Caringin

Ti Wikipédia, énsiklopédia bébas
Luncat ka: pituduh, sungsi
Caringin
Klasifikasi ilmiah
Karajaan: Plantae
Divisi: Magnoliophyta
Kelas: Magnoliopsida
Order: Urticales
Kulawarga: Moraceae
Génus: Ficus
Spésiés: F. benjamina
Ngaran binomial
Ficus benjamina
L.

Caringin nyaéta ngaran tangkal anu rupana gedé, diameter watangna bisa nepi ka 2m leuwih, jangkungna bisa nepi ka 25 m.[1] Watangna buleud, kasar, warnana coklat semu hideung, dina watang ogé kaluar akar gantung.[2] Daunna tunggal, wangunna lonjong, warnana héjo, panjangna ti 3 nepi ka 6 cm, sisina rata, cicingna nyilang tur pahareup-hareup.[2] Kembangna kaasup kana bunga tunggal, bijilna tina kélék daun, kelopak bentukna siga corong, warnana konéng semu héjo.[2] Dibudidayakeun ngaliwatan siki.[2] Caringin biasana loba kapanggih di sisi jalan, pasisian kota, atawa di sisi jurang.[2]

Kandungan[édit | édit sumber]

Daun, akar jeung kulit watang caringin ngandung saponin, falvonoida jeung polifénol [3], dina akar udara ngandung asam amino, fénol, gula, jeung asam orange.[2] Dumasar kana data émpiris, caringin bisa ngubaran atawa nyingkahan kasakit kanker, sabab ngandung saponin, flavanoid, jeung alkaloid anu mampuh ngahalang-halang laju tumuwuhna sél kanker tapi(agén kemopreventif).[3]

Mangpaat[édit | édit sumber]

Akar udara dina caringin miboga mangpaat pikeun ngungkulan kasakit pilek, demam, radang amandel, nyeri reumatik sendi, jeung ngubaran anu geuneuk.[2] Sedengkeun daunna, mangpaat pikeun ngungkulan kasakit pilek, bronhitis, pertusis, malaria, radang usus akut, disentri jeung kejang-kejang.[2]

Referensi[édit | édit sumber]

  1. Pohon Beringin (id) (Diakses ping 15 Oktober 2011)
  2. a b c d e f g h Pohon Beringin (id) (Diakses ping 15 Oktober 2011)
  3. a b Pohon Beringin (id) (Diakses ping 15 Oktober 2011)


Nulis.jpg