Dita Karang
| Dita Karang | |||||||
|---|---|---|---|---|---|---|---|
 Dita Karang 2021 | |||||||
| Gumelar | Anak Agung Ayu Puspa Aditya Karang 25 Désémber 1996 Yogyakarta, Indonesia[1] | ||||||
| Pagawéan | Penyanyi | ||||||
| Karir musik | |||||||
| Aliran | K-pop | ||||||
| Alat musik | Vokal | ||||||
| Taun aktip | 2020 - ayeuna | ||||||
| Lébel | Vine Entertainment | ||||||
| Maén di | |||||||
| |||||||
Anak Agung Ayu Puspa Aditya Karang (gumelar 25 Désémber 1996; umur 28 taun; kabangsaan Indonésia; golongan darah A) atanapi langkung dikenal ku nami Dita Karang (Hangul: 디타카랑), nyaéta saurang penyanyi Indonésia anu ngagaduhan karir di Koréa Kidul. Anjeunna dipikawanoh salaku anggota Secret Number, nyaéta girlband nu dibentuk di handap manajemen Vine Entertainment, salah sahiji agensi artis di Korea Kidul.
Secret Number sorangan ngamumulé debutna di tanggal 19 Mei 2020 di Korea Kidul, digawangan ku Dita Karang, Soodam, Jinny, Lea jeung Denise. Kelompok nyanyi ieu berhasil ngarilis video musik "Who Dis?" nu meunangkeun 40 juta panongton di YouTube na 1theK[2].
Dita Karang ogé dipikawanoh salaku awéwé Indonésia anu munggaran ngadadarkeun salaku idola dina industri K-pop. Anjeunna nempuh kalungguhan salaku penari utama sareng vokalis dina grup. Peran penting anu teu bisa ditempatkeun ku saha wae, tapi kudu bener-bener talenta nu mumpuni boh kamampuan jeung kasiapan.
Kasang Tukang
[édit | édit sumber]Dita gumelar ti pasangan kolot pangusaha tegel kunci di Yogyakarta. Sanajan ageung di Yogyakarta, manéhna masih gadis katurunan ménak Bali. Hal éta ditunjukkeun ku gelar di hareupeun wasta na nyaéta Anak Agung Ayu, nu mangrupa kasta kadua pangluhurna di Bali. Hartina katurunan raja atawa ménak.[3]
Tutuwuh ti alit nepi ka déwasa di Yogyakarta, Dita geus katingali bakat jeung karesepna pikeun bangsa seni tari. Sapopoé, Dita sok pipilueun nari 2NE1 ditambah cita-citana hanyang jadi performer. Sanajan kitu, kolotna can yakin Dita rék konsentrasi jadi performer salaku propesi utama. Mangka, kolotna geus ngabebaskeun Dita milih karirna sorangan jeung teu mamawa privilege ti kolot, hartina boh modal jeung ongkos sakola ogé jadi tanggungan sorangan.
Demi ngawujudkeun cita-citana, Dita berhasil meunangkeun beasiswa kuliah dua taun di American Musical and Dramatic Academy and Conservatory of the Performing Arts di Amerika Sarikat jurusan Nari. Saprak lulus ti kampus AMDA, Dita mulé miluan audisi-audisi drama musikal di Broadway jeung di sekitaran Amerika, tapi usahana can ngahasilkeun kasuksésan hiji-hiji acan.[4]
Sadar bahwa manéhna resep ka dunia K-pop, Dita asup kelas nari K-pop di BORN Star Attaining Center Academy. Sanggeus lulus, dilanjut nyoba paruntungan miluan audisi trainee K-pop, nu ahirna ngahasilkeun kabanggaan lolos audisi Vine Entertaintment di Korea di taun 2017. Saencan lulus di VINE Entertainment, Dita ogé kungsi nyobaan audisi di tilu besar agensi Korea (SM Entertainment, JYP Entertainment, YG Entertainment), tapi teu aya nu lolos. [5]
Dita di Secret Number
[édit | édit sumber]Dita Karang boga peran penting salaku penari utama di grup Secret Number, sakaligus vokalis nu teu éléh alus sorana. Penari utama hartina Dita boga peran nyekel komando gerakan nari di grup.
Biasana, calon idol K-pop téh ngaliwatan masa training nu cukup lila saacan dianggap siap debut ku agensi, samentara Dita Karang suksés ngaliwatan masa percobaanna leuwih gancang kurang dari 2 taun lantaran penampilana geus nyukupan sarat jadi bintang debut.
Dita ogé tekun latihan basa Korea salila 5-6 bulan, nepi ka paseh basa Korea na pikeun ngadukung jeung ngalancarkeun karirna di Korea Kidul. Karakter bageur jeung gampang lebur kana pergaulana sareng sesama trainee di VINE Ent ogé ngabantu mulusna karir manéhna di Korea.
Dita jeung anggota grup liana teu dibéré ngelola sosial media sorangan-sorangan, tapi kabar masing-masing anggota jeung perkembangan grup dikelola ku manajemen di Instagram @secretnumber.official.[6]
Karir Dita Karang
[édit | édit sumber]Salian jadi anggota aktip grup nyanyi, Dita ogé didapuk jadi brand ambassador, nyaéta perwakilan nu jadi model merek kecantikan Korea, Nacific, pikeun pasar Indonesia.[7] Saprak debut, foto-foto Dita geus ramé beredar di dunia maya, digadang-gadang salaku "idol lokal Indonésia". Dita ogé masih boga logat Jawa kentel sanajan ngomong basa Korea paséh.
Rujukan
[édit | édit sumber]- ↑ Janati, Firda (Indonesia). Pangerang, Andi Muttya Keteng, ed. "7 Fakta Dita Karang, Orang Indonesia Pertama yang Jadi Idol Kpop". Kompas.com. Diakses tanggal 20 Mei 2020.
- ↑ "1theK (원더케이) - YouTube". www.youtube.com. Diakses tanggal 2022-03-19.
- ↑ "Fakta Dita Karang, Idol K-Pop Asal Indonesia!". Female Daily. Diakses tanggal 2022-03-19.
- ↑ Media, Kompas Cyber. "4 Cerita Dita Karang soal Perjalanan Kariernya sampai Jadi Member SECRET NUMBER Halaman all". KOMPAS.com (dalam Indonesian). Diakses tanggal 2022-03-19.
- ↑ Ramadhani, Yulaika. "Profil Dita Karang Secret Number, dari Broadway ke Industri K-Pop". tirto.id (dalam Indonesian). Diakses tanggal 2022-03-19.
- ↑ "instagram.com/secretnumber.official". www.instagram.com. Diakses tanggal 2022-03-19.
- ↑ Liputan6.com. "Dita Karang Secret Number Terpilih Menjadi Model Nacific Indonesia". liputan6.com (dalam Indonesian). Diakses tanggal 2022-03-19.
Tumbu luar
[édit | édit sumber] |
Wikimedia Commons mibanda média séjénna nu patali jeung Dita Karang . |
- (Basa Koréa) Dita Karang di Vine Entertainment
|
Artikel ngeunaan biografi inohong ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |