Sinar gamma

Ti Wikipédia Sunda, énsiklopédi bébas
Sinar gamma

Sinar gamma (remen ogé dilambangkeun ku aksara Yunani gamma, γ) nyaéta salah sahiji bagian tina radiasi éléktromagnétik anu dihasilkeun tina radioaktivitas atawa prosés nuklir atawa kagiatan subatomik séjénna kawas panghancuran éléktron-positron.

Sinar gamma nyusun spéktrum éléktromagnétik nu mibanda énergi gedé. Ieu spéktrum remen didéfinisikan ti mimiti nu énergina 10 kev/ 2,42 EHZ/ 124 pm, sanajan radiasi éléktromagnétik ti kira-kira 10 kev nepi ka sawatara ratus kev ogé bisa ngarujuk ka sinar X. Penting pikeun diinget yén euweuh béda fisik antara sinar gamma jeung sinar X – Dua ngaran ieu nyaéta ngaran-ngaran pikeun radiasi éléktromagnétik anu sarua, analogina sarua jeung sinar panonpoé katut sinar bulan nyaéta dua ngaran pikeun cahaya katénto. Tapi, gamma dibédakeun ti sinar X dumasar kana sumberna. Sinar gamma nyaéta istilah pikeun radiasi éléktromagnétik énergi-gedé anu dihasilkeun ku transisi énérgi alatan akselerasi éléktron. Alatan sawatara transisi éléktron ngamungkinkeun pikeun miboga énergi nu leuwih luhur ti sawatara transisi nuklir, mangka aya tumpang tindih antara naon anu ku urang sebut sinar gamma énergi leutik jeung sinar X énergi gedé.

Pikeun nangtayungan diri urang tina sinar γ merlukeun réa massa. Dina milih bahan anu dipaké pikeun nangtayungan kasebut, urang kudu ngitung yén sinar gamma diserep leuwih réa ku bahan nu nomer atomna luhur tur nu kapadetanana luhur. Ogé, beuki luhur énergi sinar gamma, beuki kandel material anu diperlukeun. Kandelna bahan anu diperlukeun pikeun nahan sinar gamma biasana ditangtukeun ku kamampuh éta bahan bisa ngurangan satengah inténsitas sinar gamma.

Tempo ogé[édit | édit sumber]

Spéktrum éléktromagnétik

Gelombang radio | Gelombang mikro | Infrabeureum | Spéktrum cahaya katémbong | Ultraviolét | Sinar X | Sinar gamma