Docang

Ti Wikipédia Sunda, énsiklopédi bébas
Docang has Cirebon cocog keur mumuluk.

Docang dina basa Cirebon wancahan tina bodo (baceman oncom dagé) jeung kacang héjo nu dijadikeun kacambah/togé[1] Docang kaasup salah sahiji kulinér Nasional has Cirebon anu mangrupa campuran lontong, daun sampeu, togé, jeung kurupuk nu dibanjur ku angeun oncom dagé/ancom gembos anu dijieun tina hampas tahulelebu suuk (sésa meureut dijadikeun minyak) anu kawentar gempa (ditutuan), jeung parud dawegan.[2] Ieu kadaharan miboga ciri gurih jeung ni'mat lamun dihidangkeun haneut kénéh.[1] Hargana ogé kahontal ku sakabéh tingkatan sosial masarakat. [1] Ku kamekaran jaman bisa waé docang téh jadi kadaharan nu asup ka réstoran atawa hotél gumantung kana kréasi anu rék dijieun tina kadaharan tradisional anu geus aya ti générasi ka générasi.[2]

Dongéng[édit | édit sumber]

Kacaritakeun jaman baheula para Wali keur nyumebarkeun agama Islam di tatar Jawa Kulon utamana daérah Cirebon. [3] Pangéran Rengganis nu harita keur ngawasa teu panujueun ku ayana pergerakan kaislaman, malah geus ngararancang rék ngabaruang para Wali ku cara susuguh nu pibahayaeun kana nyawana. [3] Para Wali nu keur ngariung di Masjid Sang Cipta Rasa disuguhan kadaharan anu ayeuna disebut docang. [3] Lain tiwas dibaruang, para Wali kalah resepeun malah ka karajaan nitah deui sangkan disayagakeun deui kadaharan anu kawas kitu. [3]

Rujukan[édit | édit sumber]

  1. a b c "Resep Docang Khas Cirebon - PrianganTimur.COM" (dalam bahasa id-ID). PrianganTimur.COM. 2017-07-08. https://www.priangantimur.com/resep-docang-khas-cirebon/. Diakses pada 2017-11-01 
  2. a b "Resep Membuat Docang Khas Cirebon" (dalam bahasa en-US). Resep Sehari Hari. 2016-04-01. http://www.resepseharihari.com/resep-membuat-docang-khas-cirebon.html. Diakses pada 2017-11-01  Archived 2017-10-14 di Wayback Machine
  3. a b c d Kaya, Indonesia. "Docang, Makanan Para Wali yang Menyehatkan | IndonesiaKaya.com - Eksplorasi Budaya di Zamrud Khatulistiwa". IndonesiaKaya. Diakses tanggal 2017-11-01.