Rosella

Ti Wikipédia, énsiklopédia bébas
Luncat ka: pituduh, paluruh
Flor de Jamaica.jpg

Rosélla téh ngaran tutuwuhan nu asalna ti India, tapi aya ogé nu nyebutkeun asalna ti Afrika Kulon.[1] Ngran latinna Hibiscus sabdariffa.[1] Rosella nyaéta jenis pepelakan hérbal anu dipikawanoh minangka pepelakan rukmi dunya alatan mibanda mangpaat pikeun pengobatan anu hadé.[1] Rosélla di masarakat Indonésia geus lila dipaké minangka ubar tradisional.[1] Sarta ayeuna loba pakar atawa ahli kaséhatan dunya anu ngalakonan panalungtikan ngeunaan mangpaat Rosélla pikeun kaséhatan.[1]

Kandungan Rosella[édit | édit sumber]

Rosella ngandung elemen penting nu alus pikeun kaséhatan.[2] Kandungan ti unggal 100 g ekstrak Rosella nyaéta Kalori 147,12Kcal, Lemak 0 g, jumlah lemak jenuh (lemak jenuh) 0 g, Kolésterol 0 mg-Sodium 21,89 mg, total karbohidrat 36,64 g, Serat 0 g-Gula 34,48 g, Protéin 0,14 g-Vitamin A 113,46 mg, Vitamin C 214,68 mg, Kalsium 13,06 mg.[2]

Rupa Rosella[édit | édit sumber]

Tangkalna téh jangkungna 2 meteran, warnana coklat semu beureum.[1] Watangna ngarancabang loba pisan. Ari daunna, paranjang rada lencop kacongonakeun.[1] Kembangna tumuwuh handapeun puhu daun, napel dina watang.[1] Bagéan anu bisa dimangpaatkeun nyaéta kongkolak kembangna.[1] Warna beureum, wangunna kawas mahkuta raja. Katempona kandel jeung heuras. Sedengkeun daun jeung dahan ngorana bisa dijadikeun lalab.[1]

Mangpaat[édit | édit sumber]

Rosella téh sohor pisan di Malaysia.[1] Sanajan kitu, di Indonésia gé geus dibudidayakeun saperti di Siduarjo Jawa Timur sarta di Kulonprogo Yogyakarta. Ieu tutuwuhan téh bisa dimangpaatkeun ogé pikeun ngubaran panyakit.[1] Hasil panalungtikan para ahli, Rosella téh ngandung 214,68 mg vitamin C tina 100gr kongkolak kembang. Sedengkeun vitamin C téh gunana pikeun ngundakkeun daya tahan awak urang tina panyakit. Di antara rupa-rupa produk Rosella, saperti anu ditataan di luhur , sirop sari kembang Rosella kaitung pangsohorna.[1] Ieu sirop lain ukur inuman wungkul, tapi ngandung hasiat pikeun ngubaran darah tinggi.[1] Nurutkeun para ahli, zat anu dikandung ku sari Rosella téh saperti asam organik, polisakarida, jeung flavonoid bisa ngabantu ngalancarkeun aliran getih ku cara ngurangan darajat kentelna getih. Ku cara kitu, gawé jantung mompa aliran getih leuwih énténg. Hasiat séjénna, sari kongkolak kembang Rosella téh bisa ngubaran kasakit kanker, TBC, katarak atawa osteoporosis.[1]

Rujukan[édit | édit sumber]

  1. a b c d e f g h i j k l m n o Sopudin, S.Pd & Drs. Gunawan. 2009. Sagara Basa. Tangerang: Mustika Aditruna. Kaca 30-31
  2. a b (id) Kandungan Rosella (Dicutat tanggal 29 Oktober 2011)
Nulis.jpg