Lagodéh

Ti Wikipédia, énsiklopédia bébas
Loncat ke navigasi Loncat ke pencarian

Lagodéh atawa ciwang nyaéta salah sahiji jinis kadaharan nu has ti Sukabumi.[1] Ari ngaran ciwang téh mangrupa wancahan tina aci jeung bawang.[1] Bahan utamana nyaéta aci kawung dicampur jeung goréng bawang.[1] Saenyana samarana téh teu ngan ukur bawang wungkul, aya ogé bungbu lianna.[1] Ieu lagodéh téh tadina mah jadi jajanan nu ilahar dijual di warung-warung atawa diiderkeun ka pilemburan ku cara disuhun atawa dikélék.[1] Ari nu resep kana ieu jajanan téh umumna mah barudak.[1] Ngan kadieunakeun mah geus hésé pisan manggihan ieu kadaharan lantaran geus langka nu ngajual.[1]

Cara nyieun[édit | édit sumber]

Bahan utama[édit | édit sumber]

  • Aci kawung 500 gr
  • Penyedap rasa sacukupna
  • Uyah sacukupna
  • Cai[1]

Bahan palengkep[édit | édit sumber]

  • Sambel suuk
  • Goréng bawang sacukupna
  • Daun salédri sacukupna, disiksikan laleutik[1]

Cara Nyieun[édit | édit sumber]

  1. Campurkeun aci, penyedap rasa, jeung uyah.
  2. Tuluy galokeun nepi ka rata, asakan adonan maké seuneu nu leutik sabari digalokeun nepi ka asak.
  3. Sayagakeun wadah tuluy asupkeun adonan nu geus asak kadinya sarta engkeun nepi ka jadi heuras jeung tiis.
  4. Geus kitu keureutan adonanna tuluy purulukan goréng bawang jeung salédri.
  5. Tuluy dibanjur ku sambel suuk nu geus dijieun saméméhna.[1]

Rujukan[édit | édit sumber]

  1. a b c d e f g h i j Buku Masakan. Resep membuat ciwang khas Sukabumi spesial enak. Diaksés 07 Oktober 2017.
Foodlogo2.svg