Gunung Lawu

Ti Wikipédia, énsiklopédia bébas basa Sunda
Luncat ka: pituduh, sungsi
gunung lawu

Gunung Lawu perenahna di Pulo Jawa, ndonésia, di perbatasan Propinsi Jawa Tengah sarta Jawa Wétan, jangkungna 3.265 méter di luhur permukaan sagara.[1] Dina pabeubeurang suhuna sedeng sarta dina jero peuting jadi tiis.[1] Curah hujan pohara péndék sarta beuki ka penclut iklimna beuki garing.[1] Gunung Lawu mangrupa gunung anu médanna kabuka sarta saeutik tangkal.[1] Sajumlah flora anu bisa dipanggihan nyaéta jukut ilalang, édelweiss, tangkal pinus, akasia, sarta pepelakan liar séjénna.[1] Waktu pangalusna pikeun ngalakonan pendakian ka penclut gunung ieu téh dina waktu peuting di bulan Juni, Juli, sarta Agustus.[1] Gunung ieu perenahna di arah wétan sagara Solo sarta aya sajumlah objék wisata séjén di lampingna, nyaéta Talaga Sarangan sarta Tawangmangu.[1] Di Gunung Lawu aya dua jalur utama pendakian, nyaéta jalur Cemoro Sewu sarta Cemoro Kandang.[1] Duanana ngan boga jarak kira-kira 200 méter.[1] Cemoro Sewu mangrupa jalur leuweung.[1] Unikna Gunung Lawu anu séjén nyaéta ku ayana kawah dibagian cangkéng gunung.[1] Kawah ieu bisa ditempo ti jalan satapak rute Cemoro Kandang. Gunung Lawu kagolong gunung seuneu kolot anu kawahna dina penclut pangluhurna nu teu aktip deui.[2] Dina Taun anyar Islam (Muharram) gunung iru pohara ramaé didatangan para pendaki sarta peziarah anu jumlahna ngahontal rébuan. Alatan, sajaba minangka tujuan pendakian, di gunung ieu loba tempat anu dikaramatkeun ku penduduk.[1]

Rujukan[édit | sunting sumber]

  1. a b c d e f g h i j k l Lubis, Nisrina.2010. Full Traveling Yuk.!. Yogyyakarta: Diva Press. Kaca 207
  2. Kadir, Hatib Abdul. 2003. Mari Mendaki Gunung dari Leuseur Sampai Cartenz. Yogyakarta: Penerbit Andi. Kaca 82
Nulis.jpg