Dian Sastrowardoyo

Ti Wikipédia Sunda, énsiklopédi bébas
Dian Sastrowardoyo
Diandra Paramitha Sastro Wardoyo
Diandra Paramitha Sastro Wardoyo
Gumelar16 Maret 1982 (1982-03-16) (yuswa 42)
Jakarta, Indonesia
PagawéanArtis, Model, Presenter
KabangsaanIndonesia

Diandra Paramitha Sastro Wardoyo, atawa leuwih dipikawanoh Dian Sastro lahir di Jakarta, 16 Maret 1982.[1] Alumnus Fakultas Filsafat Universitas Indonésia angkatan 2001 ieu lulus skripsi taun 2007. Nyokot judul 'Béauty Industrial Complex', Dian lulus dina peunteunna 8,57 (A), sarta IPK pamungkas 3,2.[1]

Karir[édit | édit sumber]

Dian nyaéta awéwé anu kasebut tomboi, karesepna waé maen baskét, pencak silat, sarta kémping.[2] Nepi ka babaturan lalaki Dian di sakola nangtangna pikeun nuturkeun pasanggiri Gadis Sampul.[2] Hasilna bener-bener teu kasangka.[2] Dian teu ngan junun ngabuktikeun mahér dangdan.[2] Manéhna ogé nyabet gelar pinunjul Gadis Sampul 1996 éta.[2] Saprak harita, paras geulisna mindeng mecenghul di majalah.[2] Manéhna ogé getol jadi modél klip vidéo.[2] Tilu vidéo klip Sheila on 7, kawas Dan, Anugerah yang Terindah, sarta JAP, mintonkeun mahasiswa Jurusan Filsafat Universitas Indonésia éta jadi modélna.[2] Ngaran Dian Sastrowardoyo dipikawanoh minangka aktris parigel ieu ngamimitian popularitasna liwat peranna dina film Ada Apa dengan Cinta (2002).[2] Peranna minangka cinta dina film arahan Rudi Sudjarwo kasebut ogé nganteurkeun dirina minangka pinunjul Festival Film Indonésia (FFI) pikeun katégori aktris pangalusna.[2] Sajaba minangka béntang Lux, Dian ogé jadi host Kuis Super Milyader 3 Milyar dina 2007.[2] Salah sahiji nu mawa obor dina ajang Olimpiade 2008 ieu mecakan pakasaban anyar.[2] Cacak teu laér-laér ti dunya film, tapi ayeuna manéhna kudu midang dobel.[2] Sajaba maen film, manéhna ogé jadi produser dina film DRUPADI.[2] Di panungtung taun 2008, Dian balik 'sanding' babarengan Nicholas Saputra.[2] Maranéhanana dipasangkeun deui di film 3 DOA 3 CINTA karya sutradara Nurman Hakim. Komo dina International féstival of Asian Cinema Vesoul film ieu junun ngahontal pangajén Grand Prize of the International Jury. Cacak arang témbong di télévisi atawa layar kaca, tapi teu hartina Dian kaleungitan pamorna. Kabuktian dina ahir Oktober 2009, manéhna kapilih jadi brand ambassador Samsung Corby babarengan Nicholas Saputra. Di antara saabrek kagiatanana, Dian tétéla masih paduli jeung kaayaan sosial di sakurilingna. Mimiti tina kaprihatinan nempo barudak Indonésia anu kurang meunang perhatianna, manéhna ogé ngadegkeun yayasan Dian Sastrowardoyo. Sanggeus nikah, prestasi Dian di widang entertaiment kabuktian henteu kaeureunkeun kalayan dipilihna dirina minangka brand ambassador L'Oréal Paris pikeun Indonésia. Dian kapilih alatan kageulisan has Indonésia anu kaluar dina beungeutna.[1]

Kahirupan Pribadi[édit | édit sumber]

Dian kungsi boga hubungan jeung Abi Yapto, anak pangusaha kahot, Yapto S Soerjosoemarno, sarta papisah kira-kira Agustus 2006.[1] Sabot masih hubungan jeung Abi, Dian ogé deukeut jeung penyiar radio Prambors, Warman Nasution.[1] Dian ogé kungsi dikabarkeun deukeut jeung Moreno Suprapto, cacak nepi ka ayeuna incu inohong pergerakan nasional Prof Mr Sunario Sastrowardoyo, ieu ngaku masih single.[1] Sanggeus bérésan jeung Abi Yapto, hubungan asmara Dian henteu loba disebut-sebut ku média.[1] Mimiti Nopémber 2009 aya béja lamun manéhna geus tunangan jeung kabogohna, Indraguna Sutowo.[1] Dina 13 April 2010 Dian ahirna nikah jeung Indraguna Sutowo.[1] Ondangan saloba 4000 siki ogé geus disiapkeun, jeung rencana akad nikah anu dilangsungkan di Hotél Darmawangsa sarta resepsi di JJC.[1] Artis Dian Sastro ngalahirkeun budak kahijina dina poé minggu 17 Agustus 2011 jam 15.14 WIB.[3] Pamajikan pangusaha Indraguna Sutowo éta ogé méré ngaran anakna Syailendra Sutowo.[3] Béntang film ieu ngalahirkeun Syailendra Sutowo nu beuratna 3,03 kg sarta jangkung 48 cm di Rumah Sakit Bersalin YPK, Ménténg, Jakarta.[3]

Filmografi[édit | édit sumber]

  • BINTANG JATUH (2000)[1]
  • PASIR BERBISIK (2001)
  • ADA APA DENGAN CINTA (2002)
  • PUTRI GUNUNG LEDANG (2004)
  • BANYU BIRU (2005)
  • UNGU VIOLET (2005)
  • BELAHAN JIWA (2005)
  • DUNIA TANPA KOMA (2006)
  • BUKAN KESEMPATAN YANG TERLEWAT (2006)
  • 3 DOA 3 CINTA (2008)
  • DRUPADI (2009)
  • PENGANTIN CINTA (2010)

Pangajen[édit | édit sumber]

Rujukan[édit | édit sumber]

  1. a b c d e f g h i j k l (id) Profil Dian Sastro (Dicutat tanggal 29 Oktober 2011)
  2. a b c d e f g h i j k l m n o (id)Kepak Sayap Dian Sastro(Dicutat tanggal 29 Oktober 2011)
  3. a b c (id)[1](Dicutat tanggal 29 Oktober 2011)