Daniel Sahuleka

Ti Wikipédia, énsiklopédia bébas
Loncat ke navigasi Loncat ke pencarian
Daniel Sahuleka

Daniel Sahuleka nyaéta penyanyi aliran jazz kewarnegaraan Walanda anu lahir di Semarang, 6 Désémber 1950[1]. Daniel Sahuleka nyaéta penyanyi katurunan Ambon, Maluku, Sunda, jeung Cina[1].

Nalika keur rumaja, Daniel resep maén gitar, manéhna meunang inspirasi ti musisi Jimi Hendrix, Motown, jeung musisi jazz saperti Django Reinhardt[2]. Taun 1977, Daniel mulai naratas karir musikna ku cara nyieun album rekaman kalayan single You Make My Life So Wonderful anu ngirut pasar musik di Eropa jeung Indonesia[2]. Daniel Sahuleka kasohor di Indonésia ku lagu anu judulna Don't Sleep Away the Night jeung You Make My World So Colorful anu dirilis dina taun 1980-an[1]. Taun 1995, Daniel balik deui ka Indonésia, Manéhna meunang gelar Doktor Honoris Causa ti Fakultas Kedokteran di salah sahiji Universitas di Yogyakarta[2]. Daniel ogé kungsi sababaraha kali manggung di java jazz Indonésia[2].

Diskografi[édit | édit sumber]

Album pertamana nyaéta Sahuleka anu dirilis taun 1976, diterskeun ku album Sahuleka 2 taun 1978[3]. Album Sunbeam dirilis taun 1981, album The Loner dirilis taun 1990, di taun nu sarua, Daniel ngarilis album Everyday should be a christmasday[3]. Album I Adore You dirilis taun 1993, diteruskeun ku album Rahasia Sahuleka anu dirilistaun 1995, ieu album nyaéta album pertama Sahuleka dina basa Indonesia[3]. Sahuleka terus nyieun karya-karya anyar di antarana: Sahuleka's World - collection 1 dirilis taun 1996, After the Jetlag taun 1998, Colourful taun 2004, Christmas Love taun 2007, jeung anu pamungkas nyaéta reMAKE mySTYLE anu dirilis taun 2009[3].

Référénsi[édit | édit sumber]

  1. a b c Daniel Sahuleka-Kapanlagi.com (diaksés tanggal 12 Nopémber 2011)
  2. a b c d (en)Biografi Daniel Sahuleka - Situs resmi (diaksés tanggal 12 Nopémber 2011)
  3. a b c d (en)Diskografi Daniel Sahuleka (diaksés tanggal 13 Nopémber 2011)


Nulis.jpg