Wikipedia:Pituduh (tutumbu)

Ti Wikipédia, énsiklopédia bébas
Luncat ka: pituduh, paluruh
Wawanohan   Ngédit   Ngatur Format   Tutumbu   Berkas/Gambar   Ingetkeuneun   Kaca Obrolan   Kaca Pamaké   Miluan Daptar    

Tutumbu (id: pranala, en: link) nyaéta hiji tulisan (atawa objék) anu saupana diklik bakal mawa urang kana kaca séjénna, boh dina jero Wikipedia (tutumbu internal) boh kana kaca séjén di luar situs Wikipédia. Tutumbu ngajadikeun pamaké bisa pindak antar kaca. Aya tilu rupa tutumbu anu dipikawanoh ku MediaWiki nyaéta tutumbu internal, tutumbu interwiki, jeung tutumbu luar anu boga format CSS séwang-séwangan pikeun ngabédakeun nu hiji jeung nu séjénna.

Tutumbu internal

Salah sahiji hal anu ngajadikeun Wikipedia mibanda cukup kagunaanana nyaéta ayana "tutumbu internal" atawa disebut ogé wikifisasi, anu ngahubungkeun hiji artikel jeung artikel séjénna dina Wikipedia. Ieu hal téh ngamungkinkeun pamaca bisa ngaaksés informasi anu aya patalina jeung artikel anu dibaca.

Iraha kudu nyieun tutumbu?

Hal anu panggampangna pikeun mikanyaho iraha kudu nyieun tutumbu nyaéta ku cara maca sababaraha artikel Wikipedia minangka conto. Upama Anjeun hayang mutuskeun naha kudu nyieun tutumbu atawa henteu, pék tanya baé ka diri sorangan "Lamun upamana kuring maca ieu artikel, naon baé tutumbu anu kira-kirana guna keur kuring?"

Kumaha nyieun tutumbu?

Waktu Anjeun hayang nyieun tutumbu kana kaca Wikipedia séjénna (disebut tutumbu wiki) Anjeun cukup nambahan tanda “kurung siku ganda” di hareup jeung tukangeun kecap, saperti kieu:

[[Bandung]] hasilna bakal siga kieu: Bandung

Lamun misalna Anjeun hayang nyieun tutumbu kana kaca Wikipedia:Pitulung, mangka Anjeun kudu nulis saperti kieu:

[[Wikipedia:Pitulung]] hasilna bakal siga kieu: Wikipedia:Pitulung

Bagian Wikipedia: nandakeun yén kaca target téh kaasup kana rohangan ngaran Wikipedia, nyaéta lain namespace utama, anu mangrupa perenahna artikel normal umumna dituju.

Kudu inget yén dina Wikipedia, tutumbu dijieun sacara otomatis, jadi lamun Anjeun mageran kecap ku kurung siku ganda, mangka tutumbu bakal dijieun sacara otomatis, jadi Anjeun kudu ati-ati ngeunaan disambiguisasi

Lamun Anjeun hayang maké kekecapan séjén anu judulna teu sarua jeung tutumbu anu bakal dijieun ku Anjeun, Anjeun bisa nambahkeun tanda tutumbu pipa "|" dituturkeun ku ngaran alternatif. (Tombol tanda pipa dina papan ketik di Indonésia umumna perenahna di bagian luhur, nyaéta di lebah kénca tombol "BACKSPACE"