Kélor
| Moringa oleifera | |
|---|---|
| |
| Klasifikasi ilmiah | |
| Karajaan: | |
| Divisi: | |
| Kelas: | |
| Ordo: | |
| Kulawarga: | |
| Génus: | |
| Spésiés: | M. oleifera
|
| Ngaran binomial | |
| Moringa oleifera | |
Kélor, atawa Moringa oleifera nyaéta varietas tina genus moringa anu paling loba dipelak. Ieu tutuwuhan mangrupa kulawarga moringaceae. Tutuwuhan ieu mangrupa tangkal sayur nu loba ngandung gizi nu loba mangfaatna.[1]
Déskripsi
[édit | édit sumber]Kélor (Moringa oleivera) tumuwuh dina wangun tangkal, umur panjang (perenia) nu jangkungna 7–12 m.[2] Batang kai [3] (lignosus), tegak, warna bodas kotor, kulit ipis, luarna kasar.[2] Cabangna simpodial, arah cabangna lempeng atawa nyéngkong, osok tumuwuh lempeng atawa manjang.[2] Daun majemuk, tangkaina panjang, nyusun bubukuan (alternate), anak daunna gasal (imparipinnatus), daun keur ngora warnana héjo ngora - sanggeus kolot jadi héjo kolot, wangu daunna oval, panjang 1–2 cm,lébar 1–2 cm, ipis leuleus, tungtung jeung sisina mintul (obtusus), sisi luar luhur jeung handapna lemes.[2] Kembang kaluar dina kélék daun (axillaris), tangkaina panjang, kalopak warna bodas rada krem, ngaluarkeun ambeu anu has.[2] Buah kélor bentukna panjang segi tiga, panjangna 20–60 cm, buah ngora warnana héjo, sanggeus kolot jadi coklat, wangun sikina buleud warna coklat kahideungan, buahan sanggeus umurna 12-18 bulan.[2] Akar tunggang, warna bodas, ngagedéan kawas lobak.[2] Ngalobakeuna bisa sacara generatif (siki) atawa vegetatif (sték batang).[2] Tumuwuh boh di dataran handap atawa luhur nepi ka luhur kurang leuwih 1000 m dpl, loba dipelak salaku tapel wates atawa pager di buruan imah atawa kebon.[2]
Mangfaat
[édit | édit sumber]Organisasi kaséhatan dunya (WHO) nyarankeun pikeun barudak jeung orok anu masih dina mangsa tumuwuh piekun ngonsumsi ieu karana alusna mangfaat daun kélor, ku sabab geuning ngandung:[4]
- Daun kélor dipikaweruh ngandung Potasium tilu kali ti batan cau.[4]
- Ngandung Kalsium ogé anu lobana opat kali leuwih loba ti batan jeruk.[4]
- Ngandung Vitamin C tujuh kali ti batan jeruk.[4]
- Ngandung Vitamin A opat kali leuwih loba ti batan wortel.[4]
- Ngandung protéin ogé dua kali ti batan susu.[5]
Referensi
[édit | édit sumber]- ↑ Damayanti, Dewi (2008). Buku Pintar Tanaman Obat: 431 jenis tanaman penggempur aneka penyakit. Jakarta: AgroMedia. hlm. 103. ISBN 9789790061941.
- ↑ a b c d e f g h i (id)Kelor diakses 2 Agustus 2015
- ↑ Jonathan, Rigg (1862). A Dictionary of the Sunda Language of Java. Universitas Harvard: Bataviaasch Genootschap van Kunsten en Wetenschappen.
- ↑ a b c d e (id)Wikipedia Bahasa Indonesia diakses 2 Agustus 2015
- ↑ Savitri, Astrid (2016). Savitri. Indonesia: Bibit Publisher. hlm. 24. ISBN 9786026805232. Disungsi10 Januari 2022
|
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |