Herman Muntinghe

Ti Wikipédia Sunda, énsiklopédi bébas
Loncat ke navigasi Loncat ke pencarian

Herman Warner Muntinghe (Amsterdam, 24 April 1773Pekalongan, 24 Nopémber 1827) nyaéta urang Walanda anu nyekel kalungguhan penting, boh sabot Hindia Walanda dikawasa ku Republik Bataf, Perancis, Inggris boh pamaréntah Walanda dina mangsa Komisaris Jenderal.

Dina mangsa budak, putra ti Mr. Scato M (ti kulawarga Groningen) sarta A. El Maffe ieu diajar di Inggris, saterusna balik ka Groningen taun 1787. Sanggeus lulus ti fakultas hukum, Muntinghe digawé dina Déwan koloni Asia, minangka pengacara fiskal. Saterusna, manéhna dikirim ka Batavia sarta anjog di wewengkon koloni ieu tanggal 3 Nopémber 1806. Sanepina di Batavia, manéhna diangkat jadi Sekretaris Hooge Regering. taun1808, manéhna jadi sekretaris Gubernur Jenderal Herman Willem Daendels di Batavia, sarta dina taun1809, manéhna diangkat jadi Sekretaris Jenderal Déwan Hindia Raad van Indie. Ku kaahlianana dina widang hukum, Muntinghe diangkat ku Daendels minangka Pupuhu Mahkamah Agung sarta anggota rongkah Raad van Indie.

Sanggeus Pulo Jawa ragrag ka leungeun Inggris tanggal 18 Séptember 1811, Muntinghe diangkat ku Gubernur Jenderal éast Indie Company EIC Lord Minto jadi anggota Déwan Hindia ngaliwatan kaputusanana tanggal 18 Oktober 1811, bari tetep ngarangkep kalungguhan minangka Pupuhu Mahkamah Agung. Dina tanggal 21 Oktober 1811, Muntinghe disumpah minangka anggota Déwan Hindia. Sabaha kali manéhna marengan Létnan Gubernur Jenderal Thomas Stanford Raffles nalika ngalakonan lalampahan ka wewengkon. Mindeng ogé Muntinghe narima pangajén ti Raffles, anu dimuat dina koran Java Gazette tanggal 23 April 1814 atawa dina laporanana tanggal 24 April 1813.

Dumasar kana Kongrés Wina (1814-1815), Inggris kudu geura-giru ninggalkeun wewengkon Hindia Wétan, Muntinghe babarengan jeung Elout sarta Van der Capellen diangkat jadi Komisaris Jenderal, tapi dina kasempetan pamungkas, manéhna digantikeun ku AA Buyskes. Samentara éta, manéhna tetep nyekel kalungguhan minangka Pupuhu Mahkamah Agung. Dina tanggal 16 Agustus 1816, manéhna dikirim ka Palémbang pikeun ngatur seserahan wewengkon éta ti Inggris ka Walanda. ku sabab lumangsung kariweuhann dina kasempetan éta, manéhna saterusna dipindahkeun ka Bangka pikeun mantuan seserahan wewengkon Bangka ka pamaréntah Walanda. taun1819, manéhna balik ka Walanda. Di ditu manéhna milu ngadegkeun Nederlandsche Handelmatscapaijj NHM.

Manéhna balik ka Jawa dina tanggal 25 Méi 1825, sarta wafat di Pekalongan dina tanggal 24 Nopémber 1827. KU alatan profesionalismena, Muntinghe tetep diperlukeun tanagana di Hindia Wétan ti mangsa Républik Bataf, Pamaréntahan Perancis, pamaréntahan Inggris nepi ka mangsa pamaréntahan Komisaris Jenderal.