Saptonan
Saptonan nyaéta salah sahiji warisan karuhun Kabupatén Kuningan, talari anu mangrupa pasanggiri kaparigelan dina naék kuda sarta ngasupkeun tumbak kana liang anu aya di handapeun ember anu digantung di luhur tempat anu geus disadiakeun ku panitia saptonan.[1]
Talari Sapton anu dituturkeun ku kuda-kuda Kuningan anu kawentar kuda anu pohara kesit ieu sok mintonkeun hiji hal anu metot, sok aya waé kajadian-kajadian anu unik boh anu dipintonkeun ku kusir kuda boh ku kuda éta sorangan.[1]
Sajarah Saptonan
[édit | édit sumber]Tradisi saptonan mangrupa Pasanggiri nu sok dilaksanakeun saban poé Saptu, ku kituna dibéré ngaran saptonan ti istilah saptuan (saban Saptu) dina minggu pamungkas unggal bulanna sabada para Lurah réngsé miluam seba (rapat dinas) di tingkat kewedanan .[2] Ogé bisa dipintonkeun unggal sataun sakali dina tanggal 31 agustus anu dingaranan Pésta Raja.[2] Ieu tradisi pernah ngalaman masa kajayaan dina jaman penjajahan Walanda.[2] Baheula teu sakabéh jalma bisa miluan tradisi ieu sabab baheulamah tradisi ieu dihususkeun pikeun para Lurah atawa pupuhu désa tapi sabada Walanda ingkah ti Indonésia, saha waé bisa miluan tradisi saptonan anu penting boga kahayang jeung kuda.[2]
Prak-prakan acara
[édit | édit sumber]Saptonan di mimitian ku gamelan gong renteng sedengkeun tempat pikeun saptonan anu mangrupa lapang geus dipasangkeun tihang awi sapanjang 8 méter jeung jangkung 2,5 méter dina bagéan tengahna diteundeun dua émbér anu silih pajauh, dina émbér éta dibéré beusi gépéng nu geus di liangan tengahna, pikeun dicolok ku pamilon maké tumbak.[2] Tumbak pikeun nyolok éta émbér panjangna 2,5 méter nu dijieun tina awi atawa kai.[2] Saméméh acara dimimitian pamilon kudu ngurilingan lapang 3 kuriling pikeun pamanasan.[2] Sabada éta pamilon anu disebut ngarana mulai mintonkeun kamahéranna dina numpakan kuda dina wangun ibingan.[2] saterusna pamilon katut kudana lumpat gancang pikeun ngasupkeun tumbak kana émbér anu geus disadiakeun di tengah lapang.[2]
Rujukan
[édit | édit sumber]
|
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |