparna, Magelang, jeung Solo.[1] Sanajan aya di sababraha daérah, tapi unggal daérah miboga ciri has masing-masing.[1] Bahan dasar kupat tahu téh umumna sarua nyaéta, goréng tahu nu dicampur jeung kupat, tuluy dibanjur ku bumbu kacang kalawan maké kurupuk keur palengkepna.[1] [2]Kupat tahu ti Jawa Kulon miboga ciri has séwang-séwangan. Di daérah Jawa Kulon, kupat tahu umumna ditambahan ku bumbu rujak jeung sayuran kayaning togé (kacambah), bonténg, jeung engkol [1][2]

Cara Nyieun Kupat Tahu[édit | édit sumber]

Bahan-bahan Lontong :[3][édit | édit sumber]

  1. 250 gr béas
  2. 1 lembar daun pandan
  3. 1/2 sdm uyah
  4. bungkus kupat ( biasana tina janur )

Bumbu kacang :[3][édit | édit sumber]

  1. 250 gr kacang taneuh
  2. 50 gr cabé beureum
  3. 4 sihung bawang bodas
  4. 50 gr hui (nu geus dikulub)
  5. 30-50 gr gula beureum (saluyukeun jeung karesep)
  6. 1 sdt gula bodas
  7. Uyah sacukupna
  8. Kécap amis sacukupna
  9. 5 lembar daun jeruk
  10. 1 jeruk mipis

Palengkep :[3][édit | édit sumber]

  1. Togé ( keueuman/léob ku cai panas)
  2. Tahu nu geus digoréng
  3. Kurupuk
  4. Goréng Bawang

Léngkah-Léngkah Nyieun Kupat Tahu[édit | édit sumber]

Ieu dihandap léngkah-léngkah pikeun nyieun kupat tahu:[3]

Léngkah nyieun kupat:[édit | édit sumber]

Ieu dihandap léngkah-léngkah keur nyieun kupat:[3]

  1. Tapi béas nepi ka bersih tinu sérahna (ulah diisikan)
  2. Eusikeunn béas nu meunang napi ka wadah kupat tinu janur (1/3 cangkang kupat, ulah pinuh)
  3. Taheurkeun cai, tambahkeun daun pandan supaya seunngit jeung tambahkeun uyah ka cai nu ditaheurkeun
  4. Kulub kurang leuwih 3 jam nepi ka 1/2 caina saat atawa nepi ka asak kupat.
  5. Jait jeung tiiskeun kupat

Léngkah nyieun bumbu kacang:[édit | édit sumber]

Ieu dihandap léngkah-léngkah keur nyieun bumbu kacang:[3]

  1. Goréng kacang nepi kacoklatan
  2. Bawang bodas jeung daun jeruk digoréng dihijikeun
  3. Blender kacang goréng, bawang bodas, kulub hui, daun jeruk, cabe beurum nepi ka lemes.
  4. Cicikeun ka wadah, abuskeun gula bureum nu geus disiksik (dikurud), gula bodas, uyah, cai panas ngagolak.
  5. Kocék nepi ka rata, peres jeruk nipis tuluy tambahan kécap

Léngkah nyieun kupat tahu:[édit | édit sumber]

Sanggeus nyieun kupat jeung bumbuna, ieu dihandap léngkah pikeun nyieun kupat tahu:[3]

  1. Keureutan kupat
  2. Abuskeun tahu goréng jeung togé
  3. Banjur ku bumbu kacang, tambahan kurupuk jeung kécap pikeun palengkep.

Rujukan[édit | édit sumber]

  1. a b c d Indonesia Kaya. Kupat Tahu, Makanan Khas Indonesia yang Mengundang Selera Diaksés Ping 5 Oktober 2017.
  2. a b Bandung Merdeka. Kupat tahu khas di Bandung, serupa tapi tak sama Diaksés ping 5 Oktober 2017.
  3. a b c d e f g Cookpad. Kupat Tahu Diaksés ping 5 Oktober 2017.