Fosforus

Ti Wikipédia, énsiklopédia bébas
Luncat ka: pituduh, paluruh
Fosforus

Fosforus nyaéta hiji unsur kimia dina tabél périodik anu miboga lambang P jeung nomor atom 15.[1] Fosforus mangrupa unsur non-logam multivalen tina kelompok nitrogén.[2] Ieu unsur kapanggih di alam dina sawatara bentuk alotropik jeung mangrupa élemen penting pikeun kahirupan organisme.[2] Nyangkaruk sawatara wangun Fosforus nyaéta Fosforus bodas, beureum jeung hideung.[2] Fosforus bodas nyaéta jenis anu biasa diproduksi industri.[2] Fosforus bosa hurung dinu poék, kabeuleum sacara spontan mun keuna hawa, sarta mangrupa racun angot.[2] Fosforus beureum mah varéatif dina warnana téh, tina orén ka bungur ku sabab varéasi leutik tina struktur kimiana.[2] Wangun katilu, Fosforus hideung, dijieun dina tekenan luhur, wujudna siga grafit sarta bisa ngahantarkeun listrik.[2] Di alam, Fosforus teu pernah dipanggihan dina wangun murni, tapi ngan minangka fosfat anu kawangun tina atom fosforus anu katalian dina opat atom oksigén.[2] Fosforus ogé aya nu minangka ion fosfat muatan négatif (PO43-) anu kawangun tina mineral atawa minangka organofosfat nu mana nyangkaruk molekul organik anu napel kana hiji, dua, atawa tilu atom oksigén.[2] Fosforus ogé nyangkaruk dina mangrupa-rupa kadaharan.[2] Kadaharan anu euyeub fosforusna nyaéta tuna, salmon, sardén, haté, kalkun, hayam, endog jeung kéju (200 mg/100 g).[2] Di alam, nyangkaruk loba mineral fosfat nu wangun pang-ngaleuyana mah nyaéta apatit.[2]

Rujukan[édit | édit sumber]

  1. "Tabel Periodik (Indonesian Periodic Table)". PTable. Diakses tanggal 3/12/2016. 
  2. a b c d e f g h i j k l "Fosfor (P): Fakta, Sifat, Kegunaan & Efek Kesehatannya". Amazine. Diakses tanggal 3/12/2016. 
Nulis.jpg