Gamparan

Ti Wikipédia Sunda, énsiklopédi bébas
Loncat ke navigasi Loncat ke pencarian
Gamparan anu aya di museum Brooklyn

Gamparan nyaéta tilam dampal suku supaya henteu kakotoran, kabaseuhan, atawa kacugak [1] , wanguna kawas tarumpah/bakiak/kelom, dijieun tina kai [2]. salah sahiji bédana gamparan jeung anu séjén nyaéta henteu mibanda tali, jadi mangsana dipaké gamparan kudu dicapit lilinggana maké indung suku, lilingga téh babandul anu panjang ± 4 cm dijieuna tina kai aya diluhureun gamparan beulah kénca jeung katuhu [3]

Pedaran[édit | édit sumber]

Gamparan dijieun tina kai teuas sangkan henteu gampang beulah ogé awét dipakéna, kai anu ilahar dipaké saperti: kai jati, kai meranti paro, kai ngerawan, jeung sajabana. Dilingkungan pasantrén gamparan remen dipaké pikeun kacai mangsana wudu saméméh ngadegkeun solat.[4] Gamparan baheula loba pisan didagangkeun, biasana dijieun tina tangkal kai jati ku lantaran kitu gamparan téh baheula loba anu boga, méh aya di unggal imah, kiwari mah meuren kawas sendal capit.[1]

Harti séjén gamparan[édit | édit sumber]

Sesebutan ka jalma anu aya dihareupeun sarta dipihormat (ngébréhkeun rasa hormat)[5] kecap gamparan malahan leuwih leuwih hormat ti batan sampéan [1], kecap gamparan ogé dipaké pikeun nyebut ka saurang juragan anu beurat beunghar, sahenteuna pikeun, ngahormat, meuli haté, sasadu, jeung sajabana sangkan éta juragan léah manah ka rahayat leutik [6]

Tempo ogé[édit | édit sumber]

Dicutat tina[édit | édit sumber]

Tutumbu kaluar[édit | édit sumber]

  1. Jendral Sudirman ogé maké gamparan
  2. Gamparan mibanda harti handap asor
  3. Kecap gamparan, némbongkeun kalungguhan
  4. Gamparan, sesebutan ka djelema kadua (nuduhkeun hormat), leuwih hormat batan sampean


Nulis.jpg