Ahdi A.W.

Ti Wikipédia Sunda, énsiklopédi bébas
(dialihkeun ti Achdi Atmawiria)
Achdi Atmawiria
Gumelar6 Méi 1921
Walanda Bandung, Jawa Kulon, Hindia-Walanda
Tilar dunya15 April 1973 (yuswa 51)
Indonésia Bandung, Jawa Kulon, Indonesia
Ngaran landianAhdi A. W., Andjasmara
PagawéanSastrawan

Achdi Atmawiria (gumelar di Bandung, 6 Méi 1921 – maot di Bandung, 15 April 1973 dina umur 51 taun), atanapi Ahdi A.W., mangrupa salah sahiji sastrawan Sunda sareng jurnalis media. Ahdi A.W. katelah ku ngaran sandina, nyaéta Andjasmara.[1]

Biografi[édit | édit sumber]

Ahdi A.W. dilahirkeun di Bandung, 6 Mei 1921. Anjeunna sempet ngalanjutkeun studi ka Sakola Téhnik (Ambachtschool). Minatna kanggo nyerat, utamina sastra guguritan dikembangkeun saatos anjeunna dibimbing ku R. Imbi Jayakusuma, sareng Moh. A. A. Affandie, salah sahiji pangasuh Sinar Pasundan.[1]

Di jaman pendudukan Jepang, Ahdi janten anggota Pembela Tanah Air (PETA). Ahdi ogé lebet ka Laskar Rakyat anu memperjuangkeun Kota Bandung nepi ka peristiwa Bandung Lautan Api. Saatos jaman Kemerdekaan, anjeunna janten redaktur surat kabar Padjajaran (1948). Di taun 1950, Ahdi janten bagian ti redaksi Sipatahoenan. Di taun 1964, Ahdi janten wakil pamingpin direksi di surat kabar basa Indonésia Harian Karya. Di samping éta, di taun 1971, Ahdi mingpin redaktur surat kabar Berdikari (anu ayeuna janten Bandung Pos). Di tahun anu sami, Ahdi mingpin ogé surat kabar Giwangkara.[1]

Karya sastra[édit | édit sumber]

Salian pangalaman janten redaktur di sababaraha surat kabar, Ahdi miboga pangalaman di widang sastra Sunda. Sababaraha seratanna atos dipedalkeun di majalah sareng surat kabar. Salah sahiji hasil karya sastra sempet dipedalkeun dina bentuk buku, di antarana:[1]

  1. Nonoman Berjuang (Pemuda Berjuang, 1946)
  2. Puspa Reuma (Gadis Ladang, 1965)
  3. Mustika Cicaléngka (1965)
  4. Kajiret ku Kelét (Terjerat oleh Lirikan, 1968)

Rujukan[édit | édit sumber]

  1. a b c d Rosidi, Ajip, 1938-; Pustaka Jaya (Firm) (2000). Ensiklopedi Sunda : alam, manusia, dan budaya, termasuk budaya Cirebon dan Betawi (Cet. 1 ed.). [Jakarta]: Pustaka Jaya. ISBN 9794192597. OCLC 45463431.