Salmon

Ti Wikipédia Sunda, énsiklopédi bébas

Salmon nyaéta salah sahiji lauk anu geus kawentar di masarakat, lauk anu ngandung nutrisi sarta alus pikeun kaséhatan otak manusa.[1] Ieu lauk téh mangrupa jenis lauk laut tina sadulur salmonidae anu sacara umum mangrupa spésiés anadromous, nyaéta spésiés lauk pindah tempat (imigrasi) pikeun baranakanna.[1] Lauk séjén di kulawarga salmonidae nyaéta lauk Trout.[1] Mimitina hirup di cai biasa, tuluy megar, sanggeus megar pindah (migrasi) deui ka lautan.[1] Ieu lauk bisa jadi lauk anu istiméwa lantaran salmon ngadahar lauk-lauk laleutik anu kabeukina jukut laut.[2] Nya tina jukut laut ieu pisan nu ngadorong jadi omega 3, sarta ampuh pikeun nurunkeun kolesterol, jeung ngajaga sél-sél otak tina panyakit.[2]

Salmon boga rasa anu has, bisa karasa ni'mat sanajan teu maké bungbu.[3] Teu héran saupama ieu lauk jadi dipikaresep di Indonésia, salmon biasana diolah jadi sushi jeung sashimi.[3] Sushi jeung sashimi ngagunakeun lauk salmon ti Norwégia, nagara nu sok ngékspor seafood panggedéna sadunya.[4]

Klasifikasi[édit | édit sumber]

Kingdom : Animalia

Fillum : Chordata

Class : Actinopterygii

Ordo: Salmoniformes

Familly : Salmonidae

Genus : Oncorhyncus

Species : Oncorhyncus sp[1]

Jenis-jenis Salmon[édit | édit sumber]

Salmon Chinook[édit | édit sumber]

Salmon jenis ieu ngabogaan tékstur anu empuk sarta ngandung minyak anu loba, beuratna 10-15 pound.[5] Salmon jenis ieu mangrupa salmon panggedéna di Pasifik.[5] Salmon jenis ieu disebut ogé King Salmon atawa Oncorhynchus Tshawytscha, warnana aya nu bodas atawa beureum kolot.[6]

Pink Salmon FWS

Salmon Sockeye[édit | édit sumber]

Salmon Sockeye nyaéa salmon anu dagingna warna beureum sarta ngandung minyak, beuratna bisa nepi ka 5-8 pound malah bisa nepi ka 15 pound.[5]

Salmon Coho[édit | édit sumber]

Bédana salmon Coho jeung salmon sockeye nyaéta salmon sockeye mah leuwih hampang tibatan salmon coho, coho mah bisa nepi ka 6-12 pound malah bisa nepi ka 31 pound.[5] Salmon coho biasana aya di sisi walungan atawa di cai anu tiis.[5]

Salmon Gigi Anjing[édit | édit sumber]

Salmon Gigi Anjing teu jiga salmon séjénna, salmon jenis ieu teu boga warna anu has jeung minyakna saeutik pisan.[5] Salmon Gigi Anjing beuratna bisa nepi ka 10-15 pound malah bisa jadi nepi ka 33 pound.[5] Konjoyan salmon ieu nyaéta hampir sarua jeung anjing.[5]

Salmon Atlantik[édit | édit sumber]

Salmon Atlantik biasa disebut salmon salar nyaéta salmon hiji-hijina anu hirup di Atlantik.[6] Beurat salmon Atlantik rata-rata 2–10 kg.[6] Salmon ieu asalna ti Atlantik Utara tepatna ti New England nepi ka Skandinavia, beuratna kira-kira 10 kg, hanjakal jumlahna kiwari geus kari saeutik.[7]

Salmon Anjing / Dog Salmon[édit | édit sumber]

Salmon anjing atawa Oncorhynchus Keta nyaéta salmon anu boga warna bungur, ngaharib-harib ka geuneuk.[6] Ieu hal mangrupa ciri has tina salmon nu sok disebut ogé Salmon Chum jeung Keta Salmon.[6] Daging salmon anjing warnana pias, kandungan lemakna saeutik, sarta biasana dijual ka luar negri dina bentuk kaléngan atawa dibekukeun.[6]

Salmon Pérak[édit | édit sumber]

