Samudra Pasifik
Samudra Pasifik atawa Lautan Iuh (basa Spanyol: Pacifico, hartina tenang) nyaéta kumpulan cai pangbadagna di Marcapada[1]. Ieu ngawengku kira-kira sapertilu Marcapada, ku legana 179,7 juta km² (69,4 juta mi²)[1]. Panjangna kurang leuwih 15.500 km (9.600 mi) ti Laut Bering di Arktik nepi ka wates és di Laut Ross di Antartika di kulon[2]. Samudra Pasifik nepi lebar wétan-kulon[2]. Minangka Samudra palegana di dunya, parairan ieu ngawengku kurang leuwih sapertilu lakop marcapada[1]. Titik panglandeuhna ti Samudra Pasifik nyaéta di dasar Palung Mariana di Kapuloan Mariana ku jerona -10.924 méter[1]. Di sabudeur Samudra Pasifik loba gunung marapi antukna sok rajeun lini[1]. Teu saukur kitu, fénomena alam anu sok kajadian di laut ieu nyaéta badéy sarta angin puyuh[2]. Badéy ieu anu tuluy narajang pulo-pulo di sabudeur Samudra Pasifik[2]. Di tengah Samudra Pasifik aya gugusan kapuloan Polynésia, Mikronésia, jeung Mélanesia (kawasan ieu disebut Oceania)[2]. Posisi samudra Pasifik kacida penting pikeun séktor ékonomi jeung pulitik internasional[2]. Nagara-nagara di kawasan ieu kagolong miboga tingkat tumuwuhna ékonomi anu luhur sarta gancang[2]. Ku kituna diwangun forum gawébareng ékonomi nagara-nagara Pasifik (APEC)[2].
Sajarah
[édit | édit sumber]Sajarah kapanggihna
[édit | édit sumber]Ari jalma anu mimiti manggihan Samudra Pasifik nyaéta Vasco Nunez de Balboa[1]. Balboa nyaéta bangsa Spanyol anu mimiti némbongan Samudera Pasifik dina taun 1513[1]. Harita Samudera Pasifik can dingaranan, sangkan Vasco Nunez de Balboa boga inisiatif pikeun méré ngaran ka samudra éta ku sebutan Mar del Sur atawa nu hartina lautan kidul[1].
Ngaran Pasifik
[édit | édit sumber]Sanajan nu manggihan mimiti Samudra Pasifik téh Vasco Nunez de Balboa, tapi pangaranan Pasifik mah anyar dilakukeun dina sababaraha taun satuluyna[1]. NU méré ngaran nyaéta Fernando de Magelhaens. Magelhaens magnrupa saurang palaut asal Portugis, jeung nalika ngalanglang meuntasan samudra anu mimiti dibéré mimitina mah dibéré ngaran Laut Kidul ieu, Magelhaens gé milu méré ngaran ku sebutan Pasifik[1]. Fernando de Magelhaens mindeng ngalakukeun langlangan ka sawatara tempat liwat jalur laut[1]. Tujuanna mah pikeun manggihan kapuloan anu euyeub ku sasamaraan anu satuluyna kanyahoan yén pulo nu dimaksud nyaéta pulo Maluku di Indonésia[1].