Salé cau
,_2015-06-13.jpg)
Salé cau nyaéta kadaharan hasil olahan tina cau nu dikeureutan aripis tuluy dipoé nepi ka garing.[1] Tujuan dipoé téh ngurangan cai tina cau sangkan leuwih awét waktu diteundeunna.[1] Ieu kadaharan bisa langsung didahar atawa digoréng heula ngagunakeun tipung keur mulenna.[1] Kiwari, produksi salé cau téh geus nepi ka pasar internasional. [1] Produk salé cau téh mangrupa kadaharan pituin ti Karangpucung jeung Majenang anu pernahna di Kabupatén Cilacap, Jawa Tengah. [1] Ngan dina kamekaranana loba daérah séjén nu nyieunan, matak pantes lamun salé cau loba nu ngakukeun jadi kadaharan has daérahna.[1]
Kualitas[édit | édit sumber]
Sipat penting anu nangtukeun kualitas salé cau téh nyaéta warna, rasa, bau, hipu, jeung awét henteuna. [1] Kualitas kawas kitu téh loba pisan dipangaruhan ku cara ngolah jeung neundeun salé cau sabada diolah.[1] Biasana anu ngabalukarkeun kualitas salé goréng téh ku usum hujan, sabab salé cau bakal beyé moal garing sacara sampurna. [1] Keur ngungkulan éta pasualan, bisa ngagunakeun alat ngagaringkeun nu ku alat nyaéta digarang dina hawu.[1]
Cara Nyieun[édit | édit sumber]
Aya 3 (tilu) cara nyieun salé cau.[2]
- Cara tradisional ku cara digarang dina haseup kai.[2]
- Digarang ku haseup warirang.[2]
- Ngagunakeun cacai natrium bisulfit.[2]
Prosés ngagarang ku haseup warirang miboga kauntungan kieu.[3]
- Ngageunteulkeun cau sangkan warnana luyu jeung nu dipikahayang.[3]
- Maéhan mikroba (baktéri).[3]
- Mahing robahna warna cau nu teu luyu kahayang[3].
Rujukan[édit | édit sumber]
- ↑ a b c d e f g h i j "Cara Membuat Sale Pisang Kering Gurih | Resep Nasional". www.resepnasional.com (dalam en-US). Diakses tanggal 2017-11-01.
- ↑ a b c d "Cara Membuat Sale Pisang Manis dan Renyah Sederhana - Sipendik" (dalam bahasa en-US). Sipendik. 2016-01-28. https://www.sipendik.com/cara-membuat-sale-pisang-manis-dan-renyah-sederhana/. Diakses pada 2017-11-01
- ↑ a b c d Iptek - Tips Pengolahan Sale Pisang Archived 2010-05-14 di Wayback Machine