Salmon Pérak atawa sering disebut ogé Silver Salmon, Coho Salmon, jeung Oncorhynchus Kisutch nyaéta jenis lauk anu kawentar di Puget Sound (Teluk Besar Samudra Pasifik), cicingna di anak walungan basisir jeung walungan-walungan leutik.[6] Daging salmon pérak warnana beureum caang, warna kulitna pérak, beuratna kurang ti 5 kg sarta tékstur dagingna leuwih empuk batan salmon-salmon séjénna.[6]

Salmon Pelangi (Rainbow Trout Salmon)[édit | édit sumber]

Salmon Pelangi atawa Steelhéad mangrupa jenis lauk salmon anu asalna ti Samudra Pasipik Asia jeung Amerika Utara.[6] Sanggeus dua taun hirup di laut, Salmon Pelangi pindah ka cai biasa pikeun ngendog.[6]

Salmon Pesisir / Cutthroat Trout[édit | édit sumber]

Salmon Pesisir atawa Onchorhynchus Clarki nyaéta jenis salmon asal anak walungan samudra Pasifik, Pagunungan Rocky sarta Gréat Basin di Amerika Utara, ciri has tina salmon ieu nyaéa warna beureum has di handapeun rahangna.[6]

Pink Salmon[édit | édit sumber]

Salmon Pink atawa salmon kayas nyaéta jenis salmon anu loba kapanggih di lautan Pasifik , boga ciri has daging nu warna kayas atawa beureum ngora kitu ogé dina pundukna.[6] Sesebutan séjén pikeun Pink Samon nyaéta Bungkuk Salmon, Humpies, jeung Humpback.[6]

Red Salmon[édit | édit sumber]

Red salmon kawentar ku ciri hasna anu ngabogaan daging warna beureum atawa oranyeu, kitu ogé kulitna.[7] Salmon jenis ieu loba ngandung omega 3 jeung lemak teu jenuh.[7] Jumlah salmon ieu kaitung masih loba beuratna kira-kira 2,5 kg.[7]

Budidaya[édit | édit sumber]

Pikeun ngahasilkeun kualitas salmon anu hadé, indung salmon déwasa anu dipilih, mampuh ngahasilkeun kira-kira 10.000 endog anu diinkubasi dina suhu téngki kalayan dikadalikeun tina hatchery cai biasa.[8] Sanggeus megar, anak salmon diasuh di hatchary nepi ka 18 bulan.[8] Dina umur sakieu, salmon mimiti smoltify-prosés alami parobahan fisiologis anu ngayakinkeun pikeun hirup dina cai asin.[8]

Di Indonésia, budidaya salmon kaitung masih kénéh handap, padahal sabenerna lamun urang Indonésia bisa nyieun budidaya lauk salmon bakal jadi kauntungan anu gedé.[9] Lauk salmon anu aya di Indonésia asalna ti luar negri, kabutuhan salmon di Indonésia masih dikawasa kira-kira 86% impor ti Norwégia.[9]

Léngkah-léngkah Praktis Budidaya Salmon[édit | édit sumber]

1. Pikeun ngahasilkeun kualitas anu maksimal budidaya salmon, anu mimiti kudu diperhatikeun téh nyaéta bibit indung anu kualitana hadé, indung salmon anu super bisa ngahasilkeun 10.000 endog.[10]

2. Endog anu geus meunang prosés pembuahan diinkubasi dina wadah husus.[10]

3. Cai anu digunakeun dina wadah nyaéta cai biasa, sarta kaayaan suhu kudu tetep diperhatikeun jeung dikadalikeun ngarah sarua jeung kaayaan di tempat asalna.[10]

4. Saupama bibit salmon geus mimiti malegar, pindahkeun deui kana wadah husus pikeun prosés ngagedékeun. Prosés ieu kudu digedékeun dina hatchery nepi ka umur 18 bulan.[10]

5. Dina umur 18 bulan salmon mimiti ngalaman parobahan prosés kadéwasaan sarta geus bisa nyaluyukeun dina tempat asalna nyaéta dina cai asin. Prosés ieu disebut smoltify atawa prosés pisiologis.[10]

6. Ahir tina mangsa parobahan pisiologis ieu, ukuran salmon geus 10–12 cm sarta beurat 100 gram. Dina mangsa ieu salmon geus kudu dipindahkeun kana jaring di lauan.[10]

