Étém

Ti Wikipédia Sunda, énsiklopédi bébas
(dialihkeun ti Etem)


Étém

Étém nyaéta pakakas sabangsa péso anu dijieun husus paranti ngala paré ranggeuyan.[1]. Peperenian Urang Sunda.[2] Bandung: Kiblat Buku Utama</ref> Étém atawa ketam nyaéta salah sahiji péso leutik anu dipaké keur ngala paré lamun keur panén, biasana paré nu geus diala téh langsung digebug. Masarakat Sunda umumna loba nu ngagunakeun étém téh keur ngala paré ti batan ngagunakeun péso atawa arit, sabab aya carita atawa sajarah karuhun anu dipercaya pisan ku masarakat Sunda ti bihari nepi ka kiwari.[3] di antara sabagian potongan caritana nyaéta nalika paré panén, masarakat tradisional Sunda jeung Jawa ulah ngagunakeun arit atawa bedog pikeun ngala paré, maranéhna kudu ngagunakeun étém, péso leutik nu bisa disumputkeun dina dampal leungeun.[3] Masarakat Sunda percaya yén déwi paré Nyi Pohaci Sanghyang Asri nu miboga jiwa hadé tur handap asor, bakal sieuneun ningali bedog jeung arit mah.[3] Salian ti, éta kapercayaan yén déwi téh ngawujud dina paré nu kudu dipikahormat.[3] Nepi ka ayeuna éta kapercayaan téh masih dipertahankeun ku masarakat, contona upacara tradisional panén paré masarakat Sunda nu disebut Sérén taun.[3] Éta upacara téh masih kénéh dilaksanakeun di sababaraha tempat di daérah Sunda, di antarana Kuningan, Sukabumi, Banten, jeung Bogor.[4]



Referensi[édit | édit sumber]

  1. Hidayat, Rachmat Taufiq, spk. (2005)
  2. Jonathan, Rigg (1862). A Dictionary of the Sunda Language of Java. Universitas Harvard: Bataviaasch Genootschap van Kunsten en Wetenschappen. 
  3. a b c d e Ani-ani (diakses tanggal 16 Oktober 2011)
  4. (id)seren taun di banten Archived 2010-10-31 di Wayback Machine