Polipropiléné

Ti Wikipédia Sunda, énsiklopédi bébas

Polypropylene / polipropiléné (PP), dipikawanoh ogé polypropene, nyaéta mangrupa polimér termoplastik di mana hasil olahanna dimangpaatkeun pikeun rupa-rupa kabutuhan, bisa dipaké bungkus, kabutuhan tékstil (umpamana, tali, jeung karpét), alat tulis, wadah-wadah jeung pakakas rumah tangga, pakakas laboratorium, jeung réa-réa deui. Di pasar internasional dina taun 2013, polipropiléné ieu dijual beulikeun kurang leuwih 55 juta metrik ton.[1][2]

Sipat-sipat kimia jeung Pisik[édit | édit sumber]

lolobanana polipropiléna anu didagangkeun mangrupa [[isotaktik]] anu mibanda kristalinitas tengah-tengah di antara polietilena kapadetan hampang jeung polietilena kapadetan beurat, ngaliwatan pacampurna partikel karét, ieu bahan PP bisa jadi leuwih liat jeung ngarét sok sanajan dina suhuna anu henteu panas ogé. Hal ieu bisa ngajadikeun polipropilena dipaké pikeun kabutuhan plastik téknik, sarua jeung bahan ABS. Polipropilena mibanda sipat heuras, hargana kawilang murah, jeung bisa dijieun translusen/(bening) tapi heteu bening jiga polistirena, akrilik,polikarbonat ogé plastik bening anu séjéna. Bisa ogé dijieun rupa-rupa kelir luyu jeung kabutuhan nyaéta ku jalan nyampurkeun pigmen. Polipropiléna lé'éh dina suhu 160 °C (320 °F), ditétélakeun ogé dina (Differential Scanning Calorimetry /DSC). MFR (Melt Flow Rate) aya ogé MFI (Melt Flow Index) mangrupa hiji tangara anu nétélakeun beruat molekulna bahan PP ogé nangtukeun gampang atawa henteuna éta bahan lé'éh kupanas sajeroeun prosés produksi. MFR PP leuwih gedé ku alatan éta bahan PP leuwih gampang dijieun barang utamana mesin anu maké sistem citakan, naha ngaliwatan mesin Injéksi anapon mesin blowing/ditiup. Aya tilu rupa bahan PP anu umum dipaké : homopolimér, random copolimér jeung impact copolimér atawa kopolimér blok.

Polipropiléné / Polypropylene (PP) - poliolefin dijieun ku cara polimerisasi propilena jeung katalis anu dipikabutuh, biasanamah aluminium alkil jeung titanium tetraklorida. Sipat Polipropiléné rupa-rupa gumantung kana beurat molekul, cara produksi, jeung kopolimer anu dipaké. Dina ka ilaharan Polipropiléné geus nembongkeun sipat pisikna, heuras jeung leuwih tahan suhu panas tinimbang polyethylene. Polipropiléné kawilang hampang dina kapadetan 0,905 g / cm. Polipropiléné(PP) mimiti kapanggih dina taun 1954 Tuluy mekar kalawan téréh. Dirojong ogé lobana panalutikan panalungtikan ngeunaan ieu bahan, kiwari geus aya lima rupa Polipropiléné di antarana : homopolimer, Kopolimer, Random/acak kopolimer acak, Campuran jeung karet, jeung kopolimer khusus.[2][3]

Tanda Internasional Daur Ulang Polipropiléné

Kakurangan/lemah[édit | édit sumber]

  • Regas di mana keuna cahaya UV dina waktu anu rada lila
  • Gampang/babari ka duruk
  • Lé'éh lamun keuna chlorinated solvents jeung aromatics
  • Hésé/teubisa di lém (kantétkeun maké lém)
  • Henteu tahan ku panas

Rupa-rupa sipat Polipropiléné[édit | édit sumber]

