Spéktrum cahaya katémbong

Ti Wikipédia, énsiklopédia bébas basa Sunda
Luncat ka: pituduh, sungsi
spéktrum cahaya bodas kadispersi ngaliwatan Edmundscientific Spectroscope.

Spéktrum cahaya katémbong (cahya atawa spéktrum katémbong) nyaéta bagian tina spéktrum éléktromagnétik anu katénjo ku panon manusa. Radiasi éléktromagnétik dina wengkuan panjang gelombang ieu disebut minangka cahaya katémbong atawa cahaya waé. Euweuh watesan anu pas pikeun spéktrum cahaya katémbong; panon normal manusa bakalan nampa panjang gelombang ti 400 nepi ka 700 nm, sanajan sawatara jalma bisa nampa panjang gelombang ti 380 nepi ka 780 nm. Panon anu geus ngaluyukeun jeung cahaya biasana ngabogaan kapeka (sénsitivitas) maksimum kira-kira 555 nm, di wewengkon konéng dina spéktrum cahaya katémbong.

Panjang gelombang anu katémbong ku panon ogé ngaliwatan "jandela optik", nyaéta wewengkon spéktrum éléktromagnétik anu sabagian gedé teu diatenuasi waktu ngaliwat atmosfir Bumi (sanajan cahaya biru leuwih sumebar batan cahaya beuruem, anu mangrupakeun alesan ku naon langit katémbong paul. Radiasi éléktromagnétik di luar hontalan panjang gelombang katémbong, atawa jandela transmisi séjénna, ampir sakabéhna diserep ku atmosfir.

Warna-warna dina jero spéktrum[édit | sunting sumber]

Sanajan spéktrum cahaya mangrupakeun spéktrum anu kontinu sahingga euweuh wates anu écés antara hiji warna jeung nu séjénna, tabel di handap ieu méré wates kira-kira pikeun warna-warna spéktrum:Thomas J. Bruno, Paris D. N. Svoronos. CRC Handbook of Fundaméntal Spectroscopic Correlation Charts. CRC Press, 2005.

Warna Panjang gelombang
wungu 380–450 nm
paul 450–495 nm
héjo 495–570 nm
konéng 570–590 nm
jingga 590–620 nm
beureum 620–750 nm













Tempo ogé[édit | sunting sumber]

Spéktrum éléktromagnétik

Gelombang radio | Gelombang mikro | Infrabeureum | Spéktrum cahaya katémbong | Ultraviolét | Sinar X | Sinar gamma