Abah Andadinata
Abah Andadinata nyaéta salah sahiji inohong nu miboga kalungguhan penting dina kamekaran silat.[1] Lahir di désa Rancabayawak Majalaya dina taun 1893.[2] Mindeng lalampahan ka unggal tempat di sakuliah Jawa Barat utamana mah di daérah Parahiangan.[1]
Miboga élmu hikmah ti para ulama, utamana mah mama ajéngan Syéh Haji Abdul Kahpi ti daérah Pataruman Tarogong Garut.[1] Élmu hikmah nu dipibogana nyaéta élmu Haqmaliyah.[2]
Élmu penca silat nu munggaran dikawasa ku Abah Anandita nyaéta silat jurus peksi muih minangka titinggal ti kulawargana.[2] Nepi ka kiwari ieu jurus masih dipaké ku anggota Gerak Badan Pencak Margaluyu Pusat.[1] Ieu gerakan disederhanakeun kalawan ngagunakeun kompilasi inti tata gerakna nu digabungkeun jeung élmu hikmah lafad Allah Muhammad Adam Rasul, Berkah Allah Sahabat Rasul.[1] ti dinya ngabalukarkeun ayana jurus anyar nyaéta Payung Rasul.[1]
Kamekaran penca silat tuluy mekar sanajan pangajaranana ngan saukur sumebar di kulawarga ningrat jeung kalangan ulama.[2] Kalawan saran mama Ajengan Asep Samsudin, Andadinata nuluykeun diajar élmu penca silat ka daérah Parahiangan kulon perenahna di Kadipatén Cianjur.[1] Abah Andadinata datang ka padépokan silat juragan Rd. Haji Ibrahim nu kasohor salaku nu nyiptakeun Maenpo Cikalong.[2] Inohong Maénpo Cikaling nu umurna leuwih ngora daripada Rd.Haji Ibrahim nyaéta juragan Rd.Haji Abdullah nu ngawasa élmu penca silat Sabandar nu asalna ti Minangkabau Sumatera Barat.[2] Ti juaragan Rd.Haji Abdullah, abah Adandinata meunangkeun élmu penca silat Sabandar.[1]
tapi dina sajarah maénpo Cikalong can pernah aya hiji ogé inohong di Cianjur anu nyarita yén Abah Andadinata pernah diajar ka Rd. Haji Ibrahim, dina taun 1906 Radén Haji Ibrahim pupus, sedengkeun mun ditilik tina umur, asa moal mungkin aya budak saumuran 13 taun (komo deui kurang) diajar ka anjeunna tapi teu kasebut jeung teu kacatet dina sajarah Cikalong. kitu ogé aya carita nu nyebutkeun Abah Andadinata diajarna dina umur 7 taun ka Radén Haji Ibrahim asa pamohalan, da dina taun 1900 yuswa Radén Haji Ibrahim 84 taun, asa piraku narima murid budak. Da maénpo Cikalong mah numutkeun gan Memed putra ti Gan Obing Ibrahim, ti jaman ramana diajar éta téh sakitu nyumputna jeung teu bisa ditémbong-témbong ka batur, jadi katerangan ieu kacida lemahna
Abah Andadita ngantunkeun di désa Cikuya kacamatan Cicaléngka tanggal 29 Januari 1969 dina umurna nu ka 76 taun tur dimakamkeun di désa Cikuya Cicaléngka tanggal 30 Januari 1969.[1]
Referensi
[édit | édit sumber]
|
Artikel ngeunaan biografi inohong ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |