Transformers

Ti Wikipédia Sunda, énsiklopédi bébas

Transformers mangrupa salah sahiji carita fiksi ciptaan Hasbro. Carita utamana nyaéta perang antara dua ras robot, Autobots sareng Decepticons. Asal maranéhna ti planet Cybertron, anu saterasna nyasar ka Bumi. Sadaya robot Transformers tiasa robih janten beragam barang sapertos mobil, alat-alat rumah tangga, sareng peralatan militer. Mottona nyaéta: More Than Meets the Eye sareng Robots in Disguise. Sadaya seri sareng waralaba Transformers nu aya ayeuna mangrupa sekuel tina versi asli taun 1984.

Generasi 1 (1984-1992)[édit | édit sumber]

Aslina, Transformers mangrupa seri cocooan Jepang taun 1970-an, anu namina Microman jeung Diaclone. Hasbro teras meser éta hak cipta kaduana, teras dijual deui ka Takara ti Jepang. Konsép utama G1 nyaéta pertarungan abadi Autobots nu dipimpin Optimus Prime ngalawan Megatron ti Decepticons. Mimitinamah sadayana perang di Cybertron, tapi ku sabab di Cybertron tos ancur, para Autobots ngalih ka Bumi, di pengkereuna Decepticons nuturkeun sambil teras néangan kasempatan jang ngancurkeun Autobots

Basis utama serial Transformers G1 seseurna tina komik terbitan Marvel. Perbédaanna alit pisan antara komik jeung serial TV. Contona di komik Shockwave téh pamimpin Decepticons, tapi di serial TV, anjeunna janten anak buah Megatron anu loyal. Teras Dinobot dina versi TV kaasup sub grup Autobots, tapi dina komik maranéhna independen. Lainna, Optimus Prime ceuk versi komik mah diciptakeun tina Création Matrix, tapi dina versi TV, nu nyiptakeun Optimus Prime téh ternyata Alpha Trion.

Taun 1986, ku kasuksesan tina serial TV Transformers, pihak Hasbro teras ngarilis film anu judulna The Transformers: The Movie. Dina pilem ieu, Matrix anu aya di Optimus Prime ngalih ka Ultra Magnus, teras dicaritakeun, Optimus Prime téh pupus. Matrix anu aya di Ultra Magnus sempat direbut ku Galvatron, teras robot ngora anu namina Hot Rod ngawanikeun diri ngalawan Galvatron jang ngarebut deui Matrix. Anjeunna berhasil, teras éta Matrix téh dianggo, ngarobih Hot Rod janten Rodimus Prime.

Taun 1987, pihak Takara Jepang nyobian ngadamel serial baru, ku sabab di versi Amerika serial TV na seep episodena. Di Jepang, nami serial anu baru téh nyaéta Transformers: The Headmasters, diteraskeun ku sekuelna nu berjudul Transformers: Super-God Masterforce, Transformers: Victory, sareng Transformers: Zone. Di Amerika, sanajan serial TV na tos tamat, pihak Marvel tetep neraskeun carita dina bentuk komik.

Di Indonésia, serial TV Transformers G1 mimiti abus taun 1995, diputer di RCTI. Teras di sasih November 2007, serial ieu diputer ulang di ANTV sampai Agustus 2008.

Generasi 2 (1992-1995)[édit | édit sumber]

Versi anu ieu mangrupa carita terasan ti G1. Mimiti dirilis taun 1993 dengan jumlah buku komik anu mencapai 12 edisi. Di Inggris, anu rada benten jalan caritana jeung di Amerika, buku komik anu terbit jumlahna lima edisi.

Beast Wars/Machines (1996-2001)[édit | édit sumber]

Versi anu ieu, rada benten jeung diragukeun katerkaitanna jeung versi G1, dirilis taun 1996. Ayeuna anu janten bahan carita nyaéta dua grup laluhur Autobots sareng Decepticons. Laluhur Autobots namina Maximals, dipimpin ku Optimus Primal. Samentara laluhur Decepticons namina Predacons, dipimpin ku Megatron.

modél parobihan robot nu aya di versi ieu seseurna jaranten binatang purba. Ceuk dua pangarang carita utamana, Bob Forward sareng Larry DiTillio, carita Béast Wars sabenerna mah masih aya kaitan jeung versi G1. Sabab dina versi serial G1, Autobots jeung Decepticons dongkap ka Bumi opat juta tahun sateuacan taun 1984.

Di Indonésia, serial TV na mimiti diputer taun 1999 di stasiun TV SCTV, tapi ayeuna serial ieu teu acan pernah diputer ulang deui.

Robots in Disguise (2000-2002)[édit | édit sumber]

Kali pertama ieu, serial TV Transformers dijieun ku pihak Jepang anu saterasna diimpor ka Amerika Serikat. Jumlah episodena aya 39. Jalan caritana ngisahkeun Megatron anu nyiptakeun Decepticons keur ngabantuan Predacons. Saleuwihna, carita dina Robots in Disguise masih neraskeun tina Béast Wars. Optimus Prime muncul deui dina ieu serial, ngabantuan Optimus Primal.

Unicron Trilogy (2002-2006)[édit | édit sumber]

Tilu serial TV anu anyar, nu dikarang ku Aaron Archer, dirilis antara taun 2002 nepi ka taun 2006. Tilu serial éta téh masing-masing judulna nyaéta, Transformers: Armada, Transformers: Energon, sareng Transformers: Cybertron. Serial TV anu tilu etateh minangkanamah bagian tina kerjasama antara Hasbro Amerika sareng Takara Jepang.

Transformers: Armada jalan caritana ngisahkeun perang Autobots lawan Decepticons anu nyeret ras minoritas nu namina Mini-Con abus kana peperangan. Teras dina Transformers: Energon jalan caritana masih neraskeun perang Autobots lawan Decepticons nu ditambihan ku abusna anggota-anggota Mini-Con ka Autobots atanapi Decepticons. Atuh dina Transformers: Cybertron, anu gambar animasi robotna tos nganggo animasi CGI, jalan caritana ngisahkeun usaha Megatron ngawasai dunya, nu akhirna gagal ku sabab Autobots, Decepticons, sareng Mini-Con kerjasama ngeureunkeun usaha Megatron.

Franchise film (2007-…)[édit | édit sumber]

Pertengahan 2007, Transformers diangkat kana layar lebar jang kadua kalina. Tapi dina nu versi ieu, sanes film animasi deui, tetapi digentoskeun ku perpaduan antara jalmi nyata sareng animasi komputer. Salajengnamah carita dina versi film masih sami jeung dina versi-versi sateuacanna, nyaéta perang Autobots versus Decepticons.

Di 2009 engke, film sekuel Transformers 2007 bakal dirilis, judulna Transformers: Revenge of the Fallen.

Transformers: Animated (2008-…)[édit | édit sumber]

Sadinten saatos Natal, tepatna tanggal 26 Desember 2007, channel TV kartun, Cartoon Network, ngamimitian nyiarkeun versi anyar tina waralaba Transformers. Judul anu ayeuna namina Transformers: Animated. Jalan caritana ngagabungkeun unsur ti Transformers G1 sareng Transformers film versi 2007. Di Indonésia, serial TV ieu mulai asup tanggal 2 Juli 2008, disiarkeun di RCTI. Teras tanggal 8 Oktober 2008 serial ieu ngalih ka GlobalTV.

Media promosi[édit | édit sumber]

Toyline[édit | édit sumber]

CD Audio[édit | édit sumber]

Video game[édit | édit sumber]

Tumbu kaluar[édit | édit sumber]