Basa Sangsakerta

Ti Wikipédia, énsiklopédia bébas basa Sunda

Basa Sansakerta (Samskrtavāk / संस्कृतम्)
Dipaké di:	Asia
Wewengkon:	India jeung sawatara wewengkon séjénna di Asia Kidul sarta Asia Tenggara
Jumlah pamaké:	6.106 (sénsus 1981). 194.433 pamaké basa kadua (sénsus 1961)
Urutan ka:	henteu dina 100 panggedéna
Klasifikasi rungkun basa:	Indo-éropah Indo-iran Indo-arya
Status resmi
Basa resmi di:	India
Diatur ku:	teu aya
Sandi basa
ISO 639-1	sa
ISO 639-2	san
ISO 639-3	{{{iso3}}}
SIL	SKT
Tempo ogé: Basa - Daptar basa

Basa Sansakerta nyaéta salah sahiji basa Indo-éropah nu pangkolotna anu masih dipikawanoh sarta sajarahna kaasup anu pangpanjangna. Basa anu bisa nandingan 'umur' basa ieu ti rungkun basa Indo-éropah ngan basa Hitit. Kecap Sansakerta, dina basa Sansakerta Saṃskṛtabhāsa hartina nyaéta basa anu sampurna. Maksudna, kabalikan tina basa Prakerta, atawa basa rahayat.

Basa Sansakerta mangrupakeun hiji basa klasik India, hiji basa liturgis dina ageman Hindu, Buda, jeung Jainisme sarta salah sahiji ti 23 basa resmi India. Basa ieu ogé ngabogaan status anu sarua di Népal.

Posisina dina kabudayaan Asia Kidul jeung Asia Tenggara saperti posisi basa Latén jeung Yunani di Éropah. Basa Sansakerta mekar jadi réa basa-basa modéren di anakbenua India. Basa ieu mecenghul dina wangun pra-klasik minangka basa Wéda. Anu kaeusi dina kitab Rgweda mangrupakeun fase anu pangkolotna sarta paling buhun. Basa ieu ditulis munggaran dina waktu kurang leuwih 1700 SM sarta basa Sansakerta Wéda nyaéta basa Indo-arya anu pangkolotna dipanggihan sarta salah sahiji anggota rungkun basa Indo-éropah anu pangkolotna.

[édit] Basa Sanskerta dina sawatara aksara

Gambar:Siwa meraksa.png

Kalimah "Muga Batara Siwa ngaraksa para pamaké basa Déwata. (Kalidasa)" dina basa Sansakerta ngagunakeun sawatara aksara.

[édit] Bacaan leuwih tuluy

(en) Jan Gonda, 1952, Sanskrit in Indonésia, New Delhi: International Academy of Indian Culture.
(de) Jan Gonda, 1963, Kurze Elementar-grammatik der Sanskrit-sprache, Leiden: E.J. Brill
(en) Jan Gonda, 1966, A Concise Elementary Grammar of the Sanskrit Language, Tuscaloosa and London. Translated from the German by Gordon B. Ford, jr.
(id) Haryati Soebadio, 1983, Tatabahasa Sanskerta Ringkas. Jakarta: Djambatan.