7. Satuluyna diurus dina jaring salila 18 bulan, umur sakieu beuratna bisa nepi ka 4,5 kg sarta robah jadi salmon smolt dewasa sarta lauk ieu geus meujeuhna dipanén.[10]

Kandungan Gizi[édit | édit sumber]

Salmon ngandung protéin jeung antioksidan co-anzyme Q 10 pikeun nyegah panyakit jantung jeung déprési sarta ngaoptimalkeun gawé otak jeung panon ka orok jeung budak.[2]

Oméga dina salmon mampuh ngaronjatkeun lével serotonin, unsur kimia dina otak anu matak nimbulkeun rasa gumbira.[2]

Kandungan antioksidan dina salmon ngabalukarkeun vitamin C jeung E bisa gawé leuwih lila, nepi ka maksimal dina ngaronjatkeun kaséhatan mata jeung kulit.[2]

Protéin dina salmon dibutuhkeun pikeun nyieun sél kulit, buuk, mata, otot jeung organ-organ séjénna.

Lemak dina salmon (Omega 3) mampuh ngaronjatkeun HDL pikeun nurunkeun épék négatip tina kolésterol LDL.[2]

Nutrisi[édit | édit sumber]

Nutrisi anu aya dina salmon nyaéta:

  • Energi: 142 kkal[2]
  • Cai: 68, 50 g[2]
  • Protein: 19,84 g[2]
  • Lemak: 6,34 g[2]
  • Kolesterol: 55 g[2]
  • Kalsium: 12 g[2]
  • Besi: 0,80 g[2]
  • Riboflavin: 0,380 g[2]
  • Niacin: 7,860 g[2]
  • Vitamin A[11]
  • Vitamin D[11]
  • Vitamin B6[11]
  • Vitamin B[11]
  • Vitamin E[2]
  • Kandungan séjénna kalsium, zat besi, seng, magnesium, jeung fosfor[11]

Mangpaat Salmon[édit | édit sumber]

Oméga 3[édit | édit sumber]

  1. Ngajaga kaséhatan jantung
  2. Ngurangan résiko struk
  3. Ngurangan diabétes
  4. Penting keur kaséhatan mata jeung otak orok dina kandungan
  5. Menerkeun pola lipid getih
  6. Ngaronjatkeun pungsi pembuluh darah
  7. Menerkeun gangguan kekebalan jeung inflasi rheumatoid arthritis jeung chorone[11]

Protein[édit | édit sumber]

  1. Sumber énérgi
  2. Ngatur métabolisme awak
  3. Mantuan prosés pertumbuhan otot
  4. Mantuan prosés pembentukan hormon
  5. Pembentukan zat antibodi[11]

Asam Amino[édit | édit sumber]

  1. Ngawangun hémoglobin atawa sél darah merah
  2. Ngawangun sel darah putih
  3. Ngaronjatkeun énérgi
  4. Protéksi tina radiasi
  5. Ngahambat kangker jeung tumor
  6. Ngaronjatkeun pungsi otak
  7. Antibodi[11]

Vitamin A[édit | édit sumber]

  1. Ngajaga kaséhatan mata
  2. Nyageurkeun tatu
  3. Nyegah kangker
  4. Sumber antioksidan
  5. Sisitem imun[11]

Vitamin D[édit | édit sumber]

  1. Ngajaga kaséhatan tulang
  2. Nyegah ostéoporosis
  3. Nyegah kangker kolon jeung proostat
  4. Ngajaga kaséhatan kulit[11]

Vitamin B6[édit | édit sumber]

  1. Ngaronjatkeun énérgi
  2. Ngaronjatkeun kaséhatan jantung
  3. Sistem imun
  4. Sistem sarap
  5. Kaséhatan otot[11]

Vitamin E[édit | édit sumber]

  1. Ngungkulan kulit karinyut, gurat kulit, kutikula
  2. Ngungkulan éfék négatip obat-obatan
  3. Nyegah kangker
  4. Nyegah panyakit sarap
  5. Obat diabétés[11]

Ciri-ciri Salmon nu Hadé[édit | édit sumber]

Ciri-ciri salmon anu hadé nyaéta:

Bauna[édit | édit sumber]

