Amien Rais
Amien Rais (gumelar di Solo, 26 April 1944; umur 80 taun[1]) nyaéta salah saurang inohong pulitik Indonésia anu kawentar ku wawanénna dina kajadian nangtukeun jabatan présidén dina Sidang Umum MPR taun 1999 jeung Sidang Istiméwa taun 2001 nikakeun meunang jujuluk King Maker.[2] Amien Rais ogé nu ngadegkeun Partéy Amanat Nasional tur jadi pupuhu umumna nepika taun 2004.[1] Anjeunna ogé pernah ngajabat jadi pupuhu umum pingpinan puseur Muhammadiyah ti taun 1995 nepika taun 1998.[1]
Lalakon Hirup
[édit | édit sumber]Amien Rais nyaéta putra kadua ti Suhud Rais jeung Sudalmiyah.[1] Lanceukna nyaéta Fatimah, jeung opat adina nyaéta Abdul Rozak, Achmad Dahlan, Siti Aisyah, dan Siti Asyiah.[1] Amien Rais nikah dina tanggal 9 Pébruari 1969, jeung Kusnasriyati Sri Rahayu.[1] Nalika keur ngayakeun panalungtikan di Mesir istrina kakadungan.[1] Ayeuna anjeunna geus dipaparin lima anak, tilu lalaki jeung nu dua deuina awéwé.[1] Anak-anakna nyaéta Ahmad Hanafi, Hanum Salsabiela, Ahmad Mumtaz, Tasnim Fauzia, anu bungsu Ahmad Baihaqy.[1]
Aktivitas Munggaran
[édit | édit sumber]Ti ngorana Amien Rais geus icikibung dina mangrupa-rupa kagiatan.[1] Resepna kana organisasi dimimitian ku ngagabungna dina kagiatan pandu Hizbul Wathon.[1] Anjeunna dipercaya ku sobatna pikeun mingpin hiji regu anu kawangun ku tujuh urang anu dingaranan regu Rajawali.[1] Regu anu dipingpinna téh teu wéléh jadi jawara waé dina sawatara pasanggiri, saperti pasanggri tali-tumali, morse, nyieun sasak, nikakeun kana pasanggiri papasakan ogé.[1]
ti dinya Amien mimiti nyadar kakuatan babarengan jeung makna kapamingpinan.[1] Nalika jadi mahasiswa, anjeunna kaasup salah saurang nu naratas Ikatan Mahasiswa Muhammadiyah (IMM).[1] Anjeunna ogé pernah aktif di Himpunan Mahasiswa Islam (HMI), jeung pernah dipercaya pikeun ngajabat sekretaris Lembaga Dakwah Mahasiswa Islam (LDMI) HMI.[1] Lian ti reresepanana kana organisasi, Amien Rais ogé geus mimiti aktif nulis artikel.[1]
Riwayat Atikan
[édit | édit sumber]Atikan anu ku Amien Rais, mimiti ti TK nika SMA, sakabéhna éstuning di sakola Muhammadiyah, Solo.[1] Sakola Dasar diréngsékeun taun 1956, terus SMP dina taun 1959 jeung SMA dina taun 1962. Lian sakola umum, anjeunna ogé ngilu pangajaran agama di Pasantren Mamba'ul Ulum. Anjeunna ogé pernah nyantri di Pasantren Al Islam.[1]
Sabérésna sakola SMA, Amien neruskeun sakolana ka Universitas Gajah Mada (UGM).[1] Lian kuliah di UGM Amien ogé daftar minangka mahasiswa Fakultas Tarbiyah Institut Agama Islam Negeri (IAIN Sunan Kalijaga). Kuliah paralél ieu dilakonan nika bijilna larangan kuliah ganda ku pamaréntah.[1] Taun 1968 Amien ngaréngsékeun kuliahna di UGM ku pancén ahir nu judulna “Mengapa Politik Luar Negeri Israel Berorientasi Pro Barat”.[1] Terus anjeunna neruskeun atikan pascasarjana di University of Notre Dame, Indiana, Amérika Sarikat anu dibéréskeun taun 1974 ku gelar MA.[1] Tesisna nyaéta ngeunaan pulitik Anwar Sadat nu harita kacida ruketna jeung Moskow.[1]
Di Amérika Sarikat ogé anjeunna milu program doktor di University of Chicago, Amérika Sarikat nyokot widang ajaran Wétan Tengah.[1] Anjeunna ngahasil meunangkeun gelar doktor dina taun 1981, ku disertasi nu judulna “The Moslem Brotherhood in Egypt: Its Rise, Demise and Resurgence” (Ikhwanul Muslimin di Mesir: Gumelaran, Karuntuhan, jeung Kabangkitanna Deui).[1] Panalungtikan pikeun nyusun disertasina dilakonan di Mesir dina waktu kurang leuwih sataun.[1] Salila di Mesir, waktuna dimangpaatkeun ogé pikeun jadi mahasiswa luar biasa di Departemen Basa Universitas Al Azhar, Kairo.[1]
Karier
[édit | édit sumber]- Pangadeg Partéy Amanat Nasional (PAN) (1998)[2]
- Pupuhu umum Partai Amanat Nasìonal (PAN) (1999-2004)[2]
- Pupuhu MPP PAN (2004)[2]
- Diréktur Puseur Kajian Pulitik (1988)[2]
- Panalungtik Senior di BPPT (1991)[2]
- Motor nu ngagerakeun réformasi (1998)[2]
- Déklarator Ciganjur (1998)[2]
- Dosén Fisipol UGM (1969)[2]
- Diréktur Puseur Kajian Pulitik (1988)[2]
Rujukan
[édit | édit sumber]- ↑ a b c d e f g h i j k l m n o p q r s t u v w x y z aa ab http://www.tokohindonesia.com. 2013. King Maker Pentas Politik Nasional. Merdeka: Tokoh Indonesia Archived 2016-03-04 di Wayback Machine.
- ↑ a b c d e f g h i j news.detik.com. 2014. Prof. Dr. Amien Rais. Merdeka: News Detik Archived 2013-10-09 di Wayback Machine.