Squamata

Ti Wikipédia, énsiklopédia bébas
Jump to navigation Jump to search
Squamata
Varanus salvator
Klasifikasi ilmiah
Karajaan: Animalia
Filum: Chordata
Kelas: Sauropsida
Superorder: Lepidosauria
Order: Squamata
Oppel, 1811
Subgrup[1]
Sebaran Squamata

Squamata mangrupa kelompok reptilia pangbadagna nu jumlah spésiesna panglobana.[2] Habitat anggotana mimiti ti jero taneuh nepi ka tatangkalan, ti gurun nepi ka laut, sarta ti khatulistiwa nepi ka Arktik.[2] Anggotana biasana mah tetrapoda tapina dina subordo Serpentes/Ophidia sarta saeutik anggota ti Lacertilia mah tungkéina ngaréduksi.[2] Sacara umum miboga ciri-ciri di antarana awakna katutupan ku sisit.[3] Sisit ieu ngalaman baganti dina waktu nu tangtu anu disebut molting.[2] Saméméh caroplok, stratum germinativum ngawangun lapisan kutikula anyar di handap lapisan anu heubeul.[2]

Dina Subordo Ophidia, kulit atawa sisitna caroplok sagemblengna, sedengkeun dina Subordo Lacertilia, sisitna caroplok wawaréhan.[2] Wangun jeung susunan sisit-sisit ieu téh penting pisan minangka dasar klasifikasi ku sébab polana rada angger.[2] Dina oray mah sisit ventral ngarubak ka arah transversal, sedengkeun dina toké sisit ngaréduksi jadi tonjolan atawa tuberkulum.[2] Squamata miboga tulang kuadrat sarta miboga ékstrimitas.[2] Iwal dina Subordo Ophidia, Subordo Amphisbaenia, jeung sawatara spésies Ordo Lacertilia, réproduksi sacara ovovivipar atawa ovipar ku vértilisasi internal.[2] Sumebaranna lega pisan, ampir nyangkaruk di sakuliah dunya iwal Arktik, Antartika, Irlandia, Selandia Anyar, jeung sawatara pulo di Oséania.[2] Ciri séjénna tina squamata nyaéta euweuh huntu vomer, euweuh hubungan antara pterygoid jeung vomer, columella ipis, sarta hemipenis anu tumuwuh sacara hadé.[2]

Subordo[édit | édit sumber]

Rujukan[édit | édit sumber]

  1. Wiens, J. J.; Hutter, C. R.; Mulcahy, D. G.; Noonan, B. P.; Townsend, T. M.; Sites, J. W.; Reeder, T. W. (2012). "Resolving the phylogeny of lizards and snakes (Squamata) with extensive sampling of genes and species". Biology Letters 8 (6): 1043–1046. doi:10.1098/rsbl.2012.0703. 
  2. a b c d e f g h i j k l "Ordo Squamata". Wasawa. Diakses tanggal 02/29/2016. 
  3. "BIOLOGI-Jilid 1". Google Book. Diakses tanggal 02/29/2016. 
Morpho menelaus huebneri MHNT Male Dos.jpg