Bau salmon anu masih kénéh seger nyaéta teu pati hanyir, saupama salmon kaambeuna bau anu teu ngeunah atawa hanyir kaleuleuwihi, hartina éta salmon kualitasna geus teu alus deui.[2]

Teu Caian[édit | édit sumber]

Hal nu kudu diperhatikeun nalika meuli salmon, utamana salmon anu geus di fillet nyaéta salmon anu seger mah teu ngandung cai, lamun katingalina caian hartina geus kakotoran ku lingkunganna.[2]

Asang jeung Kulit[édit | édit sumber]

Salmon seger warna kulitna hérang jeung semu baseuh, sedengkeun asangna warna beureum.[2]

Tékstur[édit | édit sumber]

Salmon anu masih kénéh seger téksturna empuk tapi teu gampang ancur, sabalikna lamun kualitasna goréng, téksturna karasa teus.[2]

Warna[édit | édit sumber]

Warna daging salmon henteu bodas siga umumna lauk, salmon ngabogaan warna semu oranyeu jeung garis-garis bodas.[2] Warna salmon anu masih kénéh seger cerah jeung rata, sabalikna lamun geus teu seger warnana pias jeung kulitna warna hideung.[2]

Rujukan[édit | édit sumber]

  1. a b c d e "Ikan Salmon (Oncorhyncus sp.) | Biota Dunia Perairan". www.dunia-perairan.com. Diakses tanggal 2018-02-11.  Archived 2018-02-18 di Wayback Machine
  2. a b c d e f g h i j k l m n o p q r s t u v "Ciri-ciri Ikan Salmon Berkualitas Sehat dan Bergizi Tinggi Untuk Dikonsumsi - Tribunnews.com" (dalam bahasa id-ID). Tribunnews.com. http://www.tribunnews.com/kesehatan/2016/02/16/ciri-ciri-ikan-salmon-berkualitas-sehat-dan-bergizi-tinggi-untuk-dikonsumsi. Diakses pada 2018-02-11 
  3. a b VIVA, PT. VIVA MEDIA BARU - (2012-11-26). "Mengenal Negara Penghasil Salmon Kualitas Tinggi – VIVA" (dalam bahasa id). https://www.viva.co.id/gaya-hidup/kuliner/370288-mengenal-negara-penghasil-salmon-kualitas-tinggi. Diakses pada 2018-02-11 
  4. Liputan6.com. "Dari Mana Asal Salmon dalam Menu Sushi dan Sashimi?". liputan6.com. http://lifestyle.liputan6.com/read/2372966/dari-mana-asal-salmon-dalam-menu-sushi-dan-sashimi. Diakses pada 2018-02-11 
  5. a b c d e f g h "List Dan Asal Ikan Salmon" (dalam bahasa en-US). http://www.martinrecords.com/animals/list-dan-asal-ikan-salmon/. Diakses pada 2018-02-11  Archived 2018-02-07 di Wayback Machine
  6. a b c d e f g h i j k l m "8 Jenis Ikan Salmon Lengkap dengan Kandungan dan Gambarnya | Dunia Ikan". duniaikan.com (dalam en-US). Diakses tanggal 2018-02-13.  Archived 2018-02-12 di Wayback Machine
  7. a b c d "Mengenal Tujuh Jenis Ikan Salmon di Dunia". www.salmonhu.com. Diakses tanggal 2018-02-13. 
  8. a b c (dalam bahasa id) Salmon. 2017-11-30. https://id.wikipedia.org/w/index.php?title=Salmon&oldid=13396787. 
  9. a b Author, Nama. "Cara Budidaya Ikan Salmon Indonesia Terlengkap Bisnis Miliyaran!". Budidaya Ikan Hias. Diakses tanggal 2018-02-13.  Archived 2018-02-13 di Wayback Machine
  10. a b c d e f g "Cara Mudah Budidaya Ikan Salmon untuk Pemula" (dalam bahasa en-US). Informasi Ternak Hewan. 2016-03-15. http://www.ilmuhewan.com/cara-mudah-budidaya-ikan-salmon-untuk-pemula/. Diakses pada 2018-02-13 [tumbu nonaktif]
  11. a b c d e f g h i j k l "manfaat salmon - Pamaluruhan Google". www.google.com (dalam su-US). Diakses tanggal 2018-02-13.