Beunyeur

Ti Wikipédia Sunda, énsiklopédi bébas
Beunyeur jeung béas

Beunyeur nyaéta béas bubuk atawa potongan béas anu laleutik; béas bubuk sésa nipung anu tacan jadi tipung.[1][2] Dina kandungan gizi, beunyeur jeung tipung béas méh henteu aya bédana.[2][3]

Beunyeur anu taya lian bubuk béas anu laleutik dihasilkeun mangsa nutu atawa ngagiling ségon atawa paré sangkan jadi béas. [4] Loba jeung saeutikna beunyeur anu dihasilkeun dipangaruhan ku garing jeung henteuna paré, upama paré kurang garing ieu baris ngabalukarkeun béas loba parotong mangsa digiling atawa ditutu. [5] Bisa ogé dijieun bubur anu disebut malokok (Bawéan), malahan pikeun nyukupan kabutuhan beunyeur nepika kudu didatangkeun ti pulo Jawa jeung Sulawesi.[6] Urang Batak Toba, nyebut kana beunyeur téh monis.[7] Mangsa paré beunang nutuan ditapi, beunyeur sok ngarumpul ka hareupeun wengku nyiru sawaréh mah malahan ngaracleng murag.[7] Beunyeur dimangpaatkeun pikeun rupa-rupa olahan, saperti bongko menir.[8]

Dicutat tina[édit | édit sumber]

  1. Dibrata, R.A. Dana (2009). Kamus Basa Sunda. Bandung: PT Kiblat Buku Utama. p. 90. ISBN 9793631937. 
  2. a b Jonathan, Rigg (1862). A Dictionary of the Sunda Language of Java. Universitas Harvard: Bataviaasch Genootschap van Kunsten en Wetenschappen. 
  3. Indraswari, C. Hanny (1862). Teknologi Pengolahan Pangan: Kerupuk Puli MasaKini. Yogyakarta: Kanisius. ISBN 9792105832. 
  4. shadily, Hasan (1973). Ensiklopedi Umum. Jakarta: Yayasan Dana buku franklin Jakarta. ISBN 9789794135228. 
  5. "Ratusan Ton Menir Teronggok di Gudang Beras". Pikiran Rakyat. 2010-05-02. Diakses tanggal 2017-10-14.  Archived 2017-10-17 di Wayback Machine
  6. Usman, Zulfa (1996). Cerita rakyat dari Bawean, Jawa Timur. Jakarta: Grasindo. ISBN 9789795538516. 
  7. a b Simanjuntak Ompu Manuturi, Sopar (2015). Folklor Batak Toba. Jakarta: Yayasan Pustaka Obor Indonesia. ISBN 9789794619575.  Ditempo 13 Oktober 2017
  8. Pustaka Utama, Gramedia (2008). 1010 resep asli masakan Indonesia: petunjuk praktis dalam pemenuhan gizi anak dan keluarga. Universitas Harvard: Gramedia Pustaka Utama. p. 28. ISBN 9789792237528.