Abrasi
Abrasi nyaéta kakurudna batuan nu disababkeun ku cai, és, atawa angin anu ngandung keusik.[1][2] Abrasi ogé biasa disebut érosi gelombang laut; érosi marin; érosi basisir; anu mangrupa prosés kakurudna basisir ku gelombang laut.[3][4] Ayana abrasi biasana lantaran permukaan cilaut anu naék, nepi ka ngabalukarkeun kakurudna di daérah permukaan nu leuwih handap.[3] Salian ti éta, ieu abrasi disababkeun ku ruksakna garis basisir lantaran ruksakna kasaimbangan alam éta basisir.[4]
Abrasi ogé dipangaruhan ku sababaraha faktor, salah sahijina nyaéta lantaran gedé atawa leutikna gelombang laut sarta gancang halonna éta gelombang.[3] Sedengkeun kakuatan abrasi sorangan disababkeun ku sababaraha hal di antarana:[3]
- gedé leutikna gelombang laut,
- tingkat teuasna batuan (mingkin teuas batu mingkin kuat kana abrasi)
- jerona laut nu aya dina beungeut basisir (mingkin jero kakuatan abrasi mingkin gedé)
- lobana matéri nu dibawa ku gelombang (lobana materi nu lolobana mangrupa keusik jeung karikil bakal nambahan kakuatan abrasi jadi mingkin gedé ogé).[3]
Béntang alam hasil abrasi di antarana:[3]
Abrasi kaasup kana bencana alam.[4] Ieu bencana aya lantaran faktor alam, tapi kudu dipikanyaho yén manusa ogé bisa nyababkeun bencana abrasi.[4] Sagédéngeun éta, manusa kudu bisa ngalakukeun sababaraha léngkah keur ngaminimalisasi akibat tina abrasi, ku cara ngawangun pangbagi gelombang jeung melak bako.[4]
Referensi
[édit | édit sumber]- ↑ Setiawan, Ebta. "Arti kata abrasi - Kamus Besar Bahasa Indonésia (KBBI) Online". kbbi.web.id. Diakses tanggal 2017-11-22.
- ↑ Ensiklopedia Geografi. Ciawi-Bogor: PT Yudhistira Ghalia Indonesia. 2004. p. 1. ISBN 979-746-308-7.
- ↑ a b c d e f g "Abrasi dan Erosi Pengertian, Perbedaan, Jenis dan Macamnya". Ilmu Geografi. Diakses tanggal 22 November 2017. Archived 21 Oktober 2017 di Wayback Machine
- ↑ a b c d e "Mencegah Abrasi". Pusat Krisis Kesehatan. Kementerian Kesehatan Republik Indonesia. Diakses tanggal 22 November 2017.