Geusan nangtukeun naon anu bakal dijieun ngagunakeun bahan plastik. Penting pisan mibanda pangaweruh anu aya patalina jeung sipat tina ieu bahan plastik, Ieu penting sagigireun bisa surti kana istilah anu dipaké ku pemasok/anu ngajual, terus deui nyaho kana sawangan kumaha barang anu dijieun engkéna bisa kuat atawa heunteu. Dihandap ieu aya sabaraha hal umum anu perlu dipalire ngeunaan rupa-rupa plastik PP [4] :

  • PP kopolimér

Dihasilkeun tina nambahan antara 5 nepikeun 30% étilena dina mangsa polimerisasi hasilna kopolimér leuwih kuat/tahan bantingan lamun dibandingkeun jeung PP homopolimer. ieu bahan sakapeung sok dijieun dua rupa, di antarana :

Acak/random kopoliméré ieu dijieun ku jalan nyampurkeun Etilena jeung propilena babarengan dina réaktor anu sarua, ieu ngahasilkeun kantétan polimér monomér anu alus ku lantaran dina réaksina gonta ganti kalawan acak/teu beraturan .

Blok Kopolimer. ieumah dimimitian ku, propiléna di polimerisasi dina hiji réaktor salila éta, étilen di polimérisasi dina réaktor lain ngahasilkeun bahan PP, tuluy waé ieu dua hasil polimérisasi téh dihijikeun deui dina hiji réaktor, nya ngahasilkeun waé anu disebut kantétan blok homogen PP jeung tambahkeun PE. Kakuatan tubrukan kopolimer alus naker, matakna ieu PP kasohor ku ngarana PP dampak/shock.

  • PP homopolimer

Pangna PP homopolimer ku lantaran Polipropiléné di polimerisasi murni. jeung tacticidad,ieu aya tilu rupa:

PP isotaktik. dina mangsa polimerisasi, Nyebarna metil ku jalan biasa/normal ngahasilkeun kristalinitas lumayan loba nyaéta 70 nepi 85%, hasilna mekanikna kuat ogé seseg. Golongan ieu loba dipaké jadi bahan baku dina prosés mesin injeksi, saperti kelos benang, cocooan, wadah, jeung lain-laina) lamun dijieun dina mesin film ekstrusi hasilna saperti benang rafia atawa plastik bungkus gaganti kertas.

PP Ataktik. Tempona Polimerisasi bahan Polipropiléné ngajauhan sisi metil/aya jarak. Polimer ieu hasilna "léngkét" matakna nyerep kékebul, biasana dipaké dasar lém témbak (Lem anu saméméh dipaké kudu dipanasan heula ). Sindiotaktik PP. Kristalna goréng kacida saenggeusna metil ditampung gonta ganti, Ieu ngajadikeun leuwih élastis daripada PP isotaktik tapi ogé henteu séség.

Conto Pamakéanna[édit | édit sumber]

Kiwari plastik PP geus dimangpaatkeun ampir disakabéh widang kahirupan, Dihandap ieu aya sababaraha conto di mana bahan PP ieu dilarapkeun:

  1. Dina mesin kandaraan, konstruksi aya ogé dina interior mobil (korsi, tutup aki, dasbor jeung réa-réa deui).
  2. Kabutuhan téhnik jeung elektro : (tutup trafo, bungkus kawat jeung kabel,...)
  3. Lingkungan indutri wangunan (katup, fitting jeung pipa, érang-érang kipas,..)
  4. Indutri tékstil digunakeun jadi wol dina policolon, karpet, bungkus, kabutuhan medis ,…
  5. Dina industri kadaharan, rumah tangga ( cangkir (untuk produk susu), tutup botol, piring, wawadahan anu bisa dipaké deui, sedotan, …)

Jeung Réa-réa deui

Barang-barang dijieun tina Polipropilén , Museum Tekstil Tilburg

Golongan Polipropiléné[édit | édit sumber]

Busa Polipropiléné (EPP) Expanded Polipropiléné (EPP) mimiti mekar dina taun 1980-an. nyaéta partikel budah/busa anu asalna tina polipropillene. (Porous Expanded Polipropiléné disingket PEPP) Henteu jiga EPS. EPP dijieun henteu ngamangpaatkeun blowing agent. EPP-produksi aya dua cara produksina : Teknologi autoclave (standar) jeung ékstrusi busa langsung (jarang digunakeun). aya ogé anu maké Molding/citakan. ku jalan ngagunakeun mesin citak husus bisa dijieun rupa-rupa modél jeung ukurana gumantung kana kabutuha. Iéu béda jeung mesin EPS jaman baheula. ngolah ieu bahan ku jalan nyieun uap partikel busa (suhu uap di antara 140-165 °C - gumantung kana bahan dasarna) tuluy waé ieu budah téh dilembutkeun.[5] EPP mingkin loba waé dimangpaatkeun (bungkus keur pakakas mobil loba pisan maké ieu produk EPP). Jadi mékarkeun pamangih ngeunaan EPP z. B. dipaké dina widang olahraga, logistik, furniture jeung désain, ogé loba deui anu séjéna. kiwari anyar dimekarkeun nyaéta EPP loba dimangpaatkeun dina interior otomotif. Contona waé VW Touareg jeung Porsche Cayenne, bangku korsi tukaangna maké ieu EPP.[6]

Unstretched polipropilén film (CPP or UPP) Cast Polipropiléné (disingkat CPP ogé dipikawanoh UPP Film ) nyaéta salah sahiji bahan anu paling réa dipaké pikeun pamungkus.[7] CPP anu mangrupa polipropiléné (PP) semi-kristal termoplastik, CPP ogé kasup kana golonga polioléfin. Dibandingkeun jeung PE tradisional mah ieu CPP mibanda transparansi/hérang anu kawilang alus, sipat pisikna anu rada kaku jeung kuat kana nahan abrasi ngalantarankeun ieu CPP, OPP (Oriented Polipropiléné) mangrupa polimér anu pang mindengna jeung paling loba dipaké dina industri anu nyiun bahan keur bungkus. Utamana dipaké mungkus kadaharan, tékstil, médis aya ogé bahan pikeun laminasi dina plastik anu multilayer/ (plastik diwangun tina sababaraha lapis).

Oriented polipropilén film (OPP Jeung BOPP) Plastik film Polipropilén ekstrusi anu ngaliwatan rol, bisa leuwih stabil ku jalan dibatek/diregangkeun ogé ngaronjatkeun jalana mesin sangkan lewih gancang, ieu ogé bisa mangaruhan bahan palstik leuwih kabatek. Ieu prosés leuwih onjoy ku lantaran uap cai bisa ngurangan. Ngaronjatkeun kakuatan mékanik, film henteu manteng teuing, (transparansi) leuwih alus.

OPP (oriented polipropilene) Guruntulan bahan PP bisa ogé diékstrusi pikeun nyieun ieu OPP ngan waé hasilna kudu ngaliwatan pangbatek heula OPP (PP oriented). Hasil produksina bisa dipaké umpamana bungkus kasét, benang atawa plastik film komposit. BOPP (biaxially oriented polypropylene) PP Biasana dipaké pikeun ngaronjatkeun kakuatan plastik umumna anu diprosés multilayer ku jalan dibatek malincang. Hal ini dilakukan sajeroeun mesein lebah peregangan/pangbatek (pre-héating - peregangan - stabilisasi - pendinginan). Ngarah henteu ka panteng teuing ieu plastik film keunna dina ahir prosés produksi ngagunakeun re-héating. Lolobana ieu plastik dimangpaatkeun pikeun kabutuhan bungkus utamana dina mesin pamungkus anu ngalirkeun bahan ieu (horisontal jeung vertikal), bisa diwangun mono film atawa mangrupa tatambah tina sabagian film komposit (sababaraha lambaran).

Tutumbu Kaluar[édit | édit sumber]

Tempo Ogé[édit | édit sumber]




Dicutat Tina[édit | édit sumber]

  1. "Market Study: Polypropylene (3rd edition)". Ceresana. 
  2. a b Ulprospector
  3. Maier, Clive; Calafut, Teresa (1998). Polypropylene: the definitive user's guide and databook. William Andrew. p. 14. ISBN 978-1-884207-58-7. 
  4. Rupa-rupa Polipropiléné (PP)
  5. EPP
  6. Polypropilene
  7. polipropillene