Zoroaster

Ti Wikipédia, énsiklopédia bébas
Luncat ka: pituduh, sungsi
Zarathustra nurutkeun lukisan Sakola Athena.

Zarathustra (basa Parsi: زرتشت (Zartosht),basa Kurdi: Zerdeşt, basa Gujarati: જરતોશ્ત, basa Yunani: Ζωροάστρης, (Zoroastres), jeung basa Latin: Zoroaster) nya éta ngaran hiji nabi ti Persia (kiwari Iran). Anjeunna nya éta nu ngarintis Zoroastrianisme nu diagem ku bangsa Persia.[1] Anjeunna ogé mangrupa imam pangajar.[1] Zarathustra disawang hirup di taun 1100-550 SM. Aya ogé nu nyebutkeun anjeunna hirup ti taun 1200-1600.[1]

Harti ngaran[édit | sunting sumber]

Faravahar (atawa Farohar)

Ngaran Zarathustra atawa diéja minangka Zaraθ-uštra dina basa Avesta, bisa ogé mangrupa hiji kecap majemuk bahuvrihi jeung kawengku ti kecap zarəta- "lemah, kolot" jeung uštra "onta". Jadi bisa disebutkeun yén Zarathustra téh: "Anjeunna nu ngabogaan onta kolot. Ngan, di kecap mimiti sakapeung sok dihartikeun minangka "konéng" atawa "emas" (saluyu jeung basa Parsi modern zærd) nepi ka hartina jadi "Anjeunna nu ngabogaan onta nu warnana kaemasan". Ahura Mazda sorangan sacara etimologi nu hartina: Ahura (Tuhan) jeung Mazda (kawijaksanaan).[2]

Ajaran-ajaran[édit | sunting sumber]

Dasar ageman ti Zarathustra nya éta monotheisme, nya éta muja ka hiji Tuhan, Ahura Mazda.[2] Angra Mainyu, nu mangrupa Pangawasa “Kegelapan” jeung lawan ti Ahura Mazda, nya éta nu sok hianat ka Tuhanna.[3] Ajaran Zarthustra ogé ngabenerkeun mahluk suci nu sifatna welas asih nu ngabantuan pajoanganna.[2] Ngan sanggeus Zarathustra maot, kapercayaan ka mahluk suci éta dirobah jadi konsepsi kadéwataan nu dihubungkeun jeung penciptaan alam, nu kawengku ti genep tingkat penciptaan wanda-wanda alam, nya éta:[2]

  • Asha Vahista minangka déwa tata tartib jeung kabeneran nu éndah jeung sering digambarkeun minangka déwa nu ngawasaan seuneu;
  • Vohu Manah minangka déwa nu haténa bersih (God mind) jeung sok digambarkeun minangka sapi jalu;
  • Keshatra Vairya minangka déwa “pencinta” jeung pangawasa sagala logam;
  • Spenta Armaity minangka déwa ibadah nu pinuh welas jeung pangawasa bumi jeung taneuh;
  • Haurvatat nya éta minangka buleudan jeung kakawasaan sarta pangawasa cai jeung tutuwuhan;
  • Amertat, sarua jeung Haurvatat, minangka déwa buleudan jeung kakawasaan sarta pangawasa cai jeung tutuwuhan.[2]

Sagala bentuk agemanna dijieun dina hiji kitab nu disebut Gathas jeung Avesta.[2]

Catetan[édit | sunting sumber]

  1. a b c (id)Keene, Michael. 2010. Agama-agama Dunia. Yogyakarta: Kanisius
  2. a b c d e f (id)H.M Arifin. 1986. Menguak Misteri Ajaran Agama-agama Besar. Golden Trayon. Hlm. 18, 20-24.
  3. (id)M.Dhavamony. 1995. Fenomenologi Agama. Jogjakarta: Kanisius. Hlm. 124.
Nulis